Madhya Pradesh: ஓடும் ரயிலில் பாலியல் தொல்லை.! தப்பிய பெண்ணை ரயிலில் இருந்து தூக்கி வீசிய கொடூரம்..!

மத்தியப் பிரதேசத்தில் ஓடும் ரயிலில் இளம்பெண்ணுக்கு பாலியல் வன்கொடுமை அளிக்க முயன்ற இளைஞர் அந்த பெண்ணை ரயிலில் இருந்து தூக்கி கீழே வீசிய கொடூரம் அரங்கேறியுள்ளார்.

பாலியல் வன்கொடுமை - மாதிரிப்படம்

உத்தரபிரதேசம் மாநிலம் பாந்தா மாவட்டத்தைச் சேர்ந்த 25 வயதான இளம்பெண் அந்த மாநிலத்தின் அண்டை மாநிலமான மத்திய பிரதேசத்தில் உள்ள சதார்பூர் மாவட்டத்தில் உள்ள பகேஷ்வர்தாம் கோவிலுக்கு சென்றுள்ளார். கோவிலுக்கு சென்றுவிட்டு கடந்த 27-ந் தேதி இரவு ரயில் மூலமாக தனது ஊருக்கு திரும்பிக் கொண்டிருந்தார்.

அவருடன் ஏராளமான பயணிகள் ரயிலில் பயணித்துக் கொண்டிருந்தனர். இரவு நேரம் என்பதால் அனைவரும் தூங்கிக் கொண்டிருந்தனர். ரயில் மத்திய பிரதேசத்தில் உள்ள கஜூராகோ மற்றும் உத்தரபிரதேசத்தில் உள்ள மகோபா ரயில் நிலையங்களுக்கு இடையில் வந்து கொண்டிருந்தது. அப்போது, அவருடன் ரயிலில் வந்த 30 வயது மதிக்கத்தக்க இளைஞர் ஒருவர் அந்த பெண்ணுக்கு பாலியல் துன்புறுத்தல் அளித்துள்ளார்.

இதனால், அதிர்ச்சியடைந்த அந்த இளம்பெண் தன்னை காப்பாற்றிக் கொள்ள முயற்சித்துள்ளார். அப்போது, அந்த இளைஞர் அந்த இளம்பெண்ணை ஓடும் ரயில் என்றும் பாராமல் ரயிலில் இருந்து கீழே தூக்கி வீசியுள்ளார். ஓடும் ரயிலில் இருந்து கீழே விழுந்த பெண்ணுக்கு படுகாயம் ஏற்பட்டுள்ளது.

பின்னர், அவர் மீட்கப்பட்டு சதார்பூரில் உள்ள மாவட்ட மருத்துவமனையில் சிகிச்சைக்காக அனுமதிக்கப்பட்டுள்ளார். இந்த சம்பவம் தொடர்பாக கஜூராகோ காவல்நிலையத்தில் எந்தவொரு எப்.ஐ.ஆரும் முதலில் பதிவு செய்யவில்லை. பின்னர், ரேவா ஜி.ஆர்.பி. காவல்நிலையத்திற்கு புகார் மாற்றப்பட்டு எப்.ஐ.ஆர். பதிவு செய்யப்பட்டது. மேலும், போலீசார் விசாரணை நடத்தி இளம்பெண்ணை ஓடும் ரயிலில் இருந்து கீழே தள்ளிய அந்த இளைஞரையும் போலீசார் கைது செய்தனர்.

இந்த விவகாரம் தொடர்பாக பாதிக்கப்பட்ட இளம்பெண் கூறியதாவது, சதார்பூரில் உள்ள பகேஷ்வர்தாம் கோவிலுக்கு நான் சென்று வந்தேன். அப்போது, சக பயணி ஒருவர் எனக்கு பாலியல் தொல்லை அளித்தார். நான் அவரிடம் என்னை விட்டு தூரமாக போ என்று எச்சரித்தேன். அதையும் மீறி என்னை நெருங்க நினைத்த அவனது கையை கடித்துவிட்டேன். பின்னர், அந்த இளைஞன் என்னை ரயிலில் இருந்து தூக்கி எறிந்துவிட்டான் என்று கூறியுள்ளார்.

அந்த இளம்பெண் கடந்த 9 மாதங்களாக பகேஷ்வர்தம் ஆலயத்திற்கு தொடர்ந்து சென்று வருகிறார் என்பது குறிப்பிடத்தக்கது. ஓடும் ரயிலில் இளம்பெண்ணுக்கு பாலியல் தொல்லை அளித்தது மட்டுமின்றி அந்த பெண்ணை ரயிலில் இருந்து கீழே தள்ளிய கொடூரம் பலருக்கும் அதிர்ச்சியை ஏற்படுத்தியுள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண