Pandiyan Stores: 'என்னடா குழந்தையை காணோம்’ .. Fan-ஐ வைத்து ஏமாற்றும் முல்லை.. பாண்டியன் ஸ்டோர்ஸ் வீடியோ வைரல்..!
Pandiyan Stores: பாண்டியன் ஸ்டோர்ஸ் சீரியலின் ஷூட்டிங் ஸ்பாட்டில் எடுக்கப்பட்ட வீடியோ ஒன்று இணையத்தில் வைரலாகி வருகிறது.
பாண்டியன் ஸ்டோர்ஸ் சீரியலின் ஷூட்டிங் ஸ்பாட்டில் எடுக்கப்பட்ட வீடியோ ஒன்று இணையத்தில் வைரலாகி வருகிறது.
பொதுவாகவே விஜய் டிவியில் ஒளிபரப்பாகும் சீரியல்களுக்கு எப்போதும் பார்வையாளர்கள் மத்தியில் தனி இடம் உண்டு. அந்த வகையில் ரசிகர்களின் பேராதரவுடன் சென்று கொண்டிருக்கும் பாண்டியன் ஸ்டோர்ஸ் சீரியல் திங்கள் முதல் சனிக்கிழமை வரை இரவு 8 மணிக்கு ஒளிபரப்பாகிறது. அண்ணன் - தம்பிகளின் பாசம், கூட்டுக்குடும்பத்தின் முக்கியத்துவம் போன்ற நெகிழ வைக்கும் காட்சிகள் அடங்கிய இந்த சீரியல் காண்போரை கண் கலங்க வைக்கும் அளவும் நெகிழ்ச்சியாக இருந்தாலும், சில நேரங்களில் சவ்வாக இழுக்கப்பட்டும் காட்சிகளுக்காக கடும் விமர்சனங்களையும் சந்தித்து வருகிறது.
பாண்டியன் ஸ்டோர்ஸ் சீரியலில் சுஜிதா, ஹேமா ராஜ்குமார், ஸ்டாலின் முத்து, வெங்கட் ரங்கநாதன், விஜே தீபிகா, லாவண்யா, சாந்தி வில்லியம்ஸ் என பலரும் நடித்து வருகின்றனர். இந்த சீரியல் கடந்த 2018 ஆம் ஆண்டு முதல் ஒளிபரப்பாகி வருகிறது.
முடிவுக்கு வருகிறதா பாண்டியன் ஸ்டோர்ஸ்?
இப்படியான நிலையில் அவ்வப்போது பாண்டியன் ஸ்டோர்ஸ் சீரியலில் நடிக்கும் நடிகர், நடிகைகள் மாற்றப்பட்டு வந்தனர். சமீபத்தில் கூட கண்ணன் கேரக்டரில் நடித்த சரவண விக்ரம் விலகினார். இதனிடையே பாண்டியன் ஸ்டோர்ஸ் குடும்பம் கடந்த வாரம் தான் புதிய வீட்டில் அடியெடுத்து வைத்தார்கள். மீனாவும் ஜீவாவும் கூட மறுபடியும் பாண்டியன் ஸ்டோர்ஸ் வீட்டுக்கே திரும்பி வந்து விட்டார்கள். இப்படியான நிலையில் பாண்டியன் ஸ்டோர்ஸ் சீரியல் சில நாட்களில் முடியவுள்ளதாக தகவல் வெளியாகி ரசிகர்களை அதிர்ச்சியை ஏற்படுத்தியது.
View this post on Instagram
மேலும் சீசன் 2 எடுக்க சேனல் முடிவெடுத்துள்ளதாக சொல்லப்படும் நிலையில், இதில் முதல் சீசனில் நடித்த சில பிரபலங்கள் நடிக்க மறுத்ததாக கூறப்பட்டது.
ஷூட்டிங் ஸ்பாட் வீடியோ
இந்நிலையில் ஷூட்டிங் ஸ்பாட்டில் எடுக்கப்பட்ட வீடியோ ஒன்று இணையத்தில் வைரலாகி வருகிறது. அதில் லாவண்யா கையில் குழந்தை இருப்பது போன்ற காட்சி எடுக்கப்பட்டது. குழந்தையின் முகத்தை பெரிதாக காட்ட மாட்டார்கள் என்பதால் பெரும்பாலும் பொம்மைக்கு துணியை சுற்றி படப்பிடிப்பில் உபயோகிப்பார்கள். ஆனால் இங்கே அந்த பொம்மை குழந்தை கூட இல்லாமல் சிறிய ஃபேனுக்கு துணியை சுற்றி வைத்துள்ளார்கள். இந்த வீடியோவை பார்த்த பலரும், “பொம்மையாவது இருக்கும் நினைச்சோம் ஆனா அது கூட இல்லை பாவிங்களா” , “ஏன்டா இந்த ஃபேனை வச்சுக்கிட்டுத் தான் இம்புட்டு பில்டப் கொடுத்தீங்களாடா”, “இப்ப தான் தெரியுது உங்க ஊழல்” என கலாய்த்து கமெண்ட் செய்து வருகின்றனர்.
தலைப்பு செய்திகள்
ட்ரெண்டிங் செய்திகள்
