Breaking News LIVE : மத்திய அமைச்சர்கள் பதவியேற்பு - நொடிக்கு நொடி நிகழ்வுகள்!
தமிழ்நாடு மற்றும் இந்தியாவில் நடைபெறும் முக்கிய அரசியல், சமூக நிகழ்வுகளை உடனுக்குடன் இங்கே தெரிந்து கொள்ளலாம்.
LIVE
Background
நரேந்திர மோடி தலைமையிலான மத்திய அமைச்சரவை இன்று விரிவாக்கம் செய்யப்படலாம் என்று அரசியல் வட்டாரங்கள் தெரிவிக்கின்றன.
தமிழ்நாட்டின் எல்.முருகன் மத்திய அமைச்சரானார்!
தேசிய பட்டியலின ஆணையத்தின் துணைத்தலைவராகப் பதவி வகித்தவர். சென்னை உயர்நீதிமன்றத்தில் 15 ஆண்டுகள் வழக்கறிஞராகப் பணியாற்றியவர். 44 வயதான எல்.முருகன் தமிழ்நாடு பாரதிய ஜனதா தலைவராகப் பொறுப்பு வகிப்பவர்.
2 ரூபாய் டாக்டர் முன்ஜபரா மகேந்திரபாய் அமைச்சராகப் பதவியேற்பு!
குஜராத் மாநிலத்திலிருந்து முதன்முறை எம்.பி.யாகத் தேர்ந்தெடுக்கப்பட்டவர். அந்த மாநிலத்தின் எளிய மக்களுக்கு குறைந்த பணத்தில் சேவை செய்யும் 2 ரூபாயாக அறியப்பட்டவர்.
சாந்தனு தாக்கூர் அமைச்சராகப் பதவியேற்பு!
சாந்தனு தாக்கூர் 38 வயது நிரம்பியவர். மேற்கு வங்கத்தின் மத்துவா சமூகத்தின் தலைவர். அந்த மாநிலத்திலிருந்து முதன்முறையாக எம்.பி.யாகத் தேர்ந்தெடுக்கப்பட்டவர்.அந்த மாநில முன்னாள் அமைச்சர் மஞ்சுள் கிருஷ்ணா தாக்கூரின் மகன்.
எய்ம்ஸ் மருத்துவர் அமைச்சரானார்!
மேற்கு வங்கத்திலிருந்து முதல்முறையாக நாடாளுமன்றத்துக்குத் தேர்வு செய்யப்பட்ட டாக்டர் சுபாஷ் சர்கார் அமைச்சராகப் பொறுப்பேற்றார். இவர் மேற்கு வங்க எய்ம்ஸ் மருத்துவமனையின் மகப்பேறு மருத்துவராகப் பணியாற்றியவர்.
திரிபுராவின் பிரதிமா பவுமிக் அமைச்சராகப் பொறுப்பேற்றார்!
மிக எளிய விவசாயக் குடும்பத்தில் பிறந்து அரசியலுக்கு வந்தவர் பிரதிமா. திரிபுரா பல்கலைக்கழகத்தில் உயிர் அறிவியல் பட்டப்படிப்பு முடித்தவர்.
தலைப்பு செய்திகள்
ட்ரெண்டிங் செய்திகள்
