Vijay win: இரட்டைச் சதம் அடித்த விஜய்; இரு தொகுதிகளிலும் இமாலய வெற்றி - சட்டசபைக்குள் மாஸ் என்ட்ரி!
தவெக தலைவர் விஜய் தான் போட்டியிட்ட இரண்டு தொகுதியிலும் அபார வெற்றி பெற்றார்.
சென்னை பெரம்பூர் தொகுதியில் தவெக தலைவர் விஜய் சுமார் 50,000 வாக்குகள் வித்தியாசத்தில் வெற்றி பெற்றார்.
2026 தமிழக சட்டமன்றத் தேர்தல் கடந்த 23ஆம் தேதி நடைபெற்றது. இந்தத் தேர்தலில், எப்போதும் இல்லாத அளவிற்கு 85 சதவீதம் வரை வாக்குகள் பதிவாகி சாதனை படைக்கப்பட்டது. அதன்பிறகு, தமிழ்நாட்டு மக்கள் எதிர்பார்த்த நாளான இன்று பதிவான வாக்குகளை எண்ணும் பணி காலை 8 மணி தொடங்கியது. 234 தொகுதிகளில் பதிவான வாக்குகள் 62 மையங்களில் எண்ணப்படுகின்றன. முதலில் தபால் வாக்குகள் எண்ணப்பட்டது. இதன் பிறகு, வாக்கு இயந்திரங்களில் பதிவான வாக்குகள் எண்ணும் பணி தொடங்கியது.
இதில், தவெக ஆட்சியமைக்கும் சூழலில் இருக்கிறது. அந்தக் கட்சி 105 தொகுதியில் முன்னணியில் இருக்கிறது. இரண்டாவது இடத்தில் திமுக 73 இடங்களிலும், அதிமுக 57 இடங்களிலும் முன்னணியில் இருக்கிறார்.
பெரம்பூர், திருச்சி கிழக்கில் விஜய் அமோக வெற்றி
இந்த நிலையில், பெரம்பூர் தொகுதியில் தவெக வேட்பாளர் விஜய் சுமார் 50,000 வாக்குகள் வித்தியாசத்தில் வெற்றி பெற்றார். அவர் 1,12,719 வாக்குகள் பெற்றார். அவரை எதிர்த்து போட்டியிட்ட திமுக வேட்பாளர் ஆர்.டி.சேகர் 62,307 வாக்குகளும், பாமக வேட்பாளர் திலகபாமா 7,991 வாக்குகளும் பெற்று தோல்வி அடைந்தனர்.
திருச்சி கிழக்கு
பெரம்பூரைத் தொடர்ந்து திருச்சி கிழக்கிலும் விஜய் அபார வெற்றி பெற்றார். அவர் 26,000 வாக்கு வித்தியாசத்தில் வெற்றி பெற்றார். 58,322 வாக்குகள் பெற்று வெற்றி அடைந்தார்.
தலைப்பு செய்திகள்
ட்ரெண்டிங் செய்திகள்
