Ethirneechal Viral Video ‘எதிர்நீச்சல் சீரியலின் நீக்கப்பட்ட காட்சி?’ ஆவேசத்தில் ஈஸ்வரி பேசும் வீடியோ வைரல்..!
எதிர்நீச்சல் சீரியலில் அமைதியான பெண்ணாக நடித்து வரும் நடிகை கனிகாவின் வீடியோ ஒன்று இணையத்தில் வைரலாகியுள்ளது.
எதிர்நீச்சல் சீரியலில் அமைதியான பெண்ணாக நடித்து வரும் நடிகை கனிகாவின் வீடியோ ஒன்று இணையத்தில் வைரலாகியுள்ளது.
எதிர்நீச்சல் சீரியல்
சின்னத்திரையை பொறுத்தவரை சன் டிவியில் ஒளிபரப்பாகும் சீரியல்களுக்கு என்றைக்கும் வயது வித்தியாசம் இல்லாமால் தனி ரசிகர் பட்டாளமே உள்ளது. முன்னொரு காலத்தில் ஒளிபரப்பான எப்படியான பழைய சீரியல்களை மறுஒளிபரப்பு செய்தாலும் உட்கார்ந்து பார்ப்பவர்கள் ஏராளம். இப்படியான நிலையில் சன் டிவியில் வாரத்தின் 7 நாட்களும் இரவு 9.30 மணிக்கு ‘எதிர்நீச்சல்’ என்னும் சீரியல் ஒளிபரப்பாகி வருகிறது. 90ஸ் கிட்ஸ் புகழ் இயக்குநர் திருச்செல்வம் இயக்கும் இந்த சீரியல் தான் பல மாதங்களாகவே டிஆர்பி நம்பர் ஒன்றாக உள்ளது.
இந்த சீரியலில் இயக்குநர் மாரிமுத்து, பாம்பே ஞானம், மதுமிதா, ஹரிப்பிரியா, சபரி பிரசாந்த், கமலேஷ் ,கனிகா, தேவதர்ஷினி, சத்யா தேவராஜன், சத்தியப்ரியா, காயத்திரி கிருஷ்ணன், ராதிகா வைரவேலவன், விமல், இயக்குநர் திருச்செல்வம் உள்ளிட்ட பலரும் நடித்து வருகின்றனர். விறுவிறுப்புக்கு பஞ்சமில்லாத இந்த சீரியலில் ஈஸ்வரி என்னும் கேரக்டரில் நடிகை கனிகா நடித்து வருகிறார். எதிர்நீச்சல் சீரியலில் இவர் ஆதி குணசேகரனுக்கு (இயக்குநர் மாரிமுத்து) மனைவியாக நடித்து வருகிறார்.
ஈஸ்வரி கேரக்டரி பின்னணி
நன்கு படித்திருந்தாலும், ஆணாதிக்கம் மிகுந்த அந்த வீட்டில் எதையும் எதிர்க்க துணிவில்லாத அடிமைப் பெண்ணாக வலம் வந்த ஈஸ்வரி, தற்போது அதனை நிலையை உடைத்து சுயமரியாதையோடு நடக்கும்படியான கேரக்டர் அமைக்கப்பட்டுள்ளது.
இப்படியான நிலையில், கனிகாவுக்கு இந்த சீரியலில் ஈஸ்வரி என பெயர் சூட்டப்பட்டதன் சுவாரஸ்ய பின்னணி உள்ளது. அதாவது கனிகா தமிழ் சினிமாவில் “பைவ் ஸ்டார்” என்னும் படத்தில் அறிமுகமானார். இதில் அவருடைய கேரக்டரின் பெயர் ‘ஈஸ்வரி’ தான். இதனையே சீரியலில் கேரக்டர் பெயராக வைக்க வேண்டும் என்ற கனிகாவின் வேண்டுகோளை முழு மனதுடன் திருச்செல்வம் ஏற்றுக் கொண்டார்.
இப்படியான நிலையில் சீரியலில் கனிகாவின் கேரக்டரும், பைவ் ஸ்டார் படத்தில் இடம் பெற்ற கேரக்டரும் ஒன்று தான். சுசி கணேசன் இயக்கிய அந்த படத்தில் கனிகாவுக்கு விருப்பமில்லாமல் திருமணம் நடக்கும். ஆனால் கணவன் கைவிட்டு விட்டு காணாமல் போய் விடுவான். கைகுழந்தையுடன் தனியாக இருக்கும் கனிகாவுக்கு அடுத்ததாக ஒரு கல்யாண ஏற்பாடு நடக்கும். முதலில் அமைதியாக இருக்கும் கனிகா, இந்த விஷயத்தில் பொங்கியெழுந்து விடுவார்.
உறவினர்களையும், பெண் வீட்டாரையும், ஊர் மக்களையும் உண்டு இல்லை என்னும் அளவுக்கு வார்த்தைகளால் தன் வலியை உணர்த்துவார். இந்த வீடியோ இணையத்தில் வைரலாகியுள்ளது. இதனை பார்த்த ரசிகர்கள், ‘இதென்ன எதிர்நீச்சல் சீரியலின் நீக்கப்பட்ட காட்சியா?’ என கேள்வியெழுப்பியுள்ளனர்.
View this post on Instagram
தலைப்பு செய்திகள்
ட்ரெண்டிங் செய்திகள்
