மேலும் அறிய

பாஜகவிற்கு எதிராக இபிஎஸ் பேசினால் மட்டுமே பதில் கூறுவேன் - ஹெச். ராஜா பேட்டி

Written By : நாகராஜ் | Updated at : 07 Aug 2023 02:24 PM (IST)

ஹெச். ராஜா

தேனி மாவட்டம் பெரியகுளத்தில் பாரதிய ஜனதா கட்சியின் மாவட்ட ஊராட்சி ஒன்றிய துணைத் தலைவர் ராஜபாண்டி மற்றும் பெரியகுளம் கிழக்கு ஒன்றிய துணைத் தலைவர் உள்ளிட்ட கட்சியினரின் இல்ல விழாவில் பங்கேற்பதற்காக பாரதிய ஜனதா கட்சியின் முன்னாள் தேசியசெயலாளர் ஹெச்.ராஜா பங்கேற்றார்.

பின்னர் செய்தியாளர்களுக்கு அவர் அளித்த பேட்டியில், “முன்னாள் நிதி அமைச்சர் ப.சிதம்பரம் ஹிந்தி தேசிய மொழி என்று பாராளுமன்றத்திலேயே உரை நிகழ்த்தி உள்ளார். அதற்கு அப்பொழுது கூட்டணியில் இருந்த திமுக எந்த எதிர்ப்பும் தெரிவிக்கவில்லை, தமிழகத்தில் முதலமைச்சர் மு.க. ஸ்டாலின் மகள் மற்றும் சில அமைச்சர்களின் வாரிசுகள் நடத்தி வரும் சிபிஎஸ்இ பள்ளிகளில் ஹிந்தியை வளர்த்துக் கொண்டு தமிழை புறக்கணிக்கிறார்கள். அவர்கள் நடத்தும் பள்ளிகளில் தமிழில் பேசினால் 500 ரூபாய் அபராதம் விதித்து தமிழை அழித்து வருகின்றனர். திமுகவினர் தமிழை வளர்க்கிறோம் என பேசுவதற்கு அருகதை இல்லை” என்றார்.

மேலும், திமுகவில் அமைச்சராக இருந்த செந்தில் பாலாஜி மின்சாரத் துறையில் 70 ஆயிரம் கோடி ரூபாய் அளவிற்கு முறைகேடு செய்துள்ளதாகவும், அவர் தற்பொழுது சிறையில் உள்ளவரை தமிழக காவல்துறை தலைவர் சென்று பார்த்தால் கைதி நம்பரை சொல்லி அழைப்பாரா, அல்லது சல்யூட் அடிப்பாரா என கேள்வி எழுப்பினார்.

மேலும், ஜெயிலுக்கு செல்ல வேண்டியவர் சிறைத்துறை அமைச்சராக இருக்கும் நிலையில், இது போன்று திமுகவில் கொலைகாரன், கொள்ளைக்காரன், ரவுடிகள் உள்ளிட்டவர்கள் இருப்பது தான் திமுக என்றார் அதிமுகவின் முன்னாள் அமைச்சர்கள் தமிழக பாரதிய ஜனதா கட்சியின் தலைவர் அண்ணாமலைக்கு , எதிராக பேசி வருவது குறித்து கேட்ட பொழுது, அதிமுகவின் தலைமையில் இருக்கும் இபிஎஸ், பாரதிய ஜனதா கட்சியை பற்றி குறை கூறினால் மட்டுமே பதில் கூறுவேன்.

மற்ற அமைச்சர்கள் தெரிவிப்பதற்கு நான் பதில் கூற முடியாது, பாரதிய ஜனதா கட்சி நடைபயணத்தை தவறுதலாக சித்தரிக்கும் youtube சேனல்களை கண்டிப்பதாகவும், தற்பொழுது நடைபயணத்தின் போது பெண் கொடுத்த மனு கீழே கிடந்தது குறித்து கேட்ட பொழுது, அப்படி செய்தி பரப்பினவரை நேராக அழைத்து வாருங்கள் செவீட்டில் அரைவேன் என தெரிவித்தார். அதிமுகவும் பாஜக கூட்டணி எந்த பிரச்சினையும் இல்லாமல் நலமுடன் இருப்பதாக தெரிவித்தார்.