மதுரை மாவட்ட புதிய உதவி ஆட்சியர்... யார் இந்த சித்தார்த் போகர்னா - முழு விவரம் !

சித்தார்த் போகர்னா, (UPSC) நடத்திய குடிமைப் பணிகள் தேர்வு (Civil Services Examination – 2024)-இல் அகில இந்திய அளவில் 216-வது இடம் (All India Rank – 216) பெற்று இந்திய ஆட்சிப்பணிக்கு தேர்வாகியுள்ளார்.

சித்தார்த் போகர்னா - மதுரை மாவட்ட ஆட்சியருடன்

Source : whatsapp

மதுரை மாவட்ட புதிய உதவி ஆட்சியர் (பயிற்சி) சித்தார்த் போகர்னா, பொறுப்பேற்றுக் கொண்டார்.

புதிய உதவி ஆட்சியர் (பயிற்சி)

 

மதுரை மாவட்ட ஆட்சியர் அலுவலகத்தில் புதிய உதவி ஆட்சியர் (பயிற்சி) திரு.சித்தார்த் போகர்னா,இ.ஆ.ப., அவர்கள் இன்று (04.06.2026) பொறுப்பேற்றுக் கொண்டார். தமிழ்நாடு அரசின் பொதுத்துறையின் அரசாணையின்படி, இந்திய ஆட்சிப்பணியின் (IAS) 2025 ஆம் ஆண்டு பயிற்சி அலுவலரான திரு.சித்தார்த் போகர்னா, இ.ஆ.ப., அவர்கள் மாவட்ட நிர்வாகப் பயிற்சிக்காக மதுரை மாவட்டத்திற்கு நியமிக்கப்பட்டுள்ளார்.

 

அகில இந்திய அளவில் 216-வது இடம் 

 

சித்தார்த் போகர்னா, இ.ஆ.ப., அவர்கள், ஒன்றிய அரசுப் பணியாளர் தேர்வாணையம் (UPSC) நடத்திய குடிமைப் பணிகள் தேர்வு (Civil Services Examination – 2024)-இல் அகில இந்திய அளவில் 216-வது இடம் (All India Rank – 216) பெற்று இந்திய ஆட்சிப்பணிக்கு தேர்வாகியுள்ளார். மாவட்டப் பயிற்சியின் முதல் நாளான இன்று (04.06.2026), அவர் மதுரை மாவட்ட ஆட்சித்தலைவர் ப.ஆகாஷ், இ.ஆ.ப., அவர்களை மாவட்ட ஆட்சியர் அலுவலகத்தில் சந்தித்து வாழ்த்து பெற்றார்.

 

இந்திய ஆட்சிப்பணி அலுவலர்களுக்கான மாவட்டப் பயிற்சி

 

இந்திய ஆட்சிப்பணி அலுவலர்களுக்கான மாவட்டப் பயிற்சி என்பது அவர்களின் நிர்வாக வாழ்க்கையின் முக்கியமான கட்டமாகும். அதன் அடிப்படையில், மாவட்ட வருவாய் நிர்வாகம், ஊரக வளர்ச்சி, உள்ளாட்சி அமைப்புகள், சமூக நலத் திட்டங்கள், பேரிடர் மேலாண்மை, நில நிர்வாகம், சட்டம் மற்றும் ஒழுங்கு பராமரிப்பு, தேர்தல் நிர்வாகம் உள்ளிட்ட பல்வேறு துறைகளில் நேரடி கள அனுபவம் மற்றும் நடைமுறைப் பயிற்சிகள் வழங்கப்படவுள்ளன. 

இதையும் படிக்க

மதுரையில் உலக தரத்தில் உருவான பிரம்மாண்ட கட்டடம்... என்ன வசதிகள் உள்ளது முழு விவரம் !

ABP Nadu Top 10, 4 June 2026: இன்றைய மாலைப் பொழுதின் டாப் 10 முக்கியச் செய்திகள்! - Evening