Samantha with junior NTR | மீண்டும் வெற்றிக்கூட்டணியுடன் இணையும் சமந்தா- இதுவரையில் நடிக்காத கதாபாத்திரம்?

மிகுந்த பொருட்செலவில் உருவாகவுள்ள அந்த படத்தில் சமந்தா இதுவரை நடிக்காத ரோலில் நடிக்கிறார் என்றும் கூறப்படுகிறது.

சமந்தா_-_ஜூனியர்_என்டி.ஆர்

கோலிவுட் , டோலிவுட் என கலக்கி வரும் சமந்தா நடிப்பில் விரைவில் வெளியாகவுள்ள திரைப்படம் காத்து வாக்குல ரெண்டு காதல். இது தவிர சாகுந்தலா, யசோதா உள்ளிட்ட தெலுங்கு படங்களையும் முடித்து கொடுத்துள்ளார் சமந்தா. இந்த நிலையில் அடுத்ததாக ஜுன்னியர் என்.டி.ஆருக்கு ஜோடியாக புதிய படம் ஒன்றில் ஒப்பந்தமாகியிருப்பதாக செய்திகள் வெளியாகியுள்ளன. ஜூனியர் என்.டி.ஆர் தற்போது ஆர்.ஆர்.ஆர் படத்தை முடித்துள்ளார். ராஜமௌளி இயக்கத்தில் ராம்சரண் கூட்டணியில் உருவாகியுள்ள இந்த திரைப்படம் தமிழ், தெலுங்கு , இந்தி , கன்னடம் , மலையாளம் என முக்கிய பிராந்திய மொழிகளில் டப் செய்யப்பட்டு வெளியாகவுள்ளது. இந்த படத்தின் ரிலீஸுக்காக காத்திருக்கும் ஜூனியர் என்.டி.ஆர் , அடுத்ததாக கொரட்டலா சிவாவுடன் இணைய இருப்பதாக அதிகாரப்பூர்வ செய்திகள் வெளியான நிலையில், சமந்தா ஜூனியர் என்.டி.ஆருக்கு ஹீரோயினாக நடிக்க பேச்சுவார்த்தை நடத்தப்பட்டதாகவும் அதற்கு சமந்தா பச்சைக்கொடி அசைத்ததாகவும் தற்போது செய்திகள் வெளியாகியுள்ளது. மிகுந்த பொருட்செலவில் உருவாகவுள்ள அந்த படத்தில் சமந்தா இதுவரை நடிக்காத ரோலில் நடிக்கிறார் என்றும் கூறப்படுகிறது.

 

பெரும்பாலும் தெலுங்கு படங்களில் முக்கிய நடிகர்களுடன் நடிக்கும்  எந்தவொரு முன்னணி நடிகையாக இருந்தாலும் நடிப்பதற்கான ஸ்கோப் கிடைப்பதில்லை. காதல் காட்சிகளுக்காவும்  சில இடங்களில் கவர்ச்சி காட்டுவதற்காகவும் மட்டுமே நடிகைகள் வந்து போவது போல் தோன்றும் . இந்த நிலையில் சமந்தா படத்தில் ஒப்பந்தமாகியிருப்பதால் அவரை படத்தில் உயர்த்தி காட்டுவது போன்று கேரக்டரை உருவாக்கியுள்ளாராம் கொரட்டல சிவா.சங்கராந்தி பண்டிகை முடிந்த கையோடு படத்திற்கான பூஜை ஐதராபாத்தில் தொடங்கும் என கூறப்படுகிறது. இது குறித்த அறிவிப்பை விரைவில் எதிர்பார்க்கலாம். முன்னதாக சமந்தா மற்றும் ஜூனியர் என்.டி.ஆர் காம்போவில் பிருந்தாவனம் , ராமையா வஸ்தவய்யா, ரபசா,ஜனதா கேரேஜ் உள்ளிட்ட படங்கள் வெளியாகின. இதில் கடந்த 2016 ஆம் ஆண்டு வெளியான ஜனதா கேரேஜ் திரைப்படத்தைகொரொட்டல சிவா இயக்கினார் என்பதும் குறிப்பிடத்தக்கது. இந்நிலையில் ஐந்து ஆண்டுகளுக்கு பிறகு இந்த கூட்டணி மீண்டும் இணைய இருப்பதுதெலுங்கு ரசிகர்கள் மத்தியில் குஷியை ஏற்படுத்தியுள்ளது.

சமந்தா ஹாலிவுட் இயக்குனர் பிலிப்ஜான் இயக்கத்தில் உருவாக உள்ள  Arrangements of Love என்னும் வெப்தொடர் ஒன்றில் நடிக்க  ஒப்பந்தமாகியுள்ளார். இந்த வெப்தொடரை தெலுங்கு திரை உலகில் மிகப்பெரிய வெற்றிபெற்ற ’ஓ பேபி’ என்ற படத்தை தயாரித்த நிறுவனம் தயாரிக்க உள்ளதும் குறிப்பிடத்தக்கது. இதனை தொடர்ந்து ஃபேமிலி மேன் வெப் தொடர் இயக்குநர்கள் ராஜ் மற்றும் டிகேவுடன் இணந்து சிடாடெல் என்னும் வெப் தொடரில் நடிக்க ஒப்பந்தமாகியுள்ளார். இந்தியா மற்றும் இத்தாலி என இரண்டு தேசங்களை இணைக்கும் வகையில்  உருவாக்கப்படவுள்ள கதை என கூறப்படுகிறது. இதில் சமந்தாவுக்கு ஜோடியாக பாலிவுட் நடிகர் வருண் தவான் நடிக்கவுள்ளார்.  இந்நிலையில் உலக புகழ்பெற்ற அவஞ்சர்ஸ் என்னும் படத்தின் இயக்குநர்கள் ரூசோ சகோதரர்கள் வருகிற 2022 ஆம் ஆண்டு  இதனை வெளியிட உள்ளதாகவும் , சிடாடெல் வெப் தொடரை பிரபல மார்வெல் தயாரிப்பு நிறுவனம் தயாரித்திருப்பதாகவும் செய்திகள் வெளியாகியுள்ளது.