ஃப்ரீசரில் பனிக்கட்டி மலை போல் இருக்கா? 5 நிமிடத்தில் ஈஸியா நீக்க இதோ சூப்பர் டிப்ஸ்!
அதிகப்படியான பனிக்கட்டி சேர்ந்து பிரிட்ஜின் குளிர்ச்சியைக் குறைப்பதுடன், மின்சாரக் கட்டணத்தையும் எகிற வைக்கும். இந்த மலை போன்ற பனிக்கட்டியைச் சிரமமின்றி அகற்ற, இதோ சில எளிய வழிகளை காணலாம்.
இன்றைய காலகட்டத்தில் ஒவ்வொரு வீட்டிலும் குளிர்சாதனப் பெட்டி என்பது தவிர்க்க முடியாத ஒரு பொருளாகிவிட்டது. குறிப்பாகக் கோடைக்காலத்தில் உணவுப் பொருட்கள் கெட்டுப்போகாமல் இருக்கவும், குளிர்ச்சியான பானங்களைப் பருகவும் இது பெரிதும் உதவுகிறது. ஆனால், பல நேரங்களில் நாம் சந்திக்கும் ஒரு முக்கியப் பிரச்சனை, ஃபிரீசர் (Freezer) பகுதியில் பனிக்கட்டி மலை போலத் திரண்டு நிற்பதுதான்.
வழக்கமாக, இதற்கென உள்ள 'டி-ஃப்ராஸ்ட்' (Defrost) பொத்தானை அழுத்தினால் பனிக்கட்டி உருகிவிடும். ஒருவேளை அந்தப் பொத்தான் வேலை செய்யவில்லை என்றால், அதிகப்படியான பனிக்கட்டி சேர்ந்து பிரிட்ஜின் குளிர்ச்சியைக் குறைப்பதுடன், மின்சாரக் கட்டணத்தையும் எகிற வைக்கும். இந்த மலை போன்ற பனிக்கட்டியைச் சிரமமின்றி அகற்ற, இதோ சில எளிய வழிகளை காணலாம்.
ஃப்ரீசரில் படிந்துள்ள தடிமனான பனிக்கட்டியை உடனடியாக அகற்ற, முதலில் குளிர்சாதனப் பெட்டியை அணைத்து, அதனை காலி செய்யவும்.
சுடுநீர் முறை: இதுவே மிகவும் பாதுகாப்பான முறையாகும். ஒரு ஆழமான பாத்திரத்தில் கொதிக்கும் நீரை ஃப்ரீசரில் வைத்து, அதன் கதவை மூடவும். அதிலிருந்து வரும் நீராவி உடனடியாகப் பனிக்கட்டியை மென்மையாக்கி, அது கீழே விழச் செய்யும்.
மேசை விசிறியின் பயன்பாடு: பனிக்கட்டியை எளிதாக உருக்குவதற்கு, குளிர்சாதனப் பெட்டியை அணைத்து அதன் கதவைத் திறக்கவும். பின்னர், குளிர் வாயு வெளியேறும் வகையில் மேசை விசிறியை அதன் முன் இயக்கவும். காற்றின் ஓட்டத்தால் பனிக்கட்டி விரைவாக உருகத் தொடங்கும்.
ஹேர் ட்ரையரைப் பயன்படுத்துதல்: நீங்கள் பனிக்கட்டியை விரைவாகவும் சிரமமின்றியும் உருக்க விரும்பினால், ஹேர் ட்ரையரைப் பயன்படுத்துங்கள். இது பனிக்கட்டியை எளிதாக உருக்க உதவுகிறது; ஹேர் ட்ரையரிலிருந்து வரும் சூடான காற்று சில நிமிடங்களிலேயே பனிக்கட்டியை உருக்கிவிடும்.
உப்பு நீர்: ஒரு பாத்திரத்தில் வெதுவெதுப்பான நீரை எடுத்து, அதில் உப்பைச் சேர்த்து, பனிக் குவியலின் மீது தெளிக்கவும். இது பனியை வேகமாக உருக்கி, அது முழுவதுமாகக் கரைந்து போகச் செய்யும்.
கத்தியைப் பயன்படுத்த வேண்டாம்: பனிக்கட்டியை அகற்ற கத்தி அல்லது கூர்மையான பொருட்களைப் பயன்படுத்த வேண்டாம், ஏனெனில் இது குளிரூட்டும் குழாயில் கீறலை ஏற்படுத்தி அதைச் சேதப்படுத்தக்கூடும்.
சுத்தம் செய்த பிறகு உலர்த்தவும்: பனிக்கட்டி உருகிய பிறகு, ஃப்ரீசரை ஒரு உலர்ந்த துணியால் துடைத்து சுத்தம் செய்து, அது உலரும் வரை அப்படியே விட்டுவிடவும், இல்லையெனில் குளிர்சாதனப்பெட்டி சேதமடையும் அபாயம் உள்ளது.
தலைப்பு செய்திகள்
ட்ரெண்டிங் செய்திகள்
