'திமுக - அதிமுக கூட்டணி பேச்சு நடத்தியது உண்மைதான்’ உடைத்த முக்கிய நபர்..!
திமுக ஆதரவுடன் அதிமுக ஆட்சி அமைக்க முயற்சி செய்வதாகவும் அது தொடர்பான பேச்சுவார்த்தைகள் இரு கட்சி தலைமை தரப்பிலும் சென்றது உண்மைதான் என்று மூத்த பத்திரிகையாளர் கோலப்பன் அதிரடியாக அறிவித்துள்ளார்.
மனம் மாறினாரா மு.க.ஸ்டாலின்
நேற்று இந்த விவாதம் எழுந்த நிலையில் திமுக தலைவர் மு.க.ஸ்டாலின், அதற்கு சம்மதம் தெரிவிக்காமல் மறுத்து வந்ததாகவும், பின்னர் பல முக்கிய நிர்வாகிகள், நபர்கள் அவரிடம் வலியுறுத்திய பின்னர், இன்று காலை விடுதலை சிறுத்தைகள் கட்சித் தலைவர் திருமாவளவன், கம்யூனிஸ்ட் கட்சிகளின் மாநிலச் செயலாளர்கள் சண்முகம், வீரபாண்டியன் உள்ளிட்டோரை அழைத்து இது தொடர்பாக மு.க.ஸ்டாலின் தீவிரமாக ஆலோசனை நடத்தியதாக கோலப்பன் நம்மிடையே தெரிவித்துள்ளார்.
விஜயை வீழ்த்த ஒன்றுசேர்ந்த திராவிட கட்சிகள்
50 ஆண்டுகாலத்திற்கு மேலாக தமிழ்நாட்டை திமுக, அதிமுக என்ற இரு திராவிட கட்சிகளே மாறி, மாறி ஆட்சி செய்து வரும் நிலையில், அதற்கு மாற்றாக, அதே நேரத்தில் மிக எழுச்சியாக விஜய் வெற்றிபெற்றிருப்பது திராவிட கட்சிகளுக்கு கலக்கத்தை உண்டு செய்திருப்பதாகவும், விஜயை இந்த முறை முதலமைச்சராக விட்டுவிட்டால், அடுத்த பத்து, பதினைந்து ஆண்டுகளுக்கு அவரை முதல்வர் நாற்காலியில் இருந்து இறக்குவது சிரமம் என்றும் திமுக தலைமைக்கு நெருக்கமானவர்கள் மு.க.ஸ்டாலினிடம் வலியுறுத்தியதாகவும், அதனடிப்படையில் இன்று மீண்டும் ஆலோசனை மேற்கொள்ளப்பட்டதாகவும் கோலப்பன் தெரிவித்துள்ளார்
அதிமுக கூட்டணியை மறுத்த மு.க.ஸ்டாலின்
இன்று நடைபெற்ற திமுக சட்டமன்ற உறுப்பினர்கள் கூட்டத்திற்கு பின்னர் செய்தியாளர்களை சந்தித்த திமுக செய்தித் தொடர்புத்துறை தலைவர் டி.கே.எஸ். இளங்கோவன், அதிமுகவுடான கூட்டணிக்கு மு.க.ஸ்டாலின் மறுப்பு தெரிவித்துவிட்டதாகவும், இருப்பினும் கட்சித் தலைமை ஏதேனும் முடிவெடுத்தால் அதனை நாங்கள் ஏற்போம் என்றும் சூசகமாக பதிலளித்துள்ளது தகிக்கும் நெருப்பில் மீண்டும் எண்ணெய் ஊற்றியதுபோல பற்றி எரியத்தொடங்கியிருக்கிறது. குறிப்பாக, அப்படியான பேச்சுவார்த்தை எதுவும் நடைபெறவே இல்லை என டி.கே.எஸ் இளங்கோவன் மறுக்கவில்லை என்பதும் மாறாக கட்சித் தலைமை ஏதும் முடிவு எடுத்தால் அதை நாங்கள் ஏற்போம் என்றும் அவர் குறிப்பிட்டுள்ளது அரசியல் களத்தில் புதிய புயலை கிளப்பியிருக்கிறது.
Before You Go
விசாரணை கைதி மரணம் ”அடிச்சே கொன்னுட்டாங்க” பகீர் கிளப்பும் குடும்பத்தினர்
தலைப்பு செய்திகள்
ட்ரெண்டிங் செய்திகள்
