இனிப்பு சாப்பிடும் ஏக்கத்தை கட்டுப்படுத்துவது எப்படி? இதோ டிப்ஸ்

சிலர் பெருமையாகச் சொல்லிக் கொள்வார்கள் நான் ஒரு ஸ்வீட் டூத் என்று. ஆனால் அந்த இனிப்புக்குப் பின்னால் வரிசைக்கட்டிக் கொள்ளும் நோய்கள் பற்றி அவர்கள் அறிந்திருப்பார்களா எனத் தெரியவில்லை.

சுகர் கிரேவிங்ஸ்

சிலர் பெருமையாகச் சொல்லிக் கொள்வார்கள் நான் ஒரு ஸ்வீட் டூத் என்று. ஆனால் அந்த இனிப்புக்குப் பின்னால் வரிசைக்கட்டிக் கொள்ளும் நோய்கள் பற்றி அவர்கள் அறிந்திருப்பார்களா எனத் தெரியவில்லை. சிலருக்கு என்ன சாப்பிட்டாலும் ஒரு சிறு துண்டு இனிப்பு சாப்பிடாவிட்டால் நிறைவு ஏற்படாது. இதைத் தான் ஸ்வீட் கிரேவிங்ஸ் என்று சொல்கின்றனர்.

இது குறித்து ஸ்டெட்ஃபாஸ்ட் நியூட்ரிஷன் நிறுவனர் அமன் பூரி கூறியதாவது: இனிப்பு சாப்பிடும் அதீத ஆசை என்பது இயல்பானதுதான். என்றாலும் அது அடிக்கடி நிகழ்ந்தால் அது பிரச்சனையே. இதுபோன்ற சுகர் கிரேவிங் என்பது மிகக் குறைந்த கலோரி டயட் உட்கொள்ளுதல், மோசமான குடல் நலம், குறைவான தூக்கம், புரத பற்றாமை, வைட்டமின் பி12, குரோமியம் குறைபாடு, போதிய தண்ணீர் அருந்தாமை போன்ற பல காரணங்களால் சுகர் கிரேவிங்ஸ் ஏற்படும். அதுதவிர சீராக வைக்கப்படாத ரத்த சர்க்கரை அளவினாலும் சுகர் கிரேவிங்ஸ் ஏற்படும். இவ்வாறு அவர் கூறியுள்ளார்.

பிரதான் மேலும் கூறுகையில், இன்சுலின் ரெஸிஸ்டன்ஸ் காரணமாகவும் சுகர் கிரேவிங்ஸ் ஏற்படலாம் என்றார். 

அதிகப்படியாக இனிப்பு என்ன செய்யும்?
அதிகப்படியாக இனிப்பு சாப்பிடும்போது அதனால் உடல் பருமன், வீக்கங்கள், லைஃப்ஸ்டைல் நோய்கள் ஆகியன ஏற்படும். சர்க்கரை வியாதி, பிசிஓடி, தைராய்டு போன்ற லைஃப்ஸ்டைல் நோய்கள் உண்டாகும். தவிர இதய நோய்கள், நாள்பட்ட சோர்வு, குடல் பிரச்சனைகள், நோய் எதிர்ப்பு சக்தி குறைபாடு ஆகியன ஏற்படும்.

சுகர் கிரேவிங்ஸை எப்படிக் கட்டுப்படுத்துவது?
உணவு இடைவேளையை அதிகமாக்காதீர்கள். நீண்ட நேரம் உண்ணாமல் இருந்துவிட்டு உணவு உட்கொள்ளும்போது அது கார்போஹைட்ரேட்ஸை அதிகமாக உண்ணத் தூண்டும்.

உங்கள் உணவில் நீர் ஆகாரம் அதிகம் இருப்பது போல் பார்த்துக் கொள்ளுங்கள். மோர், லெமன் வாட்டர், பழங்கள் சேர்த்த தண்ணீர், காய்கறி ஜூஸ் ஸ்மூத்தி ஆகியனவற்றை சேர்த்துக் கொள்ளலாம்.
அதேபோல் நொதிக்க வைத்த உணவு சேர்க்கலாம். முராபா, வீட்டில் தயாரித்த ஊறுகாய், கேரட் அல்லது அரிசி கஞ்சி, இட்லி, தோசை, தோக்லா ஆகிய உணவுகள் குடல் நலத்திற்கு நல்லது. 

ஒரு நாளைக்கு 7 முதல் 8 மணி நேரமாவது நல்ல தூக்கம் அவசியம். மனச்சோர்வு அழுத்தம் தவிர்க்க வேண்டும். இவை உங்கள் சுகர் கிரேவிங்ஸை இன்னும் அதிகமாக்கும். வெள்ளை சர்க்கரைக்கு பதிலாக வெல்லம், ஸ்டீவியா, அத்திப் பழம், ப்ரூன்ஸ், பேரிச்சம்பழம், ஏப்ரிகாட்ஸ், கருப்பு திராட்சை ஆகியன சேர்த்துக் கொள்ளலாம்.

லைஃப்ஸ்டைல் நோய்களை தவிர்க்க எளிய வழி நம் வாழ்க்கை முறையை பழக்கவழக்கங்களை மாற்றிக் கொள்வது தான். ஆரோக்கியமான உணவு, அன்றாடம் உடற்பயிற்சி, போதிய ஓய்வு இருந்தால் போது எல்லா நோய்களும் எட்ட நின்று வேடிக்கை பார்க்கும்.