சிவகங்கையில் மிதக்கும் வீடுகள்: உதவ கோரிக்கை வைக்கும் பொதுமக்கள்!

மழைநீர் மற்றும் கழிவுநீர் செல்ல வழிவகை செய்யுமாறு அப்பகுதி மக்கள் கோரிக்கை வைக்கின்றனர்.

சிவகங்கை

வளிமண்டல மேலடுக்கு சுழற்சி காரணமாக அடுத்த 24 மணி நேரத்திற்க்கு  சென்னை, திருவள்ளூர், காஞ்சிபுரம், செங்கல்பட்டு, கடலூர், விழுப்புரம் மற்றும் புதுச்சேரி பகுதிகளில் ஓரிரு இடங்களில் இடி மின்னலுடன் கூடிய கன முதல் மிக கன மழையும் சில நேரங்களில் அதி கனமழையும், புதுக்கோட்டை, ராமநாதபுரம், மதுரை, தேனி, திண்டுக்கல், திருப்பூர், கரூர், திருச்சிராப்பள்ளி, நீலகிரி, கோயம்புத்தூர், கள்ளக்குறிச்சி மற்றும் சேலம் மாவட்டங்களில் ஓரிரு இடங்களில் இடி மின்னலுடன் கூடிய கன முதல் மிக கன மழையும், தஞ்சாவூர், திருவாரூர், அரியலூர், பெரம்பலூர், திருச்சிராப்பள்ளி, புதுக்கோட்டை, ராமநாதபுரம் மாவட்டங்களில் ஓரிரு இடங்களில் இடி மின்னலுடன் கூடிய கன மழையும் பெய்யக்கூடும், ஏனைய மாவட்டங்களில் பெரும்பாலான இடங்களில் இடி மின்னலுடன் கூடிய மிதமான மழையும் பெய்யக்கூடும் என சென்னை வானிலை ஆய்வு மையம் தெரிவித்துள்ளது.

சென்னையை பொறுத்தவரை நேற்று இரவு முதல் தற்போது வரை தொடர்ந்து கனமழை பெய்து வருகிறது. இதனால் சென்னை முழுவதும் வெள்ளகாடாக காட்சியளிக்கிறது. குறிப்பாக வடசென்னை பகுதியில் தொடர் மழையால் அனைத்து சுரங்கபாதைகளிலும் மழைநீரால் மூடப்பட்டுள்ளது. மேலும் மக்கள் வசிக்கும் வீடுகள், தெருக்கள் முக்கிய சாலைகள் என அனைத்து இடங்களிலும் மழைநீர் சூழ்ந்து கடல் போல் காட்சியளிக்கிறது. குறிப்பாக வடசென்னை கொளத்தூர் மகாத்மா காந்தி நகர், ஜவஹர் நகர், ஜி கே எம் காலனி ஆகிய பகுதிகளில் உள்ள ஆயிரத்திற்கும் மேற்பட்ட குடியிருப்பு பகுதிகளில் மழைநீர் சூழ்ந்துள்ளது குறிப்பிடதக்கது.

 

தென் மாவட்டங்களிலும் பல்வேறு இடங்களில் மழை பெய்து வருகிறது. இந்நிலையில் சிவகங்கை மாவட்டம், சிவகங்கை நகராட்சிக்கு உட்பட்ட சாஸ்திரி நகர், ராமசாமி நகர், மீனாட்சி நகர் உள்ளது. இங்கு சுமார் 500க்கும் மேற்பட்ட குடும்பங்கள் வசித்து வருகின்றனர். வளிமண்டல மேலடுக்கு சுழற்சி காரணமாக தொடர் மழை பெய்து வருகிறது. இதனால் வீடுகளைச் சுற்றி மழைநீர் தேங்கி விடுகின்றது அது மட்டுமின்றி கழிவுநீர் செல்ல வழியில்லாததால் மழை நீருடன் கலக்கிறது. இதனால் அப்பகுதியில் கொசு தொல்லை அதிகரித்து குடிநீர் தொட்டிகளிலும் , வீடுகளுக்குள்ளும் புகுந்து விடுகின்றன . இதனால் இந்த பகுதியில் துர்நாற்றம் வீசுவதாக அப்பகுதி மக்கள் குற்றம் சாட்டுகின்றனர்.

  நோய்த்தொற்று ஏற்பட்டு விடுமோ என்ற அச்சத்தில் அப்பகுதி மக்கள் உள்ளனர் அத்தியாவசிய தேவைகளுக்கு கூட வெளியே செல்ல முடியாமல் அவதிப்படுவதாக குற்றம் சாட்டுகின்றனர். பலமுறை நகராட்சி நிர்வாகத்திடம் புகார் தெரிவித்தும் எந்த ஒரு நடவடிக்கை எடுக்கவில்லை எனவும், குற்றம் சாட்டுகின்றனர். இதுகுறித்து மாவட்ட நிர்வாகம் தலையிட்டு இப்பகுதியில் மழைநீர் மற்றும் கழிவுநீர் செல்ல வழிவகை செய்யுமாறு அப்பகுதி மக்கள் கோரிக்கை வைக்கின்றனர்.

 

இதை படிக்க மிஸ் பண்ணாதீங்க பாஸ் - Sivaganga | ஆண்கள் காது வளர்க்கணும்... ஏன்னா வரலாறு அப்படி.! சிவகங்கை செகுட்டை அய்யனாரும் நம்பிக்கையும்!