MR Vijayabaskar Car Attacked: முன்னாள் அமைச்சர் எம்.ஆர். விஜயபாஸ்கர் கார் கண்ணாடி உடைப்பு - அதிமுக, திமுக இடையே மோதல்

MR Vijayabaskar Car Attacked: கரூரில் ஊராட்சி மன்ற துணைத் தலைவர் தேர்தல் மற்றும் அதிமுக நிர்வாகி திரு.வி.கா கடத்தப்பட்ட சம்பவத்திற்கு எதிரொலியாக திமுக அதிமுக இரு தரப்பினர் இடையே மோதல். ஊராட்சியில் மொத்தம் 12 உறுப்பினர்கள் உள்ளனர்.

திமுக அதிமுக இடையே மோதல் ஏற்பட்ட போது

கரூரில் ஊராட்சி மன்ற துணைத் தலைவர் தேர்தல் மற்றும் அதிமுக நிர்வாகி திரு.வி.கா கடத்தப்பட்ட சம்பவத்திற்கு எதிரொலியாக திமுக அதிமுக இரு தரப்பினர் இடையே மோதல் ஏற்பட்டது.

கரூர் மாவட்ட ஊராட்சியில் மொத்தம் 12 உறுப்பினர்கள் உள்ளனர். 2019-ம் ஆண்டு நடந்த தேர்தலில் அதிமுக சார்பில் 8 பேரும், அதிமுக கூட்டணியில் தமாகாவைச் சேர்ந்த சிவானந்தம் என்ற ஒரு உறுப்பினர் என 9 பேரும், திமுகவில் 3 பேரும் வெற்றி பெற்றனர். இதனால் அதிமுக மாவட்டப் பொருளாளரான கண்ணதாசன் மாவட்ட ஊராட்சித் தலைவராகவும், அதிமுகவைச் சேர்ந்த முத்துகுமார் மாவட்ட ஊராட்சி துணைத் தலைவராகவும் தேர்வு செய்யப்பட்டனர்.

கடந்த சட்டப்பேரவைத் தேர்தலின்போது மாவட்ட ஊராட்சிக்குழு துணைத் தலைவர் பதவியை முத்துகுமார் ராஜினாமா செய்துவிட்டு கிருஷ்ணராயபுரம் சட்டப்பேரவைத் தொகுதியில் போட்டியிட்டு திமுக வேட்பாளர் சிவகாமசுந்தரியிடம் தோல்வியடைந்தார். அவர் பதவியை ராஜினாமா செய்ததால் மாவட்ட ஊராட்சி 8-வது வார்டு உறுப்பினர் பதவிக்குக் கடந்த அக்.9-ம் தேதி தேர்தல் நடைபெற்றது. இதில் திமுக வேட்பாளர் கண்ணையன் வெற்றி பெற்றார். இதனால் மாவட்ட ஊராட்சி வார்டு உறுப்பினர்களில் திமுகவின் பலம் 4 ஆக அதிகரித்தது. அதிமுகவின் பலம் 8 ஆகக் குறைந்தது.

இதற்கிடையில் அதிமுகவை சேர்ந்த இரண்டு உறுப்பினர்கள் திமுகவில் இணைந்தனர் தற்போது இரண்டு கட்சிகளும் சரிக்கு சமமாக உள்ளது. ஊராட்சி மன்ற துணைத் தலைவர் தேர்தல் 5 முறை ஒத்திவைக்கப்பட்ட நிலையில் மதுரை கிளை உச்ச நீதிமன்ற 19.12.2022 இன்று தேர்தல் நடைபெறும் என அறிவித்த நிலையில் இன்று தேர்தல் நடைபெற இருந்த நிலையில் திண்டுக்கல் மாவட்டத்தில் முன்னாள் அமைச்சர் எம் ஆர் விஜயபாஸ்கர் துணைத் தலைவர் பதவிக்கு அதிமுக சார்பில் போட்டியிட இருந்த திரு.வி.கா ஆகியோர் வந்து கொண்டிருந்தபோது திரு.வி.கா கடத்தப்பட்டதாக தெரிவித்த நிலையில் மதுரை கிளை நீதிமன்றம் மற்றும் கரூர் மாவட்ட காவல் கண்காணிப்பாளர் அலுவலகம் மாவட்ட ஆட்சியர் அலுவலகம் ஆகியோர் இடத்தில் அதிமுக சார்பில் புகார் மனு அளிக்கப்பட்ட நிலையில், மாவட்ட ஆட்சியர் வளாகத்தில் முன்னாள் அமைச்சர் எம்.ஆர் விஜயபாஸ்கர் வந்து கொண்டிருந்தபோது திமுக நிர்வாகிகள் பலர் ஒன்று கூடி காரை முற்றுகையிட்டு, கார் கண்ணாடி உடைக்கப்பட்டது. இதனால் இருதரப்பினருக்கு இடையே மோதல் மற்றும் வாக்குவாதம் ஏற்பட்டது.  அப்போது போலீசாருக்கும் திமுக நிர்வாகிகளுக்கும் தள்ளுமுள்ளு ஏற்பட்டது. சமூகத்திற்கு வந்த மாவட்ட காவல் கண்காணிப்பாளர் இருதரப்பினரடி பேச்சு வார்த்தையில் ஈடுபட்டு வருகிறார். இதனால் அப்பகுதியில் சுமார் 400க்கும் மேற்பட்ட போலீசார் குவிக்கப்பட்டுள்ளதால் பெரும் பரபரப்பு ஏற்பட்டுள்ளது.

 

அதிமுக முன்னாள் அமைச்சர் கார் கண்ணாடி உடைப்பு

ஊராட்சி துணைத் தலைவர் பதவிக்கு போட்டியிடும் அதிமுக வேட்பாளர் கடத்தல்https://t.co/wupaoCQKa2 | #dindigul #karur #aiadmk #dmk #mrvijayabaskar pic.twitter.com/SaMytoddYu

— ABP Nadu (@abpnadu) December 19, 2022

 

மதுரை உயர்நீதிமன்றம் கரூர் ஊராட்சி மன்ற துணைத் தலைவர் தேர்தலுக்காக ஏற்பாடுகள் நடைபெற்று வந்த நிலையில் திமுக அதிமுக நிர்வாகி மாவட்ட ஆட்சித் தலைவர் அலுவலகம் அருகே தள்ளும் முள்ளு.

அதைத்தொடர்ந்து மாவட்ட காவல் கண்காணிப்பாளர் சுந்தர வதனம் அவர்கள் தற்போது இரு தரப்பினரிடம் பேச்சுவார்த்தையில் ஈடுபட்டு வந்த நிலையில் தற்போது திமுக அதிமுக நிர்வாகிகள் போலீஸ் பாதுகாப்புடன் ரோப் கைரால் பாதுகாப்பு பணியில் ஈடுபட்டு வருகின்றனர். மேலும் தற்போது ஊராட்சி மன்ற துணைத் தலைவர் தேர்தல் நடைபெறுமா? அல்லது தள்ளி வைக்கப்படுமா என அதிமுக -திமுக நிர்வாகிகள் இடையே எதிர்பார்ப்பு ஏற்பட்டுள்ளது.

மேலும் இருவரும் எந்த ஒரு அசுமா விதமும் நடக்காமல் இருக்க போலீசார் 500க்கும் மேற்பட்டோர் மாவட்ட ஆட்சித் தலைவர் அலுவலகம் வாசலில் குறிப்பு மேலும் முன்னாள் அமைச்சர் எம் ஆர் விஜயபாஸ்கர் மாவட்ட ஆட்சித்தலைவர் அலுவலகம் வாசி காத்திருப்பதால் கூடுதல் பரபரப்பு ஏற்பட்டுள்ளது. குறிப்பாக தற்போது மாவட்ட ஊராட்சி மன்ற துணைத் தேர்தல் தேர்தலில் திமுக கவுன்சிலர் ஆறு பேர் அலுவலகத்தில் இருப்பதாக தகவல் வெளியாகியுள்ளது.

.