BSF-ல் 1100+ வேலை வாய்ப்பு! கடைசி தேதி நெருங்குது! உடனே விண்ணப்பிங்க! தகுதி, சம்பளம் & தேர்வு முறை

எல்லை பாதுகாப்புப் படையில் ஹெட் கான்ஸ்டபிள் (ரேடியோ ஆபரேட்டர்/மெக்கானிக்) பணிக்கு விண்ணப்பிக்க அழைப்பு  விடுக்கப்பட்டுள்ளது.

எல்லை பாதுகாப்பு படை

Source : PTI

எல்லை பாதுகாப்புப் படையில் (BSF) தலைமை காவலர் (ரேடியோ ஆபரேட்டர்) மற்றும் தலைமை காவலர் (ரேடியோ மெக்கானிக்) ஆகிய பதவிகளுக்கு 1,121 காலி இடங்களை நிரப்ப விண்ணப்பங்கள் வரவேற்கப்படுகின்றன. தகுதியுள்ள இந்தியக் குடிமக்கள் ஆன்லைனில் விண்ணப்பிக்கலாம். விண்ணப்பம் சமர்ப்பிப்பதற்கான கடைசி தேதி நாளை (23.09.2025) இரவு 11:59 மணி ஆகும். 

கல்வித் தகுதி

1. தலைமை காவலர்(ரேடியோ ஆபரேட்டர்)

• அங்கீகரிக்கப்பட்ட வாரியம் அல்லது பல்கலைக்கழகத்தில் இருந்து இயற்பியல், வேதியியல் மற்றும் கணிதப் பாடங்களுடன் 12 ஆம் வகுப்பு அல்லது அதற்கு இணையான படிப்பில் குறைந்தபட்சம் 60% மதிப்பெண்களுடன் தேர்ச்சி பெற்றிருக்க வேண்டும்.

• அங்கீகரிக்கப்பட்ட வாரியத்தில் இருந்து பத்தாம் வகுப்பு அல்லது அதற்கு இணையான படிப்பில் தேர்ச்சி மற்றும் அங்கீகரிக்கப்பட்ட நிறுவனத்தில் இருந்து ரேடியோ மற்றும் தொலைக்காட்சி அல்லது எலெக்ட்ரானிக்ஸ் இன்ஜினியரிங் அல்லது கம்ப்யூட்டர் ஆபரேட்டர் மற்றும் புரோகிராமிங் அசிஸ்டென்ட் அல்லது டேட்டா ப்ரிபரேஷன் அண்ட் கம்ப்யூட்டர் சாப்ட்வேர் அல்லது ஜெனரல் எலெக்ட்ரானிக்ஸ் இன்ஜினியரிங் அல்லது டேட்டா என்ட்ரி ஆபரேட்டர் ஆகிய பிரிவுகளில் இரண்டு வருட தொழில்துறை பயிற்சி நிறுவன சான்றிதழ் (ITI) பெற்றிருக்க வேண்டும்.

2. தலைமை காவலர் (ரேடியோ மெக்கானிக்)

• அங்கீகரிக்கப்பட்ட வாரியம் அல்லது பல்கலைக்கழகத்தில் இருந்து இயற்பியல், வேதியியல் மற்றும் கணிதப் பாடங்களுடன் 12 ஆம் வகுப்பு அல்லது அதற்கு இணையான படிப்பில் குறைந்தபட்சம் 60% மதிப்பெண்களுடன் தேர்ச்சி பெற்றிருக்க வேண்டும்.

• அங்கீகரிக்கப்பட்ட வாரியம் அல்லது நிறுவனத்தில் இருந்து பத்தாம் வகுப்பு அல்லது அதற்கு இணையான படிப்பில் தேர்ச்சி மற்றும் அங்கீகரிக்கப்பட்ட நிறுவனத்தில் இருந்து ரேடியோ மற்றும் தொலைக்காட்சி அல்லது ஜெனரல் எலெக்ட்ரானிக்ஸ் அல்லது கம்ப்யூட்டர் ஆபரேட்டர் மற்றும் புரோகிராமிங் அசிஸ்டென்ட் அல்லது டேட்டா ப்ரிபரேஷன் அண்ட் கம்ப்யூட்டர் சாப்ட்வேர் அல்லது எலக்ட்ரீஷியன் அல்லது பிட்டர் அல்லது தகவல் தொழில்நுட்பம் மற்றும் எலெக்ட்ரானிக்ஸ் சிஸ்டம் மெயின்டெனன்ஸ் அல்லது கம்யூனிகேஷன் எக்யூப்மென்ட் மெயின்டெனன்ஸ் அல்லது கம்ப்யூட்டர் ஹார்டுவேர் அல்லது நெட்வொர்க் டெக்னீசியன் அல்லது மெகாட்ரானிக்ஸ் அல்லது டேட்டா என்ட்ரி ஆபரேட்டர் ஆகிய பிரிவுகளில் இரண்டு வருட தொழில்துறை பயிற்சி நிறுவன சான்றிதழ் (ITI) பெற்றிருக்க வேண்டும்.

வயது வரம்பு (23.09.2025 அன்றுள்ளபடி)

• 18 முதல் 25 வயது வரை

வயது வரம்பு தளர்வுகள்

• SC/ ST விண்ணப்பதாரர்களுக்கு: 5 ஆண்டுகள்

• OBC விண்ணப்பதாரர்களுக்கு: 3 ஆண்டுகள்

• PwBD (பொது/ EWS) விண்ணப்பதாரர்களுக்கு: 10 ஆண்டுகள்

• PwBD (SC/ ST) விண்ணப்பதாரர்களுக்கு: 15 ஆண்டுகள்

• PwBD (OBC) விண்ணப்பதாரர்களுக்கு: 13 ஆண்டுகள்

சம்பள விவரம் (ஊதிய நிலை 4)

 ரூ.25500 - ரூ. 81100

தேர்வு முறை

PST (உடல் தர நிர்ணய தேர்வு) & PET (உடல் திறன் தேர்வு)

கணினி அடிப்படையிலான தேர்வு

ஆவண சரிபார்ப்பு, விரிவான மருத்துவ பரிசோதனை

விண்ணப்பக் கட்டணம்

• ST/SC/பெண் விண்ணப்பதாரர்களுக்கு: கட்டணம் இல்லை

• மற்ற விண்ணப்பதாரர்களுக்கு: ரூ.100/-

• கட்டணம் செலுத்தும் முறை: ஆன்லைன்

விண்ணப்பிக்கும் முறை

தகுதியும் விருப்பமும் உள்ள விண்ணப்பதாரர்கள் BSF இணையதளமான (https://rectt.bsf.gov.in/) க்குச் சென்று ஆன்லைன் விண்ணப்பப் படிவத்தைப் பூர்த்தி செய்ய வேண்டும். தமிழகத்தில் தேர்வு மையங்கள் குறித்த விவரங்கள் பின்னர் அறிவிக்கப்படும்.

கூடுதல் விவரங்களுக்கு: https://rectt.bsf.gov.in/static/bsf/pdf/55c6c141-5288-11f0-8331-0a1dcac2b80f.pdf?rel=2025082302