Ethirneechal : சக்தி வந்த புதிய பிரச்சனை.. ஜனனிக்கு உதவும் ரேணுகா.. ட்விஸ்ட் எடுக்கும் எதிர்நீச்சல்
*நந்தினிக்கு பிறந்தநாள் கொண்டாட்டம். சர்ப்ரைஸ் கிஃப்ட் கொடுத்த ஜனனி* சக்திக்கு உடம்பு சரியில்லை என்றதும் பதறிய ஜனனிஇன்றைய எதிர் நீச்சல் எபிசோட் ப்ரோமோ
சன் டிவியில் ஒளிபரப்பாகும் எதிர்நீச்சல் (Ethir neechal) சீரியலின் நேற்றைய எபிசோடில் ரேணுகா முதல் நாள் டான்ஸ் கிளாஸை ஆன்லைனில் தொடங்கினாள். ஐஸ்வர்யா, ஜனனி மற்றும் நந்தினி அவள் சொல்லி கொடுக்கும் அழகை ரசிக்கிறார்கள். கிளாஸ் முடிந்த உடனே ரேணுகாவின் ஃபோனுக்கு பணம் கிரெடிட்டாகி உள்ளது என மெஸேஜ் வருகிறது. அதை பார்த்து ரேணுகா எனக்குத்தான் அக்கவுண்ட்டே கிடையாதே பிறகு எப்படி மெசேஜ் வருகிறது என கேட்கிறாள்.
ரேணுகா, ஈஸ்வரி மற்றும் நந்தினி மூவருக்கும் முன்னரே அக்கவுண்ட் ஓப்பன் செய்துவிட்ட தகவலை சொல்லி நீங்க ஒவ்வொரு நாள் ஆன்லைன் கிளாஸ் முடித்த உடனே உங்கள் அக்கவுண்டில் பணம் கிரெடிட்டாகிவிடும் என்று சொல்லவும் ரேணுகா அழுது விடுகிறாள். ”எங்களுக்காக நீ எவ்வளவு செய்யுற உனக்கு நன்றி என்ற ஒற்றை வார்த்தை பத்தவே பத்தாது..” என ஆனந்த கண்ணீர் விடுகிறாள்.
நந்தினி ரேணுகாவின் ட்ரீட்டாக ஸ்வீட் செய்து கொடுக்கிறாள். அனைவரும் சந்தோஷமாக சிரித்து பேசிக்கொண்டு இருக்கும் போது ஞானமும், கதிரும் வந்து இறங்குகிறார்கள். அவர்களை நக்கலடித்து சிரித்து கொள்கிறார்கள். "உங்களுக்கும் ஸ்வீட் வேணுமா?" என கேட்டு கதிரை டென்ஷனாக்குகிறாள். "நாங்களே சொத்துபோன கவலையில் இருக்கோம் நீ வேற ஏன் மா?" என்கிறார் ஞானம்.
கதிரும் ஊரில் இருந்து திரும்பிவர போன விஷயம் என்ன ஆனது? ஜீவானந்தம் பற்றி ஏதாவது தகவல் தெரிந்ததா என ரேணுகா கேட்கிறாள். ஜீவானந்தம் அந்த ஊரில் இருக்கும் பலருக்கும் பல நல்லதை செய்துள்ளார் அவரை பற்றி பெருமையாக பேசுகிறார்களே தவிர அவர் எங்க இருக்கார் என கேட்டால் ஒருவரும் வாயை திறக்கவே மாட்டேன் என்கிறார்கள்" என்கிறான் சக்தி. "அந்த அளவுக்கு ட்ரெயின் செய்து வைத்துள்ளான்" என நந்தினி சொல்கிறாள்.
"ஜனனி சக்தியை ஒரு இடத்திற்கு சென்று வரலாம்" என சொல்கிறாள். "எங்க யாரை பார்க்கப் போகிறோம் என சொன்னால் மட்டுமே அழைத்து செல்வேன்" என சக்தி சொல்கிறான். "போற வழியில சொல்றேன்" என சொல்லி கூட்டி செல்கிறாள். அத்துடன் நேற்றைய எபிசோட் முடிவுக்கு வந்தது.
அதன் தொடர்ச்சியாக இன்றைய எதிர் நீச்சல் எபிசோடுக்கான ப்ரோமோ வெளியாகியுள்ளது.
ஜனனி, சக்தி இருவரும் சர்ப்ரைஸாக ரெடியாக கேக் வாங்கி வைத்துள்ளார்கள். இன்று நந்தினியின் பிறந்தநாள் அதற்காகத்தான் அந்த கேக் கட்டிங் செலிப்ரேஷன். இதை சற்றும் எதிர்பார்க்காத நந்தினி ஆச்சரியமடைகிறாள். அவளுக்கு சர்ப்ரைஸாக ஏதோ ஒரு லெட்டரை கொடுக்கிறாள் ஜனனி. "ஹேப்பி பர்த்டே அக்கா. இது உங்களுக்கு ஸ்பெஷலான பர்த்டே" என்கிறாள். அதை பார்த்து ஷாக்கான நந்தினியிடம் இருந்து, அந்த லெட்டரை வாங்கி ரேணுகா பார்த்து ரெஜிஸ்டரே பண்ணிட்டியா என கேட்கிறாள். அனைவரும் சந்தோஷமாக இருக்கிறார்கள்.
அடுத்த நாள் காலை சக்தி படுக்கையில் படுத்துக்கொண்டு இருக்க ஜனனி பதட்டமான "நான் போய் அக்காவ கூட்டிட்டு வரேன்" என சொல்லி ஓடுகிறாள். ரேணுகாவிடம் போய் "அக்கா கொஞ்சம் வாங்களேன். சக்திக்கு ஹை ஃபீவரா இருக்கு" என அழைத்துக்கொண்டு போகிறாள். நந்தினியும் ரேணுகாவும் வேகமாக போய் சக்தியை பார்க்கிறார்கள். இதுதான் இன்றைய எதிர் நீச்சல் (Ethirneechal) எபிசோடுக்கான ஹிண்ட்.
நந்தினிக்கு ஜனனி என்ன பரிசாக கொடுத்தாள்? சக்திக்கு திடீர் என ஏன் உடம்பு சரியில்லாமல் போனது? அடுத்து ஜனனி என்ன செய்யப்போகிறாள்? பரபரப்பான கட்டத்தில் எதிர் நீச்சல் தொடர் சென்றுகொண்டே இருக்கிறது
தலைப்பு செய்திகள்
ட்ரெண்டிங் செய்திகள்
