Chandrayaan-3 LIVE Updates: சீறிப்பாய்ந்த சந்திரயான்.. மகிழ்ச்சியில் நாட்டு மக்கள்..
சந்திரயான் 3 விண்கலம் இன்று விண்ணில் செலுத்தப்பட்டுள்ள நிலையில், அது பற்றிய தகவல்களை உடனுக்குடன் இங்கு அறியலாம்.
LIVE
Background
சந்திரயான் 3 விண்கலம் இன்று விண்ணில் செலுத்தப்பட உள்ள நிலையில், அதன் நேரலையை எங்கு, எப்போது காணலாம் என்பது தொடர்பான விவரங்களை இங்கு அறியலாம்.
சந்திரயான் 3 விண்கலம்:
140 கோடி இந்தியர்கள் மட்டுமின்றி ஒட்டுமொத்த உலக நாடுகளுமே, இந்திய விண்வெளி ஆராய்ச்சி மையத்தால் இன்று விண்ணில் ஏவப்பட உள்ள சந்திரயான் 3 விண்கலத்தை உற்று நோக்க தொடங்கியுள்ளன. இதற்கான 25 மணி நேரம் 30 நிமிடங்கள் அளவிலான கவுண்ட்டவுன் நேற்று தொடங்கிய நிலையில், இந்திய நேரப்படி இன்று பிற்பகல் 2:35 மணிக்கு சந்திரயான் 3 விண்கலம் விண்ணில் ஏவப்பட உள்ளது.
நிலவை ஆராயும் சந்திரயான்:
இந்திய விண்வெளி ஆராய்ச்சி நிறுவனம் (இஸ்ரோ) நிலவை ஆய்வு செய்ய 2008-ல் சந்திரயான்-1 விண்கலத்தை விண்ணில் செலுத்தியது. அது நிலவில் தண்ணீர் இருப்பதற்கான ஆதாரங்களை உறுதி செய்தது. இதையடுத்து, நிலவில் தரையிறங்கி ஆய்வு செய்யும் நோக்கில் சந்திரயான் -2 திட்டத்தை செயல்படுத்த இஸ்ரோ முடிவு செய்தது. இதற்காக நவீன வசதிகளுடன் சந்திரயான் -2 விண்கலம் உருவாக்கப்பட்டது.
சந்திரயான் – 2 ஜூலை மாதம் 2019 ஆம் ஆண்டு விண்ணில் செலுத்தப்பட்டது. சந்திரயான் – 2 ஜிஎஸ்எல்வி மார்க் 3 ஏவுகணை மூலம் விண்ணில் ஏவப்பட்டது. ஆனால் தொழில்நுட்பக் கோளாறு காரணமாக சந்திரயான் – 2 இருக்கும் லேண்டர் சரியாக தரையிறங்காமல் நிலவில் மோதி செயலிழந்தது. அதேநேரம், விண்கலத்தின் மற்றொரு பகுதியான ஆர்பிட்டர் நிலவின் சுற்றுப்பாதையில் வெற்றிகரமாக நிலைநிறுத்தப்பட்டது. இந்நிலையில் சந்திரயான்-3 திட்டத்தை சுமார் ரூ. 615 கோடியில் செயல்படுத்த இஸ்ரோ முடிவு செய்தது.
சந்திரயான் 3 திட்டம்:
சந்திரயான் 3 தயார் செய்யும் பணிகள் மிகவும் திவிரமாக இஸ்ரோ மேற்கொண்டது. குறிப்பாக கடந்த முறை ஏற்பட்ட தொழில்நுட்ப கோளாறு ஏதும் ஏற்படாமல் இருக்க அனைத்து முயற்சியிலும் விஞ்ஞானிகள் செயல்பட்டனர். அந்த அசம்பாவிதமும் ஏற்படாமல் இருக்க பலமுறை சோதனை ஓட்டம் நடத்தப்பட்டது. சந்திரயான்-3 மிஷன் மூன்று முக்கிய பகுதிகளை கொண்டுள்ளது: propulsion, லேண்டர் மற்றும் ரோவர். அதாவது புரபுல்சன் பகுதி விண்கலத்தில் உள்ள ரோவர், லேண்டர் பகுதியை நிலவில் 100 கி.மீ தொலைவுக்கு கொண்டு செல்லும். லேண்டர் பகுதி நிலவில் தரையிறங்கும் பகுதியாகும், ரோவர் பகுதி நிலவில் ஆய்வு செய்யும் கருவியாகும். இந்த 3 பகுதிகளுக்கும் இடையே ரேடியோ- அலைவரிசையும் பரிசோதிக்கப்பட்டுள்ளது.
சந்திரயான் -3 ஏவுகணையின் பொருத்தப்பட உள்ள சி.இ.20 க்ரையோஜெனிக் இன்ஜினின் சோதனை அதாவது இரண்டாம் கட்ட சோதனை வெற்றிகரமாக பிப்ரவரி மாதம் நடத்தப்பட்டது.
விண்ணில் ஏவப்படும் சந்திரயான் 3:
இப்படி பலமுறை சோதனை செய்யப்பட்ட பின் இன்று ஆந்திரா மாநிலம் ஸ்ரீஹரிக்கோட்டாவிலிருந்து மதியம் 2.35 மணிக்கு சந்திரயான் 2 விண்கலம் விண்ணில் செலுத்தப்பட உள்ளது. சந்திரயான் 2 தோல்வியில் இருந்து கிடைத்த பல்வேறு படிப்பினைகள் அடிப்படையில், சந்திரயான் 3 கட்டமைப்பு, தொழ்ல்நுட்பம் என பல்வேறு விதங்களிலும் மேம்படுத்தப்பட்டுள்ளது. இதனால், இந்த முயர்சி நிச்சயம் வெற்றி பெறும், அமெரிக்கா, ரஷ்யா மற்றும் சீனாவ தொடர்ந்து நிலவில் கால் பதிக்கப் போகும் நான்காவது நாடு எனும் பெருமையை இந்தியா பெறும் எனவும் நம்பிக்கை தெரிவிக்கப்பட்டுள்ளது.
ஒட்டுமொத்த நாடும் மகிழ்ச்சியில் திளைக்கிறது : சந்திரயான் குறித்து பிரதமர் மோடி பேச்சு
#WATCH | PM Narendra Modi says, "Today, on the successful launch of #Chandrayaan3, the entire India is excited. This is a major achievement of our scientists. In the arena of Space, India and France have had an old and deep cooperation. There have been new agreements between our… pic.twitter.com/Y21EBWOxWU
— ANI (@ANI) July 14, 2023
சீறிப்பாய்ந்த சந்திரயான்
Glimpses of today's LVM3-M4/Chandrayaan-3 mission#Chandrayaan3 #ISRO pic.twitter.com/K269GiWKza
— LVM3-M4/CHANDRAYAAN-3 MISSION (@chandrayaan_3) July 14, 2023
விடாமுயற்சிக்கு தலை வணங்குகிறேன்: பிரதமர் மோடி வாழ்த்து..!
"சந்திரயான்-3 இந்தியாவின் விண்வெளி பயணத்தில் ஒரு புதிய அத்தியாயத்தை எழுதுகிறது. ஒவ்வொரு இந்தியனின் கனவுகளையும் லட்சியங்களையும் கொண்டு உயர செல்கிறது. இந்த முக்கியமான சாதனை நமது விஞ்ஞானிகளின் அயராத அர்ப்பணிப்புக்கு ஒரு சான்றாகும். தங்களின் விடாமுயற்சிக்கும் புத்தி கூர்மைக்கும் தலை வணங்குகிறேன்!" என இஸ்ரோவுக்கு பிரதமர் மோடி வாழ்த்து தெரிவித்துள்ளார்.
கனவுகள், பெருமை, நம்பிக்கையை சுமந்து செல்லும் சந்திரயான் - 3: சச்சின் டெண்டுல்கர்
"இஸ்ரோவின் விண்கலம் 1.4 பில்லியன் இந்தியர்களின் கனவுகள், பெருமை மற்றும் நம்பிக்கையை சுமந்து செல்கிறது. சந்திரயான்-3 விண்ணில் செலுத்தப்பட்டதால், நம் அனைவரின் இதயங்களும் பெருமிதத்தால் பெருக்குகிறது. அயராத முயற்சிக்கு நமது விஞ்ஞானிகள் அனைவருக்கும் வாழ்த்துகள். இந்தியர்கள் அனைவருக்கும் மறக்க முடியாத நாள். ஜெய் ஹிந்த்!" என இந்திய கிரிக்கெட் அணியின் முன்னாள் வீரர் சச்சின் டெண்டுல்கர் தெரிவித்துள்ளார்.
தேசத்திற்கு வரலாற்று வெற்றி: கேரள முதலமைச்சர் பினராயி விஜயன் வாழ்த்து..!
"நிலவை ஆய்வு செய்யும் நமது மூன்றாவது விண்கலமான சந்திரயான் - 3 வெற்றிகமராக விண்ணில் செலுத்தப்பட்டுள்ளது. அனைத்து இந்தியர்களும் பெருமைப்பட வேண்டிய தருணம். அதன் வெற்றிகரமான பயணத்தின் பின்னால் உள்ள அனைவருக்கும் வாழ்த்துக்கள். இது நமது தேசத்திற்கு ஒரு வரலாற்று வெற்றியாகும். ஏனெனில், இந்த பணி விண்வெளி ஆராய்ச்சியில் அற்புதமான முடிவுகளை கொண்டு வரும்" என கேரள முதலமைச்சர் பினராயி விஜயன் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
