Siragadikka Aasai serial August 23: வீடே மணக்க மணக்க மீனா செய்த சிக்கன் குழம்பு... விஜயாவுக்கு காத்திருந்த அல்வா! சிறகடிக்க ஆசையில் இன்று

Siragadikka Aasai Today : முத்துவும் மீனாவும் மீண்டும் ராசியானதால் கோபத்தில் கொந்தளிக்கும் விஜயாவுக்கு மீனா கொடுத்த அல்வா. இன்று சிறகடிக்க ஆசையில் என்ன நடக்கிறது.

சிறகடிக்க ஆசை ஆகஸ்ட் 23

Source : Youtube

Siragadikka Aasai serial August 23 : விஜய் டிவியில் ஒளிபரப்பாகும் 'சிறகடிக்க ஆசை' சீரியலின் இன்றைய (ஆகஸ்ட் 23 ) எபிசோடில் முத்துவை சமாதானம் செய்வதற்காக மீனா மிகவும் ருசியாக சிக்கன் குழம்பு வைக்கிறாள். அந்த வாசனையை வைத்தே அனைவரும் சாப்பிட ஆர்வமுடன் வந்து விடுகிறார்கள். ஸ்ருதி மீனாவின் சமையலை டேஸ்ட் செய்து பார்த்து ஆஹா ஓஹோ என பாராட்டுகிறாள். ஆனால் விஜயா மீனாவை குறை சொல்ல வேண்டும் என்றே ஏதோ சொல்ல ஸ்ருதியின் சப்போர்ட் மீனாவுக்கு எப்போதுமே இருக்கிறது. 

 

 

ரவி சுவைத்து பார்த்து சூப்பரா இருக்கு அண்ணி எனக்கும் இந்த ரெசிபி சொல்லி கொடுங்க என்கிறான். விஜயா தான் உப்பு கொஞ்சம் தூக்கலாக இருக்கு என குறை சொல்ல "அப்போ நீங்க போய் பிபி செக் பண்ணுங்க ஆண்ட்டி. எங்க எல்லாருக்கும் கரெக்ட்டா தான் இருக்கு" என விஜயாவை ஸ்ருதி கிண்டல் பண்ண "அதெல்லாம் ஒன்னும் இல்லை. உப்பு சரியா தான் இருக்கு" என மாத்தி பேசுகிறாள் விஜயா. "ஆண்டிக்கு மீனா குக்கிங்கை பாராட்ட தான் மனசு இல்லை" என அப்படியே உடைத்து விடுகிறாள். 

அனைவரும் ருசித்து சந்தோஷமாக சாப்பிட்டாலும் முத்துவுக்காக தான் மீனா சமைத்தாள், ஆனால் முத்து வீட்டுக்கு வராததால் மீனா கவலையுடன் அவனை எதிர்பார்த்து காத்திருக்கிறாள். சிக்கன் கிரேவியை மொத்தமாக அனைவரும் சேர்ந்து காலி செய்துவிடுகிறார்கள். 

 

லேட்டாக தான் முத்து வீட்டுக்கு வருகிறான். மீனாவிடம் கையை காட்டு என சொல்லி வாங்கி வந்த அல்வாவை கொடுக்கிறான். "கோபம் இருந்துச்சு. ஆனா இப்போ இல்ல. நீ உன்னோட தம்பி பிறந்தநாளுக்கு தானே போன. தம்பி தங்கச்சிகிட்ட பேச கூடாதுனு எல்லாம் நான் சொல்ல மாட்டேன். எனக்கு சத்யாவை ரொம்ப புடிக்கும். ஆனால் அவன் சிட்டியோட சேர்ந்து சுத்துறது தான் எனக்கு பிடிக்கல" என்கிறான் முத்து. அதை பார்த்து சந்தோஷமான மீனா "நீங்க சத்யா மேல இருக்க அக்கறைல தான் சொல்றீங்கன்னு தெரியும். அவனும் அதை புரிந்து கொள்வான்" என்கிறாள் மீனா. இவர்கள் பேசிக்கொள்வதை விஜயா கேட்டு காண்டாகிறாள். 

"எனக்கு ரொம்ப பசிக்குது. சாப்பாடு எடுத்து வை" என முத்து சொல்ல அந்த நேரம் ரவி வெளியில் வந்தது மீனாவின் சமையலை ஆஹா ஓஹோ என பாராட்டி "உனக்கு வைக்க முடியாம போயிடுச்சு" என சொல்கிறான். "ஒரு சட்டி குழம்பையும் காலி பண்ணிடீங்களா " என முத்து ஷாக்காகிறான். "உங்களுக்கு பரிமாறதுக்கு முன்னாடியே நான் அவருக்காக தனியா எடுத்து வைச்சுட்டேன்" என மீனா ரவியிடம் சொல்ல சூப்பர் அண்ணி என ரவியும் பாராட்டுகிறான். பின்னர் முத்துவும் மீனாவும் உட்கார்ந்து சாப்பிடுகிறார்கள். மீனா அல்வாவை எடுத்து சாப்பிட அப்போது விஜய் அங்கு வந்தது பார்த்து "அல்வா நல்லா இருக்கு அத்தை. எடுத்துக்கோங்க " என கொடுக்கிறாள்.

 

அடுத்த நாள் காலை மனோஜ் ஷோ ரூம் செல்ல ரெடியாகி வர காட்டில் காலில் இடித்து கொள்கிறான். அப்போது வீட்டுக்கு வந்த பார்வதி இது நல்லது இல்ல என சொல்லவும் "வாங்க அம்மா நாம உடனே போய் ஜோசியரை பார்க்கலாம். இது கெட்ட சகுனம்" என்கிறான் மனோஜ். "கட்டிலை இப்படி நடு ஹாலில் போட்டு வைத்தால் போக வர இப்படி தான் இடிக்கும் என சொன்னேன்" என்கிறார் பார்வதி. முத்துவையும் மீனாவியும் அழைத்து இந்த கட்டிலை கொண்டு போய் வெளியில் போடுங்க என்கிறாள் விஜயா. இது தான் இன்றைய சிறகடிக்க ஆசை எபிசோட் கதைக்களம்.