"ஜனநாயகத்தை காக்க தி.மு.க. கூட்டணி வெல்லும்!" சிபிஐ மாநில செயலாளர் வீரபாண்டியன் அதிரடி!
திமுகவின் தேர்தல் வாக்குறுதிகள் மக்கள் மத்தியில் பேசுபொருளாக உள்ளது. தமிழக கலாச்சாரம் ஜாதி, மத வேறுபாடுகளுக்கு அப்பால் ஒற்றுமையை வலியுறுத்துகிறது என வீரபாண்டியன்
ஒன்றிய அரசு அதிகாரத்தை குவித்து ஜனநாயகத்தை பாதிக்கிறது அதை எதிர்த்து தமிழ்நாடு வெல்லும் என்ற முழக்கத்தை தமிழக முதல்வர் முன்வைத்துள்ளார் என்று கம்யூனிஸ்ட் மாநில செயலாளர் வீரபாண்டியன் தெரிவித்துள்ளார்.
திருப்பத்தூர் மாவட்டம், திருப்பத்தூர் ஹவுசிங் போர்டு பகுதியில் உள்ள தனியார் ஹோட்டலில் இந்திய கம்யூனிஸ்ட் கட்சியின் மாநில செயலாளர் மூ.வீரபாண்டியன் செய்தியாளர்களுக்கு பேட்டி அளித்தார்.
இது பாரதிய ஜனதா கட்சி என்ற ஒரு கட்சியை மட்டும் தோற்கடிக்கும் நோக்கமல்ல. ஜனநாயகத்தை அடுத்த தலைமுறைக்கு கொண்டு செல்லவும், ஜனநாயக வழிமுறைகளை பாதுகாக்கவும் இந்த அரசியல் முழக்கம் முன்வைக்கப்பட்டுள்ளது. இந்த உண்மையை தமிழக மக்கள் புரிந்து கொண்டு வருகிறார்கள். நாம் செல்லும் இடமெல்லாம் மக்களின் வரவேற்பு அதிகரித்து வருகிறது.
மேலும் இந்தியா முழுவதும் நடத்தப்படும் கருத்துக்கணிப்புகளில் திமுக கூட்டணி வெற்றி பெறும் என்ற நம்பிக்கை நிலவுகிறது. இருப்பினும், கருத்துக்கணிப்பை விட ஜனநாயக மக்களின் தீர்ப்புக்காக காத்திருக்கிறோம். அந்த தீர்ப்பும் எங்களுக்கு சாதகமாக இருக்கும் என்ற நம்பிக்கை உள்ளது.
எங்கள் கூட்டணியில் ஒற்றுமை நிலவுகிறது. இந்தியாவில் மக்கள் நலத் திட்டங்களை சிறப்பாக செயல்படுத்தும் மாநிலங்களில் தமிழ்நாடு மற்றும் கேரளம் முன்னணியில் உள்ளன. சமூக நலத் திட்டங்களும், சேவை சார்ந்த திட்டங்களும் மக்களிடம் சென்றடைந்துள்ளன. இதுவே எங்களின் வெற்றிக்கு முக்கிய காரணமாக இருக்கும்.
மேலும், திமுகவின் தேர்தல் வாக்குறுதிகள் மக்கள் மத்தியில் பேசுபொருளாக உள்ளது. தமிழக கலாச்சாரம் ஜாதி, மத வேறுபாடுகளுக்கு அப்பால் ஒற்றுமையை வலியுறுத்துகிறது.
அதேபோல் இந்திய அளவிலும் ஒற்றுமை நிலவ வேண்டும் என்பதே எங்களின் நிலைப்பாடு.
இந்தத் தேர்தலில் பாரதிய ஜனதா கட்சி தோற்கடிக்கப்பட வேண்டும். இந்தியா நல்ல திசையில் செல்ல வேண்டும். பல கட்சிகள் இணைந்து இயக்கும் ஜனநாயகத் திசை உருவாக வேண்டும். நாடாளுமன்றத்தை காக்கும் ஆட்சி அமைவது அவசியம். எனவே, இந்தத் தேர்தலில் திமுக கூட்டணி வெற்றி பெற்று புதிய திசையை காட்டும் என பேசினார்.
தலைப்பு செய்திகள்
ட்ரெண்டிங் செய்திகள்
