Bharathi Kannamma 2: இன்றுடன் நிறைவடையும் பாரதி காதலியே.. கண்ணம்மா.. 3 மணி நேர கிளைமாக்ஸ் காட்சி...எகிறுமா டிஆர்பி?

Bharathi Kannamma 2: பாரதி கண்ணம்மா 2 சீரியலின் கிளைமாக்ஸ் காட்சி இன்று மாலை 3 மணி முதல் 6:30 மணி வரை தொடர்ந்து ஒளிபரப்பாகி டி. ஆர்.பி ரேடிங்கை எகிற வைக்க போகிறது. 

பாரதி கண்ணம்மா கிளைமாக்ஸ்

சின்னத்திரை ரசிகர்களின் அபிமான சேனலாக இருந்து வரும் ஸ்டார் விஜய் டிவியின் ரியாலிட்டி ஷோ அனைத்தும் உலகளவில் பிரபலமானவை. அதே நேரத்தில் விஜய் டிவியில் ஒளிபரப்பாகும் சீரியல்களும் ரசிகர்கள் மத்தியில் நல்ல வரவேற்பைப் பெற்றுள்ளது. அந்த வகையில் மாபெரும் வரவேற்பை பல ஆண்டுகளாக பெற்று வந்த ஒரு தொடர் 'பாரதி கண்ணம்மா'(Bharathi Kannamma 2). டி. ஆர்.பி ரேட்டிங் வரிசையில் முதலிடத்தில் இருந்த வந்த இந்த தொடர் இந்த ஆண்டு தொடக்கத்தில் முடிவடைந்தது. 

 

முதல் பாகம் முடிவடைந்த உடனேயே 'பாரதி கண்ணம்மா 2' தொவங்கியது. சீசன் 1ல் நடித்த ரூபாஸ்ரீ, வினுஷா தேவி, ஃபரினா, தீபா உள்ளிட்டோர் இந்த சீசனிலும் தொடர்ந்தார்கள். சன் டிவியில் ஒளிபரப்பான ரோஜா சீரியலின் ஹீரோ சிபு இந்த சீரியலில் பாரதியாக நடித்திருந்தார்.

இந்த ஆண்டு தொடக்கத்தில் தொடங்கப்பட்ட இந்த சீரியல் 133 எபிசோட் வரை ஒளிபரப்பாகி இன்றுடன் முடிவடைகிறது. முதல் சீசனுக்கு கிடைத்தது போல பெரிய அளவில் பாரதி கண்ணம்மா சீசன் 2க்கு வரவேற்பு கிடைக்கவில்லை என்பதால் தான் இந்த சீரியல் விரைவில் முடிக்கப்படுவதற்கான காரணமாகக் கூறப்படுகிறது. 

கிளைமாக்ஸ் ஸ்பெஷல் எபிசோட் :

கண்ணம்மாவின் பிளாஷ் பேக் ஸ்டோரியில் என்ன நடந்தது? பாரதியின் தந்தை ராஜசேகர் மரணத்திற்கு காரணமானவர் யார்? பாரதியும் கண்ணம்மாவும் ஒன்றிணைவார்களா? போன்ற கேள்விகளுக்கு பதிலாக இன்றைய கிளைமாக்ஸ் எபிசோட் ஒளிபரப்பாக உள்ளது.

இன்று மாலை 3 மணி முதல் 6:30 மணி வரை தொடர்ந்து ஒளிபரப்பாகும் பாரதி கண்ணம்மா எபிசோட் இதுவரையில் பெற தவறிய ஒட்டுமொத்த டி. ஆர்.பி ரேடிங்கையும் இந்த ஒரே எபிசோடில் பெற போகிறது என்ற எதிர்பார்ப்பு உள்ளது. 

கொலையாளி யார்? 

சௌந்தர்யாவின் அண்ணன் முரளி தான் பாரதியின் அப்பா ராஜசேகரை கொலை செய்தது என்பதை சாட்சியுடன் நிரூபிப்பதற்காக நடராஜை அழைத்து வருகிறாள் கண்ணம்மா. பாரதிக்கும் வெண்பாவுக்கும் நடைபெற இருக்கும் திருமணத்தை நிறுத்த செல்லும் வழியில் அவளின் பழைய விரோதி ஒருத்தியால் இடைஞ்சல் ஏற்படுகிறது. அதில் இருந்து தப்பித்து கோயிலில் நடைபெற இருந்த திருமணத்தை எப்படி நிறுத்தி முரளியின் வண்டவாளத்தை நிரூபித்தாள் என்பது தான் இன்றைய கிளைமாக்ஸ் எபிசோடில் நடைபெற உள்ளது. 

உண்மையான கொலையாளி யார் என தெரிந்து பின்னர் அனைவரும் ஒன்று சேரும் பாரதி கண்ணம்மா 2 தொடர் இன்றுடன் சுபம் கார்டுடன் முடிவுக்கு வரவுள்ளது. 

இந்த சீரியல் முடிவடைந்த உடன் வரும் திங்கள் முதல் வெள்ளி வரை இரவு 10 மணிக்கு எஸ்.ஏ. சந்திரசேகர், ராதிகா சரத்குமார், ரேஷ்மா முரளிதரன், வெங்கட் உள்ளிட்டோர் நடிக்கும் புதிய தொடரான 'கிழக்கு வாசல்' ஒளிபரப்பாக உள்ளது.