இந்தியாவின் முதல் மால் சென்னையில் தான் இருக்கிறதா...எங்கனு தெரிஞ்சுக்கனுமா..இத படிங்க
Spencer Plaza : சென்னை அன்னா சாலையில் இருக்கும் ஸ்பென்சர் பிளாஸா தான் இந்தியாவின் முதல் மால் என்பது எத்தனை பேருக்கு தெரியும்
சென்னை நகரத்தில் கிட்டதட்ட 10க்கும் மேற்பட்ட மால்கள் இருக்கின்றன. மற்ற ஊர்களில் குறைந்தபட்சம் இரண்டு மால்களாவது வந்துவிட்டன. நகரங்களில் மிகப்பெரிய வர்த்தக மையங்களாக திகழும் மால்கள் மக்களுக்கு பொழுதுபோக்கும் இடங்களாகவும் இருந்து வருகின்றன. சர்வதேச உணவு மற்றும் ஆடை நிறுவனங்கள் இந்த மால்களில் நிரம்பியிருக்கின்றன. ஆனால் இந்தியாவின் முதல் மால் சென்னையில் இன்றுவரை நடைமுறையில் இருந்து வருகிறது என்பது பலருக்கு தெரியாத தகவல். ஆம் சென்னை அன்னா சாலையில் உள்ள ஸ்பென்சர் பிளாஸாதான் இந்தியாவில் கட்டப்பட்ட முதல் மால்.
ஸ்பென்சர் பிளாஸா வரலாறு
ஸ்பென்சர் பிளாஸா 1863 ஆம் ஆண்டு கட்டப்பட்டது. சார்லஸ் தூரண்ட் மற்றும் ஜே.டவிள்யு ஸ்பென்சர் இணைந்து இந்த கட்டிடத்தை கட்டினார்கள். ஆரம்பத்தில் ஸ்பென்சர் பிளாசா டிபார்மெண்டல் ஸ்டோராக தான் அமைக்கப்பட்டது. இந்திய துணைக்கண்டத்தின் முதல் டிபார்ட்மெண்டல் ஸ்டோர் ஸ்பென்சர் பிளாஸா என்பது குறிப்பிடத் தக்கது. 1983 ஆம் ஆண்டு ஏற்பட்ட தீ விபத்தில் இந்தக் கட்டிடம் இடிந்து விழுந்தது. ஜகார்த்தாவைச் சேர்ந்த தொழிலதிபர் மறைந்த வாஷி சதரங்கனி, மற்றொரு தொழிலதிபர் எம். பாலசுப்பிரமணியத்துடன் சேர்ந்து, 1987 ஆம் ஆண்டு நிலத்தை கையகப்பற்றி, தற்போதுள்ள கட்டிடத்தைக் கட்டத் தொடங்கினார். பின்னர், சிங்கப்பூரைச் சேர்ந்த செல்லாராம் இந்தக் குழுவில் பங்குதாரராக சேர்ந்து, ஸ்பென்சர் பிளாசா என்ற கனவை நனவாக்கினார். இந்த மாலில் நான்கு கட்டங்கள் உள்ளன
உலகமையமாக்கலுக்குப் பின் பல சர்வதேச பிராண்டுகள் வந்தன. மாலில் இருந்த அனைத்து கடைகளும் விற்பனை செய்துவிடப்பட்டதால் இந்த பிராண்டுகளை ஸ்பென்சர் பிளாஸாவிற்குள் கொண்டு வரமுடியவில்லை. அடுத்தடுத்து சென்னையில் பெரிய மால்கள் உருவாகின. அவைகளில் பல சர்வதேச பிராண்டுகள் தங்கள் கடைகளை நிறுவி மக்களின் கவனத்தை ஈர்த்தன. இந்தியாவின் முதல் மால் என்கிற பெருமையுடைய ஸ்பென்சன் பிளாஸாவிற்கு மக்கள் மத்தியில் மதிப்பிழந்தது.
ஆனால் இன்றும் சென்னலியில் உள்ள பாரம்பரிய புராதன கட்டிடங்களில் முதன்மையானதாக இருந்து வருகிறது ஸ்பென்சர் பிளாஸா. சின்ன சின்ன கடைகளைக் கொண்டு கடந்த காலத்தை தனக்குள் நிறுத்தி வைத்திருக்கிறது ஸ்பென்சர் பிளாஸா.
தலைப்பு செய்திகள்
ட்ரெண்டிங் செய்திகள்
