7 AM Headlines: என்ன நடந்தது நேற்று..? உள்ளூர் முதல் உலக நடப்புகள் வரை அறிய.. ஏபிபியின் தலைப்பு செய்திகள்!

Headlines Today: கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

இன்றைய தலைப்பு செய்திகள்

தமிழ்நாடு: 

• தமிழ்நாடு முதலமைச்சர் முக ஸ்டாலின் தலைமையில் டெல்லியில் இன்று சமூகநீதி தேசிய மாநாடு
• சென்னை எல்.ஐ.சி 14 அடுக்குமாடி கட்டிடத்தில் பயங்கர தீ விபத்து : தீயணைப்பு வீரர்கள் விரைந்து சென்று அணைத்ததால் பெரும் விபத்து தவிர்ப்பு
• கலாஷேத்ரா கல்லூரி மாணவிகளுக்கு பாலியல் தொல்லை கொடுத்த பேராசிரியர் ஹரிபத்மன் தலைமறைவு: தனிப்படை அமைத்து காவல்துறையினர் தேடுதல் வேட்டை
• அதிமுகவுடனான கூட்டணியை உறுதி செய்யவில்லை; அரசியல் கூட்டணி வாட்டர் போன்றது - அண்ணாமலை பேட்டி
• பயிர்க்கடனுக்கான வட்டியை ரத்து ரூ.350 கோடி நிதியை அரசு விடுவித்தது
• திருவண்ணாமலை அண்ணாமலையார் கோயிலில் பங்குனி உத்திர திருக்கல்யாண உற்சவம் வருகிற 4-ந் தேதி (நாளை) தொடங்குகிறது.
• அதிமுக கூட்டணியில் பாஜக இல்லை என நான் கூறியதில்லை என தமிழ்நாடு பாஜக தலைவர் அண்ணாமலை தெரிவித்துள்ளார். 
• உலக புகழ்பெற்ற வேளாங்கண்ணி பேராலயத்தில் நேற்று குருத்தோலை ஞாயிறு பவனி நடைபெற்றது.
• தமிழ்நாட்டின் ராமேஸ்வரத்தில் இருந்து இலங்கைக்கு கப்பல் போக்குவரத்து தொடங்க நடவடிக்கை எடுக்கப்படும் என்று அமைச்சர் எ.வ.வேலு அறிவித்துள்ளார்.
• 2023 மார்ச் மாதத்தில் 69.99 லட்சம் பயணிகள் சென்னை மெட்ரோ இரயில்களில் பயணித்துள்ளனர் என மெட்ரோ ரயில் நிறுவனம் தரப்பில் தெரிவிக்கப்பட்டுள்ளது.

இந்தியா:

• பீகாரில் ராம நவமி வன்முறையால் இந்துக்கள், வீடுகளை விட்டு வெளியேறுவதாக பரவும் வீடியோ வதந்தி என்றும், பரப்புவோர் மீது நடவடிக்கை எடுக்கப்படும் என்றும் காவல்துறை தெரிவித்துள்ளது.
• 2 ஆண்டு சிறை தண்டனையை எதிர்த்து ராகுல் காந்தி இன்று மேல்முறையீடு: சூரத் நீதிமன்றத்தில் தாக்கல் செய்கிறார். 
• இந்தியாவில் ஏப்ரல் முதல் ஜூன் மாதம் வரை வெயிலின் தாக்கம் இயல்பை விட அதிகமாக இருக்கும் என இந்திய வானிலை ஆய்வு மையம் தெரிவித்திருக்கிறது.
• மீண்டும் பயன்படுத்தக்கூடிய ராக்கெட் சோதனை வெற்றிகரமாக நடந்துள்ளதாக இஸ்ரோ தெரிவித்துள்ளது.
• ராகுல் காந்தியின் எம்பி பதவி பறிப்பு, எதிர்க்கட்சிகளை ஒன்றுபடுத்தி இருக்கிறது என்று சசிதரூர் தெரிவித்துள்ளார். 
• இந்தியாவில் நேற்று முன் தினம் 2,994 பேருக்கு கொரோனா உறுதி செய்யப்பட்ட நிலையில், நேற்று 3,824 பேருக்கு கொரோனா பாதிப்பு உறுதியானது.
• பிரதமர் மோடியின் பட்டம் தொடர்பான விவரங்களை வெளியிட குஜராத் பல்கலைக்கழகத்திற்கு பிறப்பித்த உத்தரவை குஜராத் உயர் நீதிமன்றம் ரத்து செய்தது.

உலகம்:

• அமெரிக்காவில் கடந்த 2 நாட்களில் 60க்கு மேற்பட்ட இடங்களில் தாக்கிய புயல்கள் - பலி எண்ணிக்கை 26 ஆக அதிகரிப்பு.
• பாகிஸ்தானில் பெஷாவர் உயர்நீதிமன்றத்தில் முதல் பெண் தலைமை நீதிபதி நியமனம் செய்யப்பட்டார். 
• இத்தாலியில் அதிகாரப்பூர்வ தகவல் தொடர்புகளில் ஆங்கில மொழியை பயன்படுத்துவதற்கு தடை விதிக்க அந்நாட்டு அரசு முடிவு செய்துள்ளதாக தகவல் வெளியாகி உள்ளது.
• உக்ரைனின் மீட்சியை வலுப்படுத்தியவர்களுக்கும், வலுப்படுத்தி வருபவர்களும் அனைவரும் ஒன்றிணைவோம் என்று உக்ரைன் அதிபர் ஜெலன்ஸ்கி தெரிவித்துள்ளார்.

விளையாட்டு:

• மியாமி ஓபன் டென்னிஸ் தொடரில் ஆண்கள் ஒற்றையர் பிரிவில் டேனில் மெத்வதேவ் சாம்பியன் பட்டம் வென்றார். 
• MI vs RCB: மும்பைக்கு எதிரான போட்டியில் 8 விக்கெட்டுகள் வித்தியாசத்தில் பெங்களூரு அணி வெற்றி பெற்றுள்ளது.
• ஐபிஎல் தொடரில் ஐதராபாத் அணிக்கு எதிரான போட்டியில் 72 ரன்கள் வித்தியாசத்தில் ராஜஸ்தான் அணி அபார வெற்றி பெற்றது.
• ஐ.பி.எல். கிரிக்கெட்டில் சென்னை-லக்னோ மோதும் ஆட்டம் சென்னை சேப்பாக்கத்தில் இன்று நடக்கிறது.