VJ Vishal: பாக்கியலட்சுமி எழில் இனி இல்லை.. விஷால் விலகக் காரணம்.. புது என்ட்ரி இவர் தான்!

VJ Vishal: பாக்கியலட்சுமி சீரியலில் எழில் கேரக்டரில் நடித்த விஜே விஷால் திடீரென விலக அவருக்கு பதிலாக புதிதாக என்ட்ரி கொடுத்த நடிகர்.

விஜே விஷால் - நவீன்

விஜய் டிவியில் ஒளிபரப்பாகும் மிக முக்கியமான சீரியல்களில் ஒன்று பாக்கியலட்சுமி தொடர். அடிக்கடி அதிரடி திருப்பங்களுடன் ரசிகர்களின் கவனத்தை மொத்தமாக ஈர்த்துள்ளது. ஒவ்வொரு கேரக்டரிலும் நடிப்பவர்கள் மிகவும் யதார்த்தமாக நடிப்பது தான் இந்த சீரியலின் தொடர் வெற்றிக்கு முக்கியமான காரணம். தற்போது ராதிகா கர்ப்பமாக இருப்பதால் வெடிக்கும் பிரச்சினைகள் கதைக்களத்தை மேலும் சுவாரஸ்யமாக்கி உள்ளது. 

பாக்கியலட்சுமி சீரியலில் ராதிகா, செழியன், அமிர்தா, ஜெனியின் அப்பா ஜோசப் இப்படி பல கேரக்டர்களில் நடித்தவர்கள் மாறிவிட்டனர். பாக்கியலட்சுமி சீரியல் தொடங்கிய நாள் முதல் தற்போது வரை பாக்கியாவுக்கு சப்போர்ட்டாக எழில் தான் இருந்து வந்தார். எழில் கேரக்டரில் நடிகர் விஜே விஷால்   நடித்து வந்தார். பாசிட்டிவ் கேரக்டரில் நடித்து வந்த அவரின் நடிப்பு ரசிகர்களை வெகுவாகக் கவர்ந்தது. 

 

தொகுப்பாளராக வேண்டும் என்ற ஆசையோடும் கனவோடும் வாய்ப்பு தேதி வந்த விஷாலுக்கு பாக்கியலட்சுமி தொடரில் நடிக்க வாய்ப்பு வந்தது. இது தான் அவர் நடிக்கும் முதல் சீரியல். கிடைத்த வாய்ப்பை நன்கு பயன்படுத்திக் கொண்டு தன்னுடைய திறமையை வெளிப்படுத்தினார். சீரியலில் நடித்துக் கொண்டிருந்த அதே வேளையில் விஜய் டிவியில் ஒளிபரப்பான 'ரெடி ஸ்டெடி போ' நிகழ்ச்சியை ரக்சனுடன் சேர்ந்து தொகுத்து வழங்கி வந்தார். கடந்த குக்கு வித் கோமாளி சீசன் 3 நிகழ்ச்சியிலும் போட்டியாளர்களில் ஒருவராக பங்கேற்றார். 

இப்படி பிரபலமான ஒரு பர்சனாலிடியாக இருந்து வந்த விஜே விஷால் பாக்கியலட்சுமி தொடரில் இருந்து திடீரென விலகியுள்ளார். இது அவரின் தீவிர ரசிகர்களுக்கு மிகப்பெரிய அதிர்ச்சியைக் கொடுத்துள்ளது. அவர் விலகக் காரணம் என்ன என்பது இதுவரையில் தெரியவில்லை. இது குறித்து பல நாட்களாகவே வதந்திகள் பரவி வந்த நிலையில் கூட, விஜே விஷால் அதை மறுத்து எந்த ஒரு அறிவிப்பையும் வெளியிடவில்லை. இது பாக்கியலட்சுமி சீரியல் ரசிகர்களுக்கு பெரிய ஏமாற்றத்தைக் கொடுத்துள்ளது. 

எழில் கதாபாத்திரத்துக்கான முக்கியத்துவம் குறைந்து வருவதும் ஒரு காரணமாக இருக்கலாம் அல்லது முக்கியத்துவம் வாய்ந்த ஒரு கேரக்டர் கொண்ட சீரியலில் நடிக்க ஒப்பந்தமாகி இருக்கலாம் எனக் கூறப்படுகிறது. இப்படி பல தரப்பட்ட விவாதங்கள் ரசிகர்கள் மத்தியில்  நடைபெற்று வருகிறது. 

விஜே விஷால் நடித்து வந்த எழில் கதாபாத்திரத்தில் புதிய எழிலாக 'ஈரமான ரோஜாவே 2 ' சீரியலில் நடித்து வந்த நடிகர் நவீன் இணைந்துள்ளார். இவரின் காட்சிகள் இன்றைய எபிசோடிலேயே வருகிறது என்பது மற்றுமொரு சர்ப்ரைஸ். விரைவில் நடிகர் நவீனை எழில் கதாபாத்திரமாக ரசிகர்கள் ஏற்றுக்கொள்வார்கள் என எதிர்பார்க்கப்படுகிறது.