MK Stalin Election Campaign: முதல்வர் ஸ்டாலின் 20 நாள் சூறாவளி பிரச்சாரம்.. எங்கு எப்போது தொடக்கம், முடிவு? - முழு பயண விவரம் பட்டியல் இதோ

MK Stalin Election Campaign Schedule: சட்டமன்றத் தேர்தலை முன்னிட்டு முதலமைச்சர் மு.க.ஸ்டாலின் பிரச்சார பயண விவரம் வெளியாகியுள்ளது.

Written By : ராஜேஷ். எஸ் | Updated at : 26 Mar 2026 02:03 PM (IST)

MK Stalin Election Campaign Full Schedule Tamil Nadu Assembly Election 2026 Thiruvarur MK Stalin Election Campaign: முதல்வர் ஸ்டாலின் 20 நாள் சூறாவளி பிரச்சாரம்.. எங்கு எப்போது தொடக்கம், முடிவு? - முழு பயண விவரம் பட்டியல் இதோ

முதலமைச்சர் மு.க.ஸ்டாலின் தேர்தல் பிரச்சாரம்

Source : PTI

முதலமைச்சர் மு.க.ஸ்டாலின் சட்டமன்றத் தேர்தலுக்கான பிரச்சாரத்தை ஏப்ரல் 2ஆம் தேதி தொடங்குகிறார். திருவாரூரில் தனது பிரச்சாரத்தை தொடங்கும் முதல்வர், 21ஆம் தேதி கொளத்தூர் தொகுதியில் நிறைவு செய்கிறார்.

தமிழ்நாட்டில் 2026 சட்டமன்றத் தேர்தலுக்கான வாக்குப்பதிவு ஏப்ரல் 23 ஆம் தேதி நடைபெறுகிறது. வாக்கு எண்ணிக்கை மே 4ஆம் தேதி நடக்கிறது. தேர்தலுக்கான கூட்டணி கட்சிகளுக்கான தொகுதி பங்கீடு, எந்தெந்த தொகுதிகளில் போட்டி, வேட்புமனுத்தாக்கல், வேட்பாளர் பட்டியல் என பெரிய கட்சிகள் மும்முரமாக வேலை செய்து வருகின்றன.

அதிமுக பொதுச்செயலாளர் எடப்பாடி பழனிசாமி வேட்பாளர்கள் பட்டியல், கூட்டணி கட்சிகளுக்கு தொகுதிகளை ஒதுக்கீடு செய்து மயிலாப்பூரில் இருந்து தமிழிசையை ஆதரித்து பிரச்சாரத்தை தொடங்கினார்.

இந்த நிலையில், சட்டமன்றத் தேர்தலை முன்னிட்டு முதலமைச்சர் மு.க.ஸ்டாலின் பிரச்சார பயண விவரம் வெளியாகியுள்ளது. 20 நாள் சூறாவளி பிரச்சாரத்தை முதலமைச்சர் மேற்கொள்கிறார். அதன்படி, திருவாரூரில் ஏப்ரல் 2ஆம் தேதி பிரச்சாரத்தை தொடங்கும் முதலமைச்சர் 21ஆம் தேதி கொளத்தூர் தொகுதியில் நிறைவு செய்கிறார். ஏப்ரல் 6ஆம் தேதி வேட்புமனுவைத் தாக்கல் செய்கிறார்.