இதை நிரூபித்தால் கட்சியை உடனே கலைக்க ரெடி - விஜயகாந்த மகன் பரபரப்பு பேச்சு..!

கடவூர் அருகே பாப்பனம்பட்டியில் தேமுதிக கடவூர் வடக்கு ஒன்றிய அவைத்தலைவர் கதிர்வேல் இல்ல காதணி விழாவில் மாநில இளைஞரணி செயலாளர் விஜய பிரபாகரன் கலந்து கொண்டு குழந்தைகளை வாழ்த்தினார்.

தேமுதிக மாநில இளைஞரணி செயலாளர் விஜய பிரபாகரன்

குடும்பம் இல்லாததால் தான் அதிமுகவில் நான் பெரியவனா, நீ பெரியவனா சண்டையிட்டு வருவதாகவும், தேமுதிக மற்ற கட்சிகளுடன் கூட்டணி வைப்பதற்கு பேரம் பேசியதை நிரூபித்தால் கட்சியை உடனே கலைக்க தான் ரெடி எனவும் தேமுதிக இளைஞரணி செயலாளர்  விஜய பிரபாகரன் பேசினார்.

கரூர் மாவட்டம், கடவூர் அருகே பாப்பனம்பட்டியில் தேமுதிக கடவூர் வடக்கு ஒன்றிய அவைத்தலைவர் கதிர்வேல் இல்ல காதணி விழாவில் மாநில இளைஞரணி செயலாளர் விஜய பிரபாகரன் கலந்து கொண்டு குழந்தைகளை வாழ்த்தினார்.

அதனைத் தொடர்ந்து  அவர் பேசுகையில், தேமுதிக கட்சி ஆனது ஒரு குடும்ப கட்சி என்றும், திமுகவை கலைஞருக்குப் பிறகு அவரது மகன் ஸ்டாலின், பேரன் உதயநிதி ஸ்டாலின் மற்றும் காங்கிரஸ் கட்சியினை சோனியா காந்தி, ராகுல் காந்தி ஆகியோர் சிறப்பாக வழி நடத்தி வருவதாகவும், அதுபோலத்தான் தேமுதிக கட்சியை தனது தாயார் பிரேமலதா, மாமா சுதீஷ் மற்றும் நானும் கட்சிக்காக உழைத்து வருவதாகவும், குடும்பம் இல்லாததால் தான் அதிமுகவில் தற்போது நான் பெரியவனா, நீ பெரியவனா என்று போட்டி நிலவி வருவதாகவும், தேமுதிக கட்சியை சுற்றி தான் அரசியல் நகர்வுகள் நடைபெறுவதாகவும், கடந்த கால தேர்தல்களில்  தேமுதிக மற்ற கட்சிகளுடன் கூட்டணி வைப்பதற்காக பேரம் பேசியதாக பொய்யான தகவலை பரப்பி வந்ததாகவும், அதனை நிரூபித்தால் கட்சியினையை கலைத்து விடுவதாகவும்  கூறினார்.

மேலும், வரும் 2024 பாராளுமன்ற தேர்தலில் தேமுதிக தலைமையான கூட்டணி அதிக இடங்களில் வெற்றிபெறும் எனவும், நிர்வாகிகள் தொண்டர்கள் அனைவரும் அயராது பாடுபட வேண்டும் எனவும் கூறினார்.