PM Modi Chennai Visit: தமிழ்நாடு வரும் பிரதமர் மோடி; ட்விட்டரில் ட்ரெண்டாகும் GobackModi, VanakkamModi ஹேஷ்டேகுகள்

வந்தே பாரத் ரயில் தொடக்க விழா உள்ளிட்ட பல்வேறு நலத்திட்டங்களைத் தொடங்கி வைக்க பிரதமர் மோடி தமிழ்நாடு வரும் நிலையில், ட்விட்டரில் GobackModi, Vanakkam_Modi உள்ளிட்ட ஹேஷ்டேகுகள் ட்ரெண்டாகி வருகின்றன.

ட்ரெண்டாகும் ஹேஷ்டேகுகள்

வந்தே பாரத் ரயில் தொடக்க விழா உள்ளிட்ட பல்வேறு நலத்திட்டங்களைத் தொடங்கி வைக்க பிரதமர் மோடி தமிழ்நாடு வரும் நிலையில், ட்விட்டரில் GobackModi, Vanakkam_Modi உள்ளிட்ட ஹேஷ்டேகுகள் ட்ரெண்டாகி வருகின்றன. அண்மைக் காலங்களில் பிரதமர் மோடி தமிழ்நாடு வரும்போதெல்லாம் இத்தகைய ஹேஷ்டேகுகள் அதிகம் ட்ரெண்டாகி வருகின்றன.

பிரதமர் மோடி சென்னை வருகை

வந்தே பாரத் ரயில் தொடக்க விழா உள்ளிட்ட பல்வேறு நலத்திட்டங்களைத் தொடங்கி வைக்க பிரதமர் மோடி தமிழ்நாடு வருகிறார். சென்னைக்கு பிரதமர் மோடி வருவதையொட்டி டி.ஜி.பி. சைலேந்திர பாபுவின் உத்தரவின் பேரில் 22 ஆயிரம் போலீசார் பாதுகாப்பு பணியில் ஈடுபட்டுள்ளனர். பிரதமர் மோடி கலந்துகொள்ளும் நிகழ்ச்சிகள் நடைபெறும் இடங்களில் 5 அடுக்கு பாதுகாப்பு போடப்பட்டுள்ளது. 

ராகுல் காந்தி எம்.பி. பதவியில் இருந்து நீக்கப்பட்டதை அடுத்து காங்கிரஸ் கட்சியினர், இன்று போராட்டம் நடத்த திட்டமிட்டுள்ளதாக உளவுத் துறைக்கு ரகசியத் தகவல் வெளியாகியுள்ளது. இதை அடுத்து காங்கிரஸ் கட்சியினர் போலீசார் பாதுகாப்பு வளையத்திற்குள் கொண்டு வரப்பட்டுள்ளனர்.

சென்னைக்கு பிரதமர் மோடி வருவதை ஒட்டி நேற்றைய தினம் பாதுகாப்பு ஒத்திகை நிகழ்ச்சி நடத்தப்பட்டது. எந்தவித அசம்பாவிதமோ, பாதுகாப்புக் குறைபாடோ ஏற்படாமல் இருக்க சென்னை முழுவதும் போலீசார் குவிக்கப்பட்டுள்ளனர்.

பயண நிரல்

பிரதமர் நரேந்திர மோடி இன்று மதியம் 1.35 மணிக்கு ஹைதராபாத் பேகம்பேட் விமான நிலையத்திலிருந்து விமானப்படைக்கு சொந்தமான விமானம் மூலம் சென்னைக்கு 2.45 மணிக்கு வருகிறார். மாலை 3 மணிக்கு சென்னை விமான நிலையத்தில் கட்டப்பட்டிருக்கும் ஒருங்கிணைந்த புதிய முனையத்தை திறந்து வைக்கிறார். பின்னர் மாலை 3:30 மணிக்கு இந்திய விமானப்படை ஹெலிகாப்டரில் புறப்பட்டு, மாலை 3: 50 மணிக்கு, சென்னை ஐஎன்எஸ் அடையாறு சென்றடைகிறார். மாலை 3:55 மணிக்கு அங்கிருந்து காரில் புறப்பட்டு, மாலை 4 மணிக்கு செண்ட்ரல் ரயில் நிலையத்திற்கு செல்கிறார்.

அங்கு மாலை 4 மணியிலிருந்து 4:20 மணி வரை, சென்னை கோவை இடையே அதிவிரைவு ரயில் ஆன வந்தே பாரத் ரயிலை கொடியசைத்து தொடங்கி வைக்கிறார். அதன் பின்பு மாலை 4:25 மணிக்கு சென்னை  சென்ட்ரல் ரயில் நிலையத்திலிருந்து காரில் புறப்பட்டு, மாலை 4:40 மணிக்கு, விவேகானந்தர் இல்லத்திற்கு செல்கிறார். அங்கு மயிலாப்பூர் ராமகிருஷ்ண மடத்தின் 125-வது ஆண்டு விழாவில் கலந்து கொள்கிறார். 

அங்கிருந்து மாலை 6 மணிக்கு இந்திய விமானப்படை ஹெலிகாப்டரில் புறப்படும் பிரதமர் மாலை 6:20 மணிக்கு சென்னை பழைய விமான நிலையம் வருகிறார். பல்லாவரம் அல்ஸ்டாம் கிரிக்கெட் கிரவுண்டில் நடைபெறும் பல்வேறு நிகழ்ச்சிகளை அடிக்கல் நாட்டி வைக்கிறார்.

பிரதமரின் வருகைக்கு எதிர்ப்பு தெரிவிக்கும் வகையில் காங்கிரஸ் உள்ளிட்ட எதிர்க் கட்சிகள் கருப்புக் கொடி அணிந்து, GobackModi ஹேஷ்டேகை ட்ரெண்டாக்கி வருகின்றன.

இதற்கிடையே பாஜக உள்ளிட்ட  கட்சிகள், Vanakkam_Modi என்னும் ஹேஷ்டேகை ட்ரெண்டாக்கி வருகின்றன. அண்மைக் காலங்களில் பிரதமர் மோடி தமிழ்நாடு வரும்போதெல்லாம் இத்தகைய ஹேஷ்டேகுகள் அதிகம் ட்ரெண்டாகி வருவது குறிப்பிடத்தக்கது.