நாளை முதல் நேரம் மாற்றத்தில் மதுரை - தேனி புதிய ரயில் சேவை! விவரம்!

மதுரை , தேனி இடையிலான ரயில் சேவை நேரம் மாற்றம் செய்யப்பட்டுள்ளதாக ரயில்வே நிர்வாகம் அறிவிப்பு செய்யப்பட்டுள்ளது. இந்த நேரம் மாற்றம் நாளை முதல் தொடங்கப்படும் என அறிவிக்கப்பட்டுள்ளது.

மதுரை - தேனி ரயில் சேவை நேரம் மாற்றம்

மதுரை - போடி ரயில் நிலையம் வரையிலான 90 கிலோ மீட்டர் தூரம் உள்ள மீட்டர் கேஜ் இருப்பு பாதையை அகல ரயில்பாதையாக மாற்றுவதற்காக கடந்த 2011-ஆம் ஆண்டு ரயில் சேவை நிறுத்தப்பட்டது. ஆரம்பம் முதலே, நிதி ஒதுக்கீடு பிரச்சனை காரணமாக பணிகள் ஆமை வேகத்தில் நடந்து வந்தன. இந்த வழித்தடத்தில் ரயில் சேவை இல்லாததால் மதுரை - தேனி மாவட்ட வணிகர்கள், பள்ளி, கல்லூரி மாணவர்கள், தொழிலாளர்கள் என பலர் பாதிக்கப்பட்டனர்.

பல்வேறு தொழிற்சங்கங்கள், அரசியல் கட்சிகள் மத்திய அரசுக்கு அழுத்தம் கொடுத்து வந்தன. அதன் விளைவாக மதுரை - உசிலம்பட்டி, பின்னர் உசிலம்பட்டி - ஆண்டிப்பட்டி, ஆண்டிப்பட்டி - தேனி என மூன்று கட்டமாக பணிகள் முடிக்கப்பட்டு ஒருவழியாக சோதனை ஓட்டம் நிறைவடைந்தது.  மக்களின் நீண்ட நாள் எதிர்பார்ப்பான  மதுரை , தேனி ரயில் சேவையை கடந்த 26-ம் தேதி பிரதமர் நரேந்திர மோடி காணொலி காட்சி மூலம் சென்னையில் இருந்து துவக்கி வைத்தார். மதுரை ரயில் நிலையத்தில் நடைபெற்ற நிகழ்ச்சியில் கட்சி வேறுபாடியின்றி கொட்டும் மழையிலும் இருமாவட்ட மக்கள் திரண்டு ரயிலில் உற்சாகமாக பயணம் செய்தனர்.

 

மதுரை - தேனி ரயில் தற்போதுள்ள நேர அட்டவணை

மே 27-ம் தேதி        முதல் 12 பெட்டிகளுடன் காலை 8:30 மணிக்கு மதுரை ரயில் நிலையத்தில்       இருந்து புறப்படும் ரயில், வடபழஞ்சி நிறுத்தத்தில் 8.45-க்கும், உசிலம்பட்டியில் 9.05-க்கும்,   ஆண்டிபட்டியில் 9.20-க்கும் இறுதியாக தேனியை காலை 9.35-க்கு     சென்றடைகிறது.             மறுமார்க்கத்தில் தேனியில் மாலை 6.15 மணிக்கு புறப்பட்டு ஆண்டிபட்டியில் 6.30 மணிக்கும், உசிலம்பட்டியில் 6.45 மணிக்கும் வந்து இறுதியாக மதுரை ரயில் நிலையத்திற்கு இரவு 7.35 மணிக்கு சென்றடைகிறது.

மதுரை - தேனி ரயில் புதிய நேர அட்டவணை

புதிய அட்டவணைப்படி      மதுரை - தேனி விரைவு ரயில் எண் (06701) மதுரையில் இருந்து        காலை 08:05 மணிக்கு புறப்பட்டு 8.20க்கு மணிக்கு வடபழஞ்சி,      8.53 மணிக்கு உசிலம்பட்டி, 9.15க்கு ஆண்டிப்பட்டி என இறுதியாக காலை 09.35 மணிக்கு தேனி சென்றடையும்.  மறு மார்க்கத்தில் தேனி - மதுரை முன்பதில்லாத விரைவு ரயில் எண் (06702) தேனியில் இருந்து மாலை 6.15 மணிக்கு புறப்பட்டு 6.34க்கு ஆண்டிப்பட்டி, 6.54 மணிக்கு உசிலம்பட்டி, 7.29 மணிக்கு வடபழஞ்சி என 7.50 மணிக்கு மதுரை ரயில் நிலையம் சென்றடைகிறது. இந்த புதிய நேர அட்டவணை ஜூன் 1(புதன்கிழமை) முதல் அமலுக்கு வரும் என தெற்கு ரயில்வே அறிவித்துள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண