நீலகிரி பழங்குடியினருக்கு 'ப்ராஜெக்ட் ரே' ஒளி: சூரிய மின்சக்தியால் நெகிழ்ச்சி!

நீலகிரி மாவட்டம் கூடமூலா பழங்குடியினக் குடியிருப்பில் 120 பழங்குடியினக் குடும்பங்களுக்காக 20 சூரிய மின்சக்தி தெருவிளக்குகள் நிறுவப்பட்டுள்ளன. 

சூரிய ஒளி திட்டம்

Source : whatsapp

நீலகிரி பழங்குடியினர் குடியிருப்பில் ‘ப்ராஜெக்ட் ரே’ திட்டத்தின் கீழ் 20 சூரிய மின்சக்தி தெருவிளக்குகளை நிறுவிய CK கல்வி நிறுவனங்கள் குழுமம் மற்றும் நிலையான மேம்பாட்டு கவுன்சில் (SDC).

 

எரிசக்தித் தீர்வு

 

 போதிய அடிப்படை வசதிகள் கிடைக்காத பழங்குடியினச் சமூகங்களுக்கு நிலையான புதுப்பிக்கத்தக்க எரிசக்தித் தீர்வுகளை வழங்கும் நோக்கில், CK கல்வி நிறுவனங்களின் குழுமத்தின் ஓர் அங்கமான சி.கே. பொறியியல் மற்றும் தொழில்நுட்பக் கல்லூரி (CKCET) மற்றும் நிலையான மேம்பாட்டு கவுன்சில் (Sustainable Development Council) ஆகியவை இணைந்து, தமிழ்நாட்டின் உதகமண்டலத்தில் ‘ப்ராஜெக்ட் ரே: நிலையான தெருவிளக்கு இயக்கம்’ (Project Ray: Sustainable Streetlight Mission - SSM) திட்டத்தை இன்று அறிவித்துள்ளன. SDC-யின் சுற்றுச்சூழல் மற்றும் நிலைத்தன்மைப் பிரிவான சீராக்குவால் முன்மொழியப்பட்ட இத்திட்டத்தின் முதற்கட்டமாக, நீலகிரி மாவட்டம் கூடலூர் வட்டத்தில் உள்ள கூடமூலா பழங்குடியினக் குடியிருப்பில் 20 சூரிய மின்சக்தி தெருவிளக்குகள் நிறுவப்பட்டுள்ளன. சுமார் 120 பழங்குடியினக் குடும்பங்கள் வசிக்கும் இக்குடியிருப்பில், இதற்கு முன்பு நான்கு தெருவிளக்குகள் மட்டுமே இருந்தன. இதனால், இரவு நேரங்களில் பல பாதைகளில் போதிய வெளிச்சம் இல்லாத நிலை நிலவியது. மேலும், அருகில் வனவிலங்குகள் நடமாடுவதை முன்கூட்டியே கண்டறிவதிலும் குடியிருப்புவாசிகளுக்குச் சிரமம் ஏற்பட்டது. இந்த அடிப்படை உள்கட்டமைப்புத் தேவையை நிவர்த்தி செய்வதுடன், நீண்டகால சமூக மேம்பாட்டிற்கான அடித்தளத்தையும் இத்திட்டம் அமைக்கிறது. இத்திட்டத்தின் தொடக்க விழாவில் வனத்துறை உதவிப் பாதுகாவலர் (ACF) ஸ்ரீனிவாசன், நகராட்சி பொறியாளர் தியாகராஜன் ஆகியோர் சிறப்பு விருந்தினர்களாகக் கலந்து கொண்டனர்.

 

பொறுப்புணர்வு மிக்க கலாசாரத்தை வளர்ப்பதே நோக்கமாகும்

 

இம்முயற்சி குறித்துப் பேசிய செல்வி. அமுதவல்லி ரங்கநாதன், தலைவர் - யுனெஸ்கோ இளைஞர் கல்வி ஆராய்ச்சி மையம்) UNESCO Youth Education Research Center) (CREGU INDIA); இயக்குநர்- புதிய முயற்சிகள் மற்றும் மின் வணிகம், கேவின்கேர், செயல் இயக்குநர், CK கல்வி நிறுவனங்களின் குழுமம் தலைவர், சிஐஐ இந்திய மகளிர் அமைப்பு (IWN), தமிழ்நாடு; மற்றும் தலைவர், நிலையான மேம்பாட்டு கவுன்சில், இந்தியா, கூறியதாவது: “கல்வியும் கல்வி நிறுவனங்களின் முன்னேற்றமும் சமூகத்தின் அனைத்துத் தரப்பினருக்கும் எத்தகைய வாய்ப்புகளை உருவாக்குகின்றன என்பதில்தான் அவற்றின் உண்மையான மதிப்பு அடங்கியுள்ளது. வழக்கமான கற்றல் சூழல்களைக் கடந்து, தங்களைச் சுற்றியுள்ள சவால்களைப் புரிந்துகொண்டு, அர்த்தமுள்ள மாற்றங்களை உருவாக்குவதில் இளைஞர்கள் தீவிரமாகப் பங்கேற்க அவர்களை ஊக்குவிக்கும் வாய்ப்பு நமக்கு உள்ளது. ஒரு தனிநபரின் வாழ்க்கையை உயர்த்தும்போது, தலைமுறைகளையே உயர்த்துகிறோம் என்பதில் நான் உறுதியாக நம்பிக்கை கொண்டுள்ளேன். மாறிவரும் சமூகத் தேவைகளை எதிர்கொள்ள, கல்வி நிறுவனங்களின் அறிவு, புதுமையான சிந்தனைகள் மற்றும் சமூகப் பங்கேற்பு ஆகியவற்றை ஒன்றிணைப்பதற்கான வழிகளைத் தொடர்ந்து ஆராய விரும்புகிறோம். ஒவ்வொரு தலைமுறையும் சிறந்த எதிர்காலத்தைக் கற்பனை செய்வதோடு மட்டுமல்லாமல், அதனை உருவாக்குவதிலும் பங்கேற்கும் வகையில் பொறுப்புணர்வு மிக்க கலாசாரத்தை வளர்ப்பதே எங்களது நோக்கமாகும்.”

 

சூரிய மின்சக்தியில் இயங்கும் மேசை

 

தெருவிளக்கு இயக்கத்துடன் இணைந்து, யுனெஸ்கோ இளைஞர் கல்வி ஆராய்ச்சி மையம் - இந்தியா-வின் ‘நீங்களே செய்யுங்கள் - சூரிய ஆற்றல் விளக்கு முயற்சி’ (‘Do It Yourself - Solar Lamp Initiative’) திட்டத்தின் ஒரு பகுதியாக, CKCET மாணவர்கள் உள்ளூர் பழங்குடியினப் பள்ளி மாணவர்களுக்கு DIY கருவித்தொகுப்புகளைப் பயன்படுத்தி சூரிய மின்சக்தியில் இயங்கும் மேசை விளக்குகளைத் தயாரிப்பதற்குப் பயிற்சி அளித்தனர். பங்கேற்ற ஒவ்வொரு மாணவருக்கும் மாலை நேரப் படிப்பிற்கு உதவும் வகையில் சூரிய ஒளியினால் இயங்கும் ஒரு மேசை விளக்கு வழங்கப்பட்டது. இரவு நேரத்தில் மாணவர்கள் தடையின்றி படிக்க  மேசை விளக்குகளின் தேவையைப் பூர்த்தி செய்வதுடன், செய்முறை கற்றல், புதுப்பிக்கத்தக்க எரிசக்தி குறித்த விழிப்புணர்வு மற்றும் சமூக சேவை ஆகியவற்றையும் ஒருங்கிணைக்கும் வகையில் இந்நடவடிக்கை அமைந்தது.

 

 

 

இதையும் படிக்க

மேற்கு தொடர்ச்சி மலை வழியே விஸ்டாடோம்: குருவாயூர் எக்ஸ்பிரஸில் இன்று முதல் கண்கவர் பயணம்!

Krishnaraj: இசை உலகில் மீண்டும் ஒரு பேரிழப்பு.. தேவாவை தொடர்ந்து முக்கிய பாடகர் மறைவு! யார் இந்த கிருஷ்ணராஜ்?