TN Urban Local Body Election : நகர்ப்புற உள்ளாட்சித் தேர்தல் 2022: தொடங்கியது வாக்குப்பதிவு... காலையில் குவிந்த வாக்காளர்கள்!

நகர்ப்புற உள்ளாட்சித் தேர்தலுக்கான வாக்குப்பதிவு இன்று காலை 7 மணிக்கு தொடங்கியது.

Written By : முகேஷ் | Updated at : 19 Feb 2022 07:22 AM (IST)

TN Urban Local Body Election 2022 Voting: started overall tamilnadu TN Urban Local Body Election : நகர்ப்புற உள்ளாட்சித் தேர்தல் 2022: தொடங்கியது வாக்குப்பதிவு... காலையில் குவிந்த வாக்காளர்கள்!

வாக்குப்பதிவு_தொடக்கம்

தமிழ்நாடு முழுவதும் நகர்ப்புற உள்ளாட்சித் தேர்தல் ஒரே கட்டமாக இன்று காலை 7 மணிக்கு தொடங்கி நடைபெற்று வருகிறது. இதற்காக அனைத்து அரசியல் கட்சிகளும் தீவிரமாக தயாராகி இருக்கின்றனர். கடந்த வியாழக்கிழமை மாலை 6 மணியுடன் நகர்ப்புற உள்ளாட்சித் தேர்தலுக்கான பிரச்சாரம் நிறைவு பெற்றது. இதைத் தொடர்ந்து உள்ளாட்சித் தேர்தலுக்கான பணிகளை மாநில தேர்தல் ஆணையம் தீவிரமாக செய்து வந்தது.

இந்நிலையில் தமிழ்நாட்டில் உள்ள 21 மாநகராட்சிகள், 138 நகராட்சிகள் மற்றும் 490 பேரூராட்சிகள் ஆகியவற்றிற்கு இன்று தேர்தல் நடைபெற்று வருகிறது. மொத்தம் 1,374 மாநகராட்சி உறுப்பினர்கள், 3,843 நகராட்சி உறுப்பினர், 7,621 பேரூராட்சி உறுப்பினர் பதவிகள் என மொத்தமாக 12,838 பதவிகளுக்கு தேர்தல் நடைபெற்று வருகிறது.

#BREAKING | நகர்ப்புற உள்ளாட்சி தேர்தலில் வாக்களிக்க நடிகர் விஜய் சென்னை நீலாங்கரை வாக்குச்சாவடிக்கு வருகைhttps://t.co/wupaoCQKa2 | #LocalBodyElections #TNElections #Vijay @actorvijay
— ABP Nadu (@abpnadu) February 19, 2022

இதற்காக தமிழ்நாட்டு முழுவதும் 30,735 வாக்குச்சாவடிகள் அமைக்கப்பட்டு, அதில் 5,960 வாக்குச்சாவடிகள் பதற்றமானவையாக கண்டறியப்பட்டுள்ளனர். சென்னையில் மூவர் உட்பட 38 மாவட்டங்களில் மொத்தம் 41 ஐ.ஏ.எஸ் அதிகாரிகள் தேர்தல் பணிகளில் ஈடுபடப்படுத்தப்பட்டுள்ளனர். கோவையில் மட்டும் 2 ஆயிரத்துக்கும் அதிகமான காவலர்கள் தேர்தல் பாதுகாப்புப் பணியில் ஈடுபடுத்தப்பட்டுள்ளனர்.

முன்னதாக, கொரோனா வைரஸ் தொற்று பரவல் விதிமுறைகளை பின்பற்றி வாக்குப்பதிவு துவங்குவதற்கு முன்பாக வாக்குச் சாவடி மையங்களில் மாதிரி வாக்குப்பதிவு நடைபெற்றது. அதன்பின்னர், சரியாக காலை 7 மணி முதல் தமிழ்நாடு முழுவதும் மக்கள் வரிசையாக நின்று தங்களது வாக்குகளை செலுத்தி வருகின்றனர்.

நேரலையில் காண :