7 AM Headlines: ஒரு நிமிடத்தில் உள்ளூர் - உலக செய்திகள் வரை.. படித்து தெரிஞ்சுக்கோங்க Abpnadu-இல்..

Headlines Today: கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

இன்றைய தலைப்புச்செய்திகள்

தமிழ்நாடு:

• நாடாளுமன்ற தேர்தலை முன்னிட்டு உள்நோக்கத்துடன் செயல்படும் தீய சக்திகளை கண்காணித்து தடுக்க வேண்டும் - மாவட்ட ஆட்சியர், காவல்துறை அதிகாரிகளுக்கு முதலமைச்சர் ஸ்டாலின் உத்தரவு
• கனமழை எதிரொலி - கன்னியாகுமரியில் பள்ளிகளுக்கு மட்டும் இன்று விடுமுறை அறிவிப்பு
• கல்வியின்‌ முக்கியத்துவத்தை உணர்ந்து, போராடும்‌ ஆசிரியர்களின்‌ கோரிக்கைகளை நிறைவேற்ற நடவடிக்கை எடுக்க வேண்டும் என்று தி.மு.க. அரசை ஓ.பன்னீர்செல்வம்‌ வலியுறுத்தி உள்ளார். 
• அம்பேத்கர் குறித்து அவதூறாக பேசிய R.B.V.S. மணியனுக்கு நிபந்தனை ஜாமீன் வழங்கப்பட்டுள்ளது.
• கரூரில் மாட்டு வண்டியில் மணல் அள்ளுவதற்கு அனுமதி மறுத்தால் காலவரையற்ற போராட்டம் நடத்தப்படும் என மாட்டு வண்டி தொழிலாளர் அறிவிப்பு.
• கர்நாடகா காங்கிரஸ் அரசுக்கு தமிழ்நாடு காங்கிரஸ் கட்சி சார்பில் கண்டனம் தெரிவித்துள்ளார் காங்கிரஸ் எம்பி ஜோதிமணி.
• காஞ்சிபுரம் நீதிமன்றத்தில் பிரபல யூட்யூபர் டிடிஎஃப் வாசனின் ஜாமீன் மனு திரும்ப பெறப்பட்டது.
• சிகிச்சைக்கு பிறகு மருத்துவமனையில் இருந்து வீடு திரும்பினார் விடுதலைச் சிறுத்தைகள் கட்சித் தலைவர் திருமாவளவன்
• கோவையில் மத்திய அமைச்சர் நிர்மலா சீதாராமன் உடன் அதிமுக எம்.எல்.ஏக்கள் சந்தித்து பேச்சு
• விவசாயியை எட்டி உதைத்த கொடூரம் - கிராம ஊராட்சி செயலாளரை பிடிக்க 5 தனிப்படைகள் அமைப்பு

இந்தியா:

• அமித்ஷா, நட்டாவுடன் அண்ணாமலை சந்திப்பு - மாநில தலைவர் பதவியில் மாற்றம் இல்லை என அறிவிப்பு
• அக்டோபர் 10ம் தேதிக்குள் 42 தூதரக அதிகாரிகளை திரும்ப அழைக்க கனடாவுக்கு உத்தரவு - இந்தியா அதிரடி நடவடிக்கை
• பெண்ணையாறு விவகாரத்தில் அவகாசம் கொடுத்தும் புதிய நடுவர் மன்றம் அமைக்காதது ஏன்..? மத்திய அரசுக்கு உச்சநீதிமன்றம் சரமாரி கேள்வி
• தலைநகர் டெல்லி மற்றும் அதனைச் சுற்றியுள்ள மாநிலங்களான உத்திர பிரதேசம், ஜார்கண்ட் ஆகிய மாநிலங்களிலும் நேற்று நில அதிர்வு ஏற்பட்டது.
• மகாராஷ்ராவில் உள்ள மற்றொரு மருத்துவமனையில் கடந்த 24 மணி நேரத்தில் 8 பேர் உயிரிழந்தது பெரும் அதிர்ச்சியை ஏற்படுத்தி உள்ளது.
• உடைந்து போன ஜனதா கட்சிகளை இணைக்க முயற்சி மேற்கொள்ளப்பட்டதாகவும் ஆனால் அதில் இணைய தான் விரும்பவில்லை என்றும் மதச்சார்பற்ற ஜனதா தள கட்சி தலைவரும் முன்னாள் பிரதமருமான தேவகவுடா தெரிவித்துள்ளார்.

உலகம்: 

• தாய்லாந்தில் வணிக வளாகத்தில் துப்பாக்கிச் சூடு - 3 பேர் உயிரிழப்பு. மருந்து இறக்குமதிக்காக இந்தியாவுடன் இலங்கை ஒப்பந்தம் செய்யவுள்ளது.
• இத்தாலியில் சுற்றுலா பேருந்து கவிழ்ந்து விபத்து - 21 பேர் உயிரிழப்பு.
• சர்வதேச நாணய நிதியம் சுமார் ரூ.5 ஆயிரத்து 800 கோடியை பாகிஸ்தானுக்கு கடனாக வழங்க உள்ளது.
• நைஜர் நாட்டில் பயங்கரவாதிகள் தாக்குதலில் 29 ராணுவ வீரர்கள் உயிரிழந்துள்ளனர்.
• அமெரிக்காவில் 19 அடி உயர அம்பேத்கர் சிலை வருகிற 14-ந்தேதி திறக்கப்பட இருக்கிறது. 

விளையாட்டு: 

• 2023ஆம் ஆண்டுக்கான ஐசிசி உலகக்கோப்பைக்கு இந்தியாவின் முன்னாள் கிரிக்கெட் வீரரான சச்சின் டெண்டுல்கரை சர்வதேச தூதராக ஐசிசி நியமனம் செய்துள்ளது.
• இந்திய அணி ஒரு பயிற்சி ஆட்டத்தில் கூட விளையாடமுடியாத சூழலில் நேரடியாகவே உலகக்கோப்பையில் களம் காணவுள்ளது.
• இரானி கோப்பையை வென்று அசத்தியது ரெஸ்ட் ஆப் இந்தியா.
• ஆசிய விளையாட்டு கிரிக்கெட்டில் இந்திய அணி அரைஇறுதிக்கு தகுதி பெற்றது - ஜெய்ஸ்வால் சதம் அடித்து அசத்தல்.
• ஆசிய விளையாட்டு போட்டி: பெண்கள் ஈட்டி எறிதலில் இந்தியாவுக்கு தங்கம்