”உனக்கு மீசை இருக்கு.. கேலி, கிண்டல் அடித்த இணையவாசிகளை சம்பவம் செய்த இளம் பெண் - உளவியல் நிபுணர் பாராட்டு !
என்னை hurt பண்ண முயற்சித்தார்கள். நான் அதை வாய்ப்பாக மாற்றினேன். இந்த மனநிலை அரிதானது, ஆனால் கற்றுக்கொள்ளக்கூடியது.
கேலியை தன்னம்பிக்கையாக மாற்றும் கலை - ஒரு உளவியல் பார்வை மனநல ஆலோசகர் ப.ராஜசெளந்தர பாண்டியனின் முழு விளக்கம்.
ஒரு சின்ன சம்பவம், பெரிய பாடம்
சமீபத்தில் ஒரு பெண்ணின் வீடியோ சமூக வலைதளத்தில் கவனத்தை ஈர்த்தது. முகத்தில் சிறியளவு முடி இருந்தது. பெண்களுக்கு இயல்பாகவே இருக்கும் ஒன்று. ஆனால் யாரோ அதை கேலி செய்தார். அந்த பெண் அழவில்லை, ஒதுங்கவில்லை. அதையே வாய்ப்பாக மாற்றி வீடியோ போட்டாள். இது வெறும் தைரியமான செயல் மட்டுமல்ல. உளவியல் ரீதியாக மிக ஆழமான நடவடிக்கை.
Reframing என்றால் என்ன?
Cognitive Reframing என்பது எதிர்மறை சம்பவத்தை வேறொரு கோணத்தில் பார்க்கும் மனநிலை. பெரும்பாலானோர் கேலியை ஒரு அச்சுறுத்தலாக பார்த்து உள்ளே சுருங்கிவிடுகிறோம். ஆனால் அவள் அதை வாய்ப்பாக மாற்றினாள். என்னை hurt பண்ண முயற்சித்தார்கள். நான் அதை வாய்ப்பாக மாற்றினேன். இந்த மனநிலை அரிதானது, ஆனால் கற்றுக்கொள்ளக்கூடியது. நம்மில் பலருக்கும் யாரோ கேலி செய்யும்போது என்ன செய்வது என்று தெரிவதில்லை. அந்த தருணத்தில் நாம் எப்படி சிந்திக்கிறோம் என்பதுதான் நம் மனநிலையை தீர்மானிக்கிறது. ஒரு சின்ன மனமாற்றம் நம் வாழ்க்கையையே வேறுவிதமாக காட்டும்.
நாம் ஏன் உடைந்துவிடுகிறோம்?
இப்படித்தான் இருக்கணும் என்ற எதிர்பார்ப்பு சமூகத்தில் ஆழமாக பதிந்திருக்கிறது. யாரோ வேறுபட்டால் கேலி வரும். அந்த கேலியை நாம் Personal Attack ஆக எடுக்கிறோம். ஏனென்றால் நம் Self-Identity எளிதில் காயப்படுகிறது. ஆனால் அவளுக்கோ அந்த கேலி தொடவே இல்லை. ஏனென்றால் அவள் தன்னை ஏற்கனவே ஏற்றுக்கொண்டிருந்தாள். அதுதான் Self-Acceptance.
ஏற்றுக்கொள்ளாத சமூகம் ஒரு உண்மை
கருப்பா இருக்க, உடல் அளவு அதிகம் என்று சாதாரணமாக சொல்கிறோம். இதை வெறும் கேலி என்று நினைக்கிறோம். ஆனால் இது மனதில் ஆழமான காயம் ஏற்படுத்தும். இளைஞர்கள் தங்கள் தோற்றத்தை வெறுக்கிறார்கள், பொது இடங்களுக்கு செல்ல தயங்குகிறார்கள். இது Body Dysmorphia வரை வளரும். அந்த பெண்ணின் செயல் ஒரு தெளிவான செய்தி தருகிறது. என்னை நான் ஏற்றுக்கொள்கிறேன், நீங்கள் என்ன நினைத்தாலும் சரி என்று.
நாமும் இப்படி இருக்கலாம், எப்படி? Self-Acceptance ஒரு நாளில் வராது. அது தினமும் நம்மை நாமே கவனிக்கும் பயிற்சி.
நான்கு எளிய வழிகள்: 1. எண்ணங்களை கவனியுங்கள். நான் சரியில்லை என்று தோன்றும்போது, அது உண்மையா என்று கேளுங்கள். 2. ஒப்பீட்டை நிறுத்துங்கள். சமூக ஊடகங்களில் perfect தோற்றங்கள் filter செய்யப்பட்டவை. 3. Reframe செய்யுங்கள். இந்த கேலி என்னை பத்தி சொல்கிறதா, அவரை பத்தி சொல்கிறதா என்று யோசியுங்கள். 4. உங்கள் பலத்தை கண்டுபிடியுங்கள். உடல் தோற்றம் மட்டுமே உங்கள் அடையாளமல்ல. உங்கள் எண்ணம், உங்கள் செயல், கேலி வந்தால் உடைந்துவிட வேண்டியதில்லை. அதை ஒரு உந்துசக்தியாக மாற்றலாம். சமூகம் ஏற்றுக்கொள்ளும் கலாச்சாரத்தை வளர்க்க வேண்டும். மற்றவரை கேலி செய்வதற்கு முன் ஒரு கணம் யோசியுங்கள். அந்த வார்த்தை யாரையாவது உள்ளே உடைக்கலாம். நாம் நம்மை நாமே ஏற்றுக்கொண்டால் எந்த கேலியும் நம்மை தொட முடியாது. அதுதான் உண்மையான மன வலிமை.
Check out below Health Tools-
Calculate Your Body Mass Index ( BMI )
தலைப்பு செய்திகள்
ட்ரெண்டிங் செய்திகள்
