ஏ.ஆர்.ரஹ்மான் DAC Developers உடன் கைகோர்ப்பு !! பிராண்ட் அம்பாசிடராக ஏ.ஆர் ரகுமான் நியமனம்

டேக் டெவலப்பர்ஸ் நிறுவனத்தின் பிராண்ட் அம்பாசிடரான ஏ.ஆர்.ரஹ்மான் முன்னிலையில், சென்னையில் சுமார் 1,000 வீடுகள் கொண்ட 5 புதிய குடியிருப்புத் திட்டங்கள் அறிமுகம்

ஏ.ஆர் ரகுமான் - DAC Developers மேலாண் இயக்குநர் எஸ்.சதீஷ் குமார்

Source : Reporter

பிராண்ட் அம்பாசிடராக ஏ.ஆர் ரகுமான்

சென்னையைத் தலைமையிடமாகக் கொண்டு இயங்கும் முன்னணி கட்டுமான நிறுவனமான 'டேக் டெவலப்பர்ஸ்' (DAC Developers), தனது நிறுவனத்தின் புதிய பிராண்ட் அம்பாசிடராக உலகப் புகழ்பெற்ற இசையமைப்பாளர் ஏ.ஆர்.ரஹ்மானை அறிவித்துள்ளது. 

பிராண்ட் அம்பாசிடர் அறிமுக நிகழ்ச்சி சென்னை எம்.ஆர்.சி நகரில் உள்ள தனியார் விடுதியில் நடைபெற்றது. டேக் டெவலப்பர்ஸ் நிறுவனத்தின் பிராண்ட் அம்பாசிடரான ஏ.ஆர்.ரஹ்மான் முன்னிலையில், சென்னையில் சுமார் 1,000 வீடுகள் கொண்ட 5 புதிய குடியிருப்புத் திட்டங்கள் அறிமுகப்படுத்தப்பட்டன.

இத்திட்டங்கள் காட்டுப்பாக்கம், சுங்குவார்சத்திரம், குமணஞ்சாவடி , சோழிங்கநல்லூர் மற்றும் சிறுசேரி ஆகிய பகுதிகளில் அமையவுள்ளன.

நிறுவனத்தின் மேலாண் இயக்குநர் எஸ். சதீஷ் குமார் மேடையில் கூறுகையில் ;

ஏ.ஆர்.ரஹ்மானின் படைப்பாற்றல் மற்றும் துல்லியம் எங்கள் நிறுவனத்தின் கொள்கைகளுடன் ஒத்துப் போகிறது. அவருடன் இணைவதில் பெருமிதம் கொள்கிறோம்.

இசைப் புயல் ஏ.ஆர்.ரஹ்மான் மேடையில் பேசுகையில் ; 

அன்பும் மகிழ்ச்சியும் நிறைந்த இல்லங்களை உருவாக்கி வரும் டேக் டெவலப்பர்ஸ் நிறுவனத்துடன் இணைவதில் மகிழ்ச்சி அடைகிறேன். எனக்கு வீடு என்பது தமிழ்நாடு , நான் பிறந்தது சென்னையில் தான். சிலர் கேட்பார்கள் நீங்கள் ஏன் இன்னும் இங்கே இருக்கிறீர்கள் போயஸ் கார்டன் சென்று விடலாமே என்றெல்லாம் கேட்பார்கள். ஆனால் சில நினைவுகள் சில உறவுகள் எல்லாம் அங்கே தான்.

நிகழ்ச்சிக்கு பின்பு செய்தியாளர்களிடம் பேசிய டேக் டெவலப்பர்ஸ் நிறுவனத்தின் மேலாண் இயக்குநர் எஸ். சதீஷ் குமார் ; 

டெக் டெவலப்பர்ஸ் நிறுவனத்தின் பிராண்ட் அம்பாசிடராக ஏ.ஆர் ரகுமான் அறிவிக்கப்பட்டுள்ளார். டேக் டெவலப்பர்ஸ் 15 வருடங்களுக்கு மேலாக செயல்பட்டு வருகிறது. நிறைய பெரிய திட்டங்களை செயல்படுத்திருக்கின்றோம். எங்களுடைய பிராண்ட் அம்பாசிடராக ஏ.ஆர் ரகுமான் சார் தான் வேண்டும் என்று நினைத்தோம் அவரே கிடைத்திருக்கார்.

சென்னை மற்றும் கோயம்புத்தூரில் புதிய திட்டங்கள் நிறைய செயல்படுத்தி இருக்கின்றோம். ஓ.எம்.ஆர் பகுதியில் ஒரு அப்பார்ட்மெண்ட் ஒரு வில்லா திட்டத்தை அறிமுகப்படுத்த உள்ளோம். 20 லட்சத்திலிருந்து நான்கு கோடி வரை அப்பார்ட்மெண்ட் இடங்கள் வில்லா என அனைத்தும் உள்ளது.