TN Assembly | ஒமிக்ரானால் மாறும் ப்ளான்கள்! கலைவாணர் அரங்கில் சட்டமன்ற கூட்டத்தொடர் - அரசின் அறிவிப்பு!
ஜனவரி 5ஆம் தேதி ஆளுநர் ஆர்.என்.ரவி உரையுடன் சட்டப்பேரவை கூட்டத்தொடர் தொடங்கும் என்றும், அன்று காலை 10 மணிக்கு ஆளுநர் உறையாற்ற உள்ளார் எனவும் கூறப்பட்டுள்ளது.
ஜனவரி 5ஆம் தேதி ஆளுநர் ஆர்.என்.ரவி உரையுடன் சட்டமன்ற கூட்டத்தொடர் தொடங்கும் என்று அறிவிக்கப்பட்டுள்ளது.
ஆண்டின் முதல் சட்டப்பேரவை கூட்டம் செயிண்ட் ஜார்ஜ் கோட்டையில் உள்ள சட்டப்பேரவை வளாகத்தில் நடைபெறும் என்று அறிவிக்கப்பட்டிருந்தது. இந்த நிலையில், கொரோனா மற்றும் ஒமிக்ரான் தொற்று பரவலால் முன்னெச்சரிக்கை நடவடிக்கையாக கலைவாணர் அரங்கத்தில் பேரவைக் கூட்டம் நடைபெறும் என அறிவிக்கப்பட்டுள்ளது. ஜனவரி 5ஆம் தேதி ஆளுநர் ஆர்.என்.ரவி உரையுடன் சட்டப்பேரவை கூட்டத்தொடர் தொடங்கும் என்றும், அன்று காலை 10 மணிக்கு ஆளுநர் உறையாற்ற உள்ளார் எனவும் கூறப்பட்டுள்ளது.
சட்டப்பேரவை கூடுவதை தொடர்ந்து, எம்எல்ஏக்களுக்கு நாளையும், நாளை மறுநாளும் கொரோனா பரிசோதனை மேற்கொள்ளப்படுகிறது. சென்னையில் இரண்டு இடங்களில் எம்எல்ஏக்களுக்கு கொரோனா பரிசோதனை நடைபெற உள்ளது.
முன்னதாக, தமிழ்நாட்டில் கொரோனா பரவல் அதிகரித்துள்ள சூழலில் புதிய கட்டுப்பாடுகளை விதித்து முதலமைச்சர் மு.க.ஸ்டாலின் உத்தரவிட்டுள்ளார். கொரோனா கட்டுப்பாடுகள் ஜனவரி 10ஆம் தேதி வரை நீட்டிக்கப்பட்டுள்ளது.
புதிய கட்டுப்பாடுகளின் படி, ஜனவரி 10ஆம் தேதி வரை, அனைத்து பள்ளிகளிலும் 1 முதல் 8ஆம் வகுப்பு வரை நேரடி வகுப்புகள் நடத்த தடை விதிக்கப்பட்டுள்ளது. 9 மற்றும் 12ஆம் வகுப்பு வரை பள்ளிகள் மற்றும் கல்லூரிகள், தொழிற்பயிற்சி நிலையங்கள் வழக்கம்போல் செயல்படும். திருமணம், திருமணம் சார்ந்த நிகழ்வுகளில் 100 பேருக்கு மட்டுமே அனுமதி வழங்கப்பட்டுள்ளது. அனைத்து பொருட்காட்சிகள் மற்றும் புத்தகக் கண்காட்சிகள் தற்போது ஒத்திவைக்கப்பட்டுள்ளது. வழிபாட்டுத்தலங்களில் தற்போது உள்ள நடைமுறையே தொடரும் என அறிவிக்கபட்டது குறிப்பிடத்தக்கது.
மேலும், எதிர்வரும் பண்டிகைக் காலத்தில் பொதுமக்கள் அனைவரும் கூட்டம் கூடுவதை தவிர்க்குமாறும், பொது இடங்களில் கட்டாயம் முகக் கவசம் அணிந்து சமூக இடைவெளியினை கண்டிப்பாக கடைபிடிக்க வேண்டும். மேலும், மாவட்ட நிருவாகம், பெருநகர சென்னை மாநகராட்சி, மருத்துவத் துறை மற்றும் உள்ளாட்சி அமைப்புகள் மூலம் நடத்தப்படும் தடுப்பூசி முகாம்களுக்கு சென்று பொதுமக்கள் குறிப்பாக 60 வயதிற்கு மேற்பட்டவர்கள் தடுப்பூசியினை கட்டாயம் செலுத்திக் கொள்ளுமாறும், மக்கள் நலன் கருதி அரசு மேற்கொள்ளும் நடவடிக்கைகளுக்கு முழு ஒத்துழைப்பு வழங்குமாறும் முதலமைச்சர் ஸ்டாலின் கேட்டுகொண்டார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
