Liquor Ban: மதுப்பிரியர்களுக்கு ஷாக்.! OLD MONK உள்ளிட்ட 3 சரக்குகளுக்கு தடை- இது தான் காரணமா.?

Liquor Ban: மதுபானங்களை முறையான பக்குவப்படுத்தும் முறைகளுக்குப் பதிலாக செயற்கை சுவையூட்டிகளைப் பயன்படுத்தியதற்காக, ஒல்ட் மங்க் ரம்மின் மூன்று வகைகளுக்கு FSSAI தடை விதித்துள்ளது.

old monk ban

Source : social media

மது விற்பனை அதிகரிப்பு

நவ நாகரீக காலத்தில் மதுபானம் குடிப்பதை பலரும் பேஷனாக மாற்றி வருகிறார்கள். அந்த வகையில் ஒரு காலத்தில் மது குடித்தாலே ஊரை விட்டு ஒதுக்கி வைத்த காலம் போய், தற்போது மது குடிக்காதவர்களை நண்பர்கள் கூட்டத்தில் இருந்து விலக்கி வைக்கும் நிலை உருவாகிவிட்டது. அந்த அளவிற்கு மதுபானத்தின் விற்பனையானது நாளுக்கு நாள் அதிகரித்து வருகிறது. இதனால் தமிழகத்தில் நாளொன்றுக்கு சுமார் 100 கோடி ரூபாய் வரை மதுபானம் விற்பனை நடைபெற்று வருகிறது.

3 மதுபானங்களுக்கு தடை

இந்த நிலையில் மதுபானங்களில் போலியான சரக்குகள் விற்பனை செய்யப்படுவதாகவும், கலப்படம் செய்யப்படுவதாகவும் புகார் எழுந்தது. இது தொடர்பாக பல இடங்களில் சோதனையும் நடத்தப்பட்டது. மேலும் மதுபானங்களில் ஆய்வுகளும் நடத்தப்பட்டு வருகிறது. இந்த நிலையில்,  மதுபான கடைகளில் புதிய வகை மதுபானங்களை மதுப்பிரியர்கள் விரும்பி வாங்கி வரும் நிலையில், மதுப்பிரியர்களில் அதிகம் விரும்பி வாங்க கூடிய மதுவாக ஓல்ட் மங்கு உள்ளிட்ட 3 மதுபானங்களுக்கு தடை விதிக்கப்பட்டுள்ளது. இது மதுப்பிரியர்களுக்கு ஷாக் கொடுத்துள்ளது.

FSSAI வெளியிட்டுள்ள அறிவிப்பு

இது தொடர்பாக FSSAI வெளியிட்டுள்ள அறிவிப்பில்,  இந்தியா முழுவதும் ஓல்ட் மங்கின் மூன்று வகை ரம்களுக்குத் தடை விதித்துள்ளதாகவும், இதில் தி லெஜண்ட், கோல்ட் ரிசர்வ் மற்றும் XXX மெச்சூர்டு ரம் ஆகியவை இடம்பெற்றுள்ளது. முறையான பதப்படுத்தும் முறைகளுக்கு மாற்றாக செயற்கை சுவையூட்டிகள் பயன்படுத்தப்படுவதாக ஒழுங்குமுறை ஆணையம் தெரிவித்துள்ளது. மேலும்  உணவுப் பாதுகாப்பு மற்றும் லேபிளிங் விதிமுறைகளை மீறியுள்ளதாகவும் குற்றம்சாட்டப்பட்டுள்ளது.

ரம் மதுபானத்தில் பக்குவப்பட்ட ரம் ஸ்பிரிட் 5 சதவீதத்திற்கும் குறைவாகவே உள்ளது. இது தற்போதுள்ள விதிமுறைகளின் தெளிவான மீறலாகும் என தெரிவிக்கப்பட்டுள்ளது. ஓல்ட் மங்க் XXX ரம் வகையின் லேபிளில் உள்ள 7 ஆண்டுகள் பழமையான கலவை என்ற கூற்றும் தவறாக இருப்பது கண்டறியப்பட்டுள்ளதாகவும் FSSAI தெரிவிக்கப்பட்டுள்ளது.