CM stalin To DMK Cadres : முதலமைச்சர் மு.க.ஸ்டாலினின் “புதிய கட்சி”, மக்கள் கட்சி.. இதை முதல்ல படிங்க..
இந்தியாவுக்கே வழிகாட்டும் திராவிட மாடல் ஆட்சியை வழங்கி வருகிறோம் என்று முதலமைச்சர் முக ஸ்டாலின் தொண்டர்களுக்கு கடிதம் எழுதியுள்ளார்.
சட்டமன்றத்தில் நாம் அனைவரும் ஒரே கட்சி, அதுதான் மக்கள் கட்சி என தமிழக முதல்வரும் திமுக தலைவருமான மு.க. ஸ்டாலின் தெரிவித்துள்ளார்.
இது தொடர்பாக, திமுக தொண்டர்களுக்கு எழுதியுள்ள கடிதத்தில், ”சொன்னதைச் செய்வோம், செய்வதைச் சொல்வோம் என்பதுதான் ஆட்சியின் இலக்கணம் என மறைந்த தலைவர் கருணாநிதி குறிப்பிட்டதை சுட்டிக்காட்டி, அதன் அடிப்படையில் தாம் ஆட்சி செய்து வருவதாக” தெரிவித்துள்ளார்.
ஓயா உழைப்பின் ஓராண்டு சாதனை விளக்கப் பொதுக்கூட்டங்கள் அனைத்து இடங்களில் நடைபெறும் நிலையில், கோவை, நீலகிரி மாவட்டங்களில் நடைபெறும் அரசு விழாக்களில் விரைவில் பங்கேற்க இருப்பதாகத் தெரிவித்துள்ள ஸ்டாலின், விரைவில் கட்சித் தொடர்பான கூட்டங்களில் பங்கேற்க இருப்பதாகவும் குறிப்பிட்டுள்ளார்.
கடைசி மனிதருக்கும் பலன்கள் கிடைத்திடும் வகையில் நிர்வாகக் கட்டமைப்பு, அவற்றின் மீதான கண்காணிப்பு என இந்தியாவுக்கே வழிகாட்டும் திராவிட மாடல் ஆட்சியை வழங்கி வருகிறோம் என பெருமிதமாக முக ஸ்டாலின் தெரிவித்துள்ளார்.
மேலும், ஆளும் கட்சி – எதிர்க்கட்சி என்பதெல்லாம் தேர்தல் களத்தில் மட்டும்தான். சட்டமன்றத்தில் மக்களுக்கான நன்மைகளைப் பற்றி சிந்திக்கும்போது நாம் ஒரே கட்சி , அதுதான் மக்கள் கட்சி எனக் கூறியுள்ள முதலமைச்சர் மு.க.ஸ்டாலின், மக்களாட்சியின் மாண்பைக் காத்திடும் வகையில் அனைவரும் ஒருங்கிணைந்து செயல்பட வேண்டும் என சட்டப்பேரவையில் தெரிவித்ததையே, தற்போதும் உங்களுக்கும் தெரிவித்துக் கொள்கிறேன் திமுக தொண்டர்களுக்கு கடிதம் எழுதியுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
