T. Rajendar: உடல் சோர்வு.. குடும்பத்தோடு வெளிநாடு பறக்கும் டி.ராஜேந்தர்.? எந்த ஊர் தெரியுமா?

நடிகரும் இயக்குநருமான டி.ராஜேந்தர் இந்த வார இறுதியில் ஸ்விட்சர்லாந்து செல்ல இருப்பதாக தகவல் வெளியாகியுள்ளது

டி.ராஜேந்தர்

டி.ராஜேந்தர்...

இயக்குனர், நடிகர், இசையமைப்பாளர், அரசியல் கட்சி தலைவர் என பன்முகம் கொண்டவரான டி. ராஜேந்தர் உடல் நல பாதிப்பு காரணமாக சென்னை போரூரில் உள்ள ராமசந்திர மருத்துவ கல்லூரி மருத்துவமனையில் அனுமதிக்கப்பட்டார்.

முன்னதாக டி ராஜேந்தருக்கு நெஞ்சு வலி ஏற்பட்டதால், மருத்துவமனையில் அனுமதிக்கப்பட்ட அவருக்கு இருதயத்தில் அடைப்பு இருப்பது தெரிய வந்தது. அதனை அடுத்து, மருத்துவர்கள் மேற்கொண்ட சிகிச்சையில் அடைப்பு சீர் செய்யப்பட்டுள்ளதாக தகவல் கிடைத்தது. உடனடியாக தனது தந்தையின் உடல்நிலை குறித்து அறிக்கை வெளியிட்ட சிம்பு, 

சிம்பு அறிக்கை..

எனது ஆருயிர் ரசிகர்களுக்கும், அன்பான பத்திரிகை, ஊடக நண்பர்களுக்கும் வணக்கம். எனது தந்தைக்கு திடீரென நெஞ்சு வலி ஏற்பட்ட நிலையில், அவரை தனியார் மருத்துவமனையில் சேர்த்தோம். அங்கு பரிசோதனையில், அவருக்கு வயிற்றில் சிறிய இரத்த கசிவு ஏற்பட்டுள்ளதாகவும், அவருக்கு உயர் சிகிச்சை தரவேண்டும் எனவும் மருத்துவர்கள் அறிவுறுத்தியதால், அவர் உடல் நலன் கருதியும், உயர் சிகிச்சைக்காகவும், தற்போது வெளிநாட்டுக்கு அழைத்து செல்கிறோம். அவர் முழு சுய நினைவுடன், நலமாக உள்ளார். கூடிய விரைவில் சிகிச்சை முடிந்து, உங்கள் அனைவரையும் சந்திப்பார். உங்கள் பிரார்த்தனைகளுக்கும், அனைவரின் அன்புக்கும் நன்றி. உங்கள் அன்புள்ள சிலம்பரசன்" என்று அந்த அறிக்கையில் தெரிவித்தார்.

ஸ்விட்சர்லாந்து..

இந்நிலையில உடலளவில் சோர்வடைந்துள்ள டி ஆர் தனது குடும்பத்துடன் ஸ்விட்சர்லாந்து செல்ல இருப்பதாக தகவல் வெளியாகியுள்ளது. வரும் சனி அல்லது ஞாயிற்றுக்கிழமையில் டி ஆர் விமானம் ஏறுவார் எனக் கூறப்படுகிறது. இது மருத்துவ பயணமாக இருக்காது என்றும் இது ஓய்வுக்கான பயணம் என்றே கூறப்படுகிறது. இந்தப்பயணத்தின் போது சிம்புவும் உடன் போகலாம் என்றே தகவல் வெளியாகியுள்ளது.

முன்னதாக, சிகிச்சை முடிந்திருக்கும் நிலையில், மேல் சிகிச்சைக்காக டி ஆர் அமெரிக்கா அல்லது சிங்கபூர் அழைத்துச் செல்லப்படலாம் என்ற தகவல் கிடைத்துள்ளது.  டி ஆர் மனைவி உஷா, மகன்கள் சிம்பு, குறலரசன், மகள் இலக்கியா ஆகியோர் டி. ராஜேந்தருடன் அமெரிக்கா செல்ல இருப்பதாக தெரிவிக்கப்பட்டது. சிகிச்சைக்காக அவர் அமெரிக்கா செல்வதற்கான ஏற்பாடுகளை பிரபல திரைப்பட தயாரிப்பாளர் ஐசரி கணேஷ் செய்து வருவதாக டி.ஆரின் நெருங்கிய வட்டாரம் தகவல் தெரிவித்த நிலையில் தற்போது ஸ்விட்சர்லாந்து பயணம் தொடர்பான தகவல் வெளியாகியுள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண