Watch video: பியானோ இசைக்குத் தலையாட்டும் அம்மா மற்றும் குட்டி யானைகள்...வைரல் வீடியோ!

இந்த கிளிப் சமீபத்தில் ஐஏஎஸ் அதிகாரி சுப்ரியா சாஹூவால் ட்விட்டரில் மீண்டும் பகிரப்பட்டது

Written By : ABP NADU | Updated at : 04 Jul 2023 09:03 PM (IST)

யானை

யானைகள் மனிதர்களைப் போல அனைத்தையும் ரசிக்கும் திறன் கொண்டவை. அந்த வகையில் பியானோ கலைஞர் ஒருவர் இரண்டு யானைகளுக்கு பியானோ வாசிக்கும் அழகிய வீடியோ ஒன்று அண்மையில் வைரலாகி வருகிறது. அம்மா யானையும் அதன் குட்டி யானையும் இடம்பெறும் அந்த வீடியோவில் அந்த மனிதரின் முன் நின்று பொறுமையாக அவர் வாசிப்பதை ரசிக்கின்றன.

பியானோ கலைஞரான பால் பார்டன் தனது யூடியூப் சேனலில் 2019-ஆம் ஆண்டு முதல் யானைகளுக்கு பியானோ வாசிக்கும் வீடியோவை வெளியிட்டு வருகிறார். அப்போது வெளியிடப்பட்ட இந்த வீடியோவில் "யானைகள் நோர்போர் மற்றும் அவரது குழந்தை நோர்கெல் ஆகியோருக்கு பியானோ வாசிக்கும் சில கிளிப்புகள்.இசை: 1) மெடிட்டேஷன் டி தாய்ஸ் 2) பேச்சல்பெல் கெனான் இன் டி,” என்று அவர் தனது வீடியோவுக்குத் தலைப்பிட்டு இருந்தார். இந்த கிளிப் சமீபத்தில் ஐஏஎஸ் அதிகாரி சுப்ரியா சாஹூவால் ட்விட்டரில் மீண்டும் பகிரப்பட்டது, பின்னர் மக்கள் மத்தியில் தற்போது மீண்டும் பகிரப்பட்டு வருகிறது. “அம்மாவுக்கும் குட்டி யானைக்கும் பியானோ. வீடியோ - பால் பார்டன் தாய்லாந்து” என்று அவர் தனது பதிவில் தலைப்பிட்டிருந்தார்.

ஒரு காட்டின் நடுவில் உள்ள ஒரு இடத்தில் பார்டன் தனது பியானோவின் முன் அமர்ந்திருப்பார். அவர் பியானோ வாசிக்கத் தொடங்கவும் அம்மா யானையும் குட்டி யானையும் தனது தும்பிக்கையை அசைத்து அழகாக நகர்ந்து தலையாட்டி ரசிக்கின்றன. அந்த வீடியோ உங்களுக்காக...