Puducherry Exit Poll 2026: பாண்டிச்சேரி யாருக்கு? தாக்கத்தை ஏற்படுத்தியதா தவெக? இதோ எக்ஸிட் போல் முடிவுகள்!
Puducherry Election 2026 Exit Poll: பாண்டிச்சேரியில் ஆட்சியமைக்கப்போவது யார்? என்ற தேர்தலுக்கு பிந்தைய கருத்துக்கணிப்பு வெளியாகியுள்ளது.
Puducherry Election 2026 Exit Poll: தமிழ்நாட்டைப் போலவே தமிழர்கள் வசிக்கும் யூனியன் பிரதேசமான பாண்டிச்சேரியில் கடந்த ஏப்ரல் 9ம் தேதி சட்டமன்ற தேர்தல் நடைபெற்றது. அஙகுள்ள 30 தொகுதிகளில் திமுக - காங்கிரஸ் கூட்டணி, பாஜக - என்ஆர் காங்கிரஸ் கூட்டணி மற்றும் தவெக தனித்துப் போட்டியிட்டனர்.
பாண்டிச்சேரியில் யார் ஆட்சி?
தேர்தலுக்கு பிந்தைய கருத்துக்கணிப்பில் பாண்டிச்சேரியில் என்ஆர் காங்கிரஸ் - பாஜக கூட்டணி 40 சதவீதம் வாக்குகளைப் பெறும் என்று கணிக்கப்பட்டுள்ளது. காங்கிரஸ் திமுக கூட்டணி 30 சதவீதம் பெறும் என்று கணிக்கப்பட்டுள்ளது. விஜய்யின் தவெக 17 சதவீதம் வாக்குகள் பெறும் என்று கணிக்கப்பட்டுள்ளது. மற்றவர்கள் 13 சதவீதம் வாக்குகள் பெறுவார்கள் என்று கணிக்கப்பட்டுள்ளது. இந்த கருத்துக்கணிப்பை மை ஆக்ஸிஸ் இந்தியா வெளியிட்டுள்ளது.
ஆண்கள், பெண்கள் வாக்குள் யாருக்கு?
பாலின ரீதியாக பாண்டிச்சேரியில் என்ஆர் காங்கிரஸ் பாஜக கூட்டணிக்கு ஆண்கள் 41 சதவீதமும், பெண்கள் 39 சதவீதமும், காங்கிரஸ் திமுக கூட்டணிக்கு ஆண்கள் 31 சதவீதமும், பெண்கள் 29 சதவீதமும் வாக்குகள் அளித்துள்ளதாக கணிக்கப்பட்டுள்ளது. விஜய்யின் தவெக-விற்கு ஆண்கள் 14 சதவீதமும், பெண்கள் 20 சதவீதமும் வாக்களித்துள்ளதாக தகவல்கள் வெளியாகியுள்ளது. மற்றவர்களுக்கு 14 சதவீதம் ஆண்களும், 12 சதவீதம் பெண்களும் வாக்களித்துள்ளதாக தகவல்கள் வெளியாகியுள்ளது.
பாண்டிச்சேரியில் 20 முதல் 29 வயதினர் 29 சதவீதமும், 30 முதல் 39 வயதுடைய வாக்காளர்கள் 29 சதவீதமும், 40 முதல் 49 வயதுள்ள வாக்காளர்கள் 42 சதவீதமும், 50 முதல் 59 வயது வாக்காளர்கள் 45 சதவீதமும், 60 வயதுக்கு மேற்பட்டவர்கள் 52 சதவீதம் என்ஆர் காங்கிரசுக்கு வாக்களித்துள்ளதாக கணிக்கப்பட்டுள்ளது.
Post 6 of 9 - Puducherry - Exit Poll - Education-wise - Vote Share (%)#Puducherryelections2026#ExitPoll#AxisMyIndia
— Axis My India (@AxisMyIndia) April 29, 2026
@pradeepgupta_ami pic.twitter.com/SAr6Ks4NDH
முதல் தலைமுறை வாக்குகள் யாருக்கு?
காங்கிரஸ் - திமுக கூட்டணிக்கு முதல் தலைமுறை வாக்காளர்கள் 10 சதவீதமும், 20 முதல் 29 வயது இளைஞர்கள் 23 சதவீதமும், 30 முதல் 39 வயது வாக்காளர்கள் 28 சதவீதமும், 40 முதல் 49 வயது வாக்காளர்கள் 32 சதவீதமும் வாக்களித்துள்ளதாகவும், 50 முதல் 59 வயது வாக்காளர்கள் 35 சதவீதமும், 60 வயதுக்கு மேற்பட்டவர்கள் 38 சதவீதமும் வாக்களித்துள்ளதாக கணிக்கப்பட்டுள்ளது.
தவெக எப்படி?
பெரும் எதிர்பார்ப்பை ஏற்படுத்தியுள்ள தவெக-விற்கு முதல் தலைமுறையினர் 51 சதவீதமும், 20 வயது முதல் 29 வரையிலான வாக்காளர்கள் 34 சதவீதமும், 30 வயது முதல் 39 வரையிலான வாக்காளர்கள் 19 சதவீதமும், 40 வயது முதல் 49 வயது வரையிலான வாக்காளர்கள் 12 சதவீதமும், 50 வயது முதல் 59 சதவீத வாக்காளர்கள் 9 சதவீதமும் வாக்களித்துள்ளதாகவும், 60 வயதுக்கு மேற்பட்டவர்களே 4 சதவீதம் வாக்களித்துள்ளதாக கணிக்கப்பட்டுள்ளது. இந்த கருத்துக்கணிப்பை மை ஆக்ஸிஸ் இந்தியா வெளியிட்டுள்ளது.
தலைப்பு செய்திகள்
ட்ரெண்டிங் செய்திகள்
