மேலும் அறிய
மதுரை கூடலழகர் கோயில்: கழிவுநீரில் தத்தளிக்கும் பக்தர்கள்; மாநகராட்சிக்கு கோரிக்கை!
கோயில் சுற்றுவட்டாரத்தை தூய்மையாகவும் சுகாதாரமாகவும் பராமரிக்க நடவடிக்கை எடுக்க வேண்டும் என பொதுமக்களும் பக்தர்களும் கோரிக்கை விடுத்துள்ளனர்.

கூடலழகர் கோயில்
Source : whatsapp
மதுரை கூடலழகர் பெருமாள் கோயில் சுற்றுவட்டாரத்தில் சாலையில் பெருக்கெடுத்து ஓடும் கழிவுநீர் – பக்தர்கள் அவதி.
கூடலழகர் பெருமாள் திருக்கோயில் 108 திவ்ய தேசங்களில் ஒன்று
மதுரையில் பிரசித்தி பெற்ற கூடலழகர் பெருமாள் திருக்கோயில் 108 திவ்ய தேசங்களில் ஒன்றாகும். புரட்டாசி மாதத்தில் ஒவ்வொரு சனிக்கிழமையும் கோவிலுக்கு ஆயிரக்கணக்கான பக்தர்கள் வந்து சுவாமி தரிசனம் செய்வது வழக்கம். இந்த நிலையில், புரட்டாசி மாதத்தின் இரண்டாவது சனிக்கிழமையான இன்று (03.10.2026), கூடலழகர் பெருமாள் கோயிலைச் சுற்றியுள்ள பகுதிகளில் பாதாள சாக்கடை பிரச்னையால் பக்தர்கள் அவதிக்குள்ளாகினர்.
பாதாள சாக்கடை மூடிகளிலிருந்து கழிவுநீர் வெளியேறி சாலைகளில் ஓடியதால் அவதி
கோயிலைச் சுற்றியுள்ள நடைபாதைகளில் பத்துக்கும் மேற்பட்ட பாதாள சாக்கடை மூடிகளிலிருந்து கழிவுநீர் வெளியேறி சாலைகளில் ஓடியதால், அப்பகுதி முழுவதும் துர்நாற்றம் வீசியதுடன் சுகாதாரமற்ற சூழல் ஏற்பட்டுள்ளது. கோயிலுக்கு சுவாமி தரிசனம் செய்ய வரும் பொதுமக்கள் மற்றும் பக்தர்கள் கழிவுநீரை கடந்து செல்ல வேண்டிய நிலை ஏற்பட்டதால் முகம் சுளிக்கும் சூழல் நிலவியது. புரட்டாசி சனிக்கிழமையை முன்னிட்டு அதிகளவில் பக்தர்கள் வரும் நிலையில், பாதாள சாக்கடை பிரச்னையை மாநகராட்சி அதிகாரிகள் உடனடியாக சரிசெய்து, கோயில் சுற்றுவட்டாரத்தை தூய்மையாகவும் சுகாதாரமாகவும் பராமரிக்க நடவடிக்கை எடுக்க வேண்டும் என பொதுமக்களும் பக்தர்களும் கோரிக்கை விடுத்துள்ளனர்.
Advertisement
ட்ரெண்டிங் செய்திகள்
Advertisement

வினய் லால்Columnist
Opinion




















