UGC NET Answer Key: யுஜிசி நெட் ஆன்சர் கீ; ஆட்சேபிக்க இன்றே கடைசி! விவரம்

UGC NET 2024 Answer Key: யுஜிசி நெட் டிசம்பர் மாத அமர்வுக்கான தற்காலிக விடைக் குறிப்புகள் வெளியிடப்பட்டுள்ளன. 

தேர்வர்கள் | கோப்புப்படம்

Source : PTI

யுஜிசி நடத்தும் மத்திய ஆசிரியர் தகுதித் தேர்வுக்கான தற்காலிக விடைக் குறிப்புகளை ஆட்சேபனை செய்ய இன்றே (பிப்.3) கடைசித் தேதி ஆகும்.

இந்தியாவில் உள்ள கல்லூரி மற்றும் பல்கலைக்கழகங்களில் உதவிப் பேராசிரியர் (Assistant professor ) பணிக்கான தகுதியையும், இளையர் இளநிலை ஆராய்ச்சியாளர் உதவித்தொகை (Junior Research Fellowship- JRF) பெறவும் நெட் தேர்வு எனப்படும் தேசியத் தகுதித் தேர்வில் தேர்ச்சி பெற வேண்டியது அவசியம்.

ஆண்டுதோறும் 2 முறை நடக்கும் தேர்வு

இந்தத் தேர்வு என்டிஏ எனப்படும் தேசியத் தேர்வுகள் முகமையால் (NTA) நடத்தப்படுகிறது. மொத்தம் 83 பாடங்களுக்கு நடைபெறும் இத்தேர்வு, ஆண்டுதோறும் 2 முறை கணினி முறையில் நடத்தப்படுகிறது. 2018ஆம் ஆண்டு முதல் கணினி முறையில் இந்தத் தேர்வு ஜூன், டிசம்பர் ஆகிய 2 மாதங்களில் நடத்தப்படுகிறது. முந்தைய காலங்களில் பல்வேறு தினங்களுக்கு ஆஃப்லைன் முறையில் தேர்வு நடந்த நிலையில், தற்போது 83 பாடங்களுக்கும் ஒரே நாளில் ஆன்லைனில் நெட் தேர்வு நடக்கிறது.

இந்த நிலையில் டிசம்பர் மாத அமர்வுக்கான தற்காலிக விடைக் குறிப்புகள் வெளியிடப்பட்டுள்ளன. இதுகுறித்து யுஜிசி நெட் வெளியிட்டுள்ள அதிகாரப்பூர்வ அறிவிப்பில், ’’ஜனவரி 3, 6, 7, 8, 9, 10, 16, 21 மற்றும் 27 ஆகிய தேதிகளில் நடைபெற்றது. இதற்கான தற்காலிகத் தேர்வு முடிவுகள் ஜனவரி 31ஆம் தேதி அன்று வெளியாகின. அதில் ஆட்சேபனை இருக்கும் தேர்வர்கள், உரிய ஆதாரங்களோடு விண்ணப்பிக்கலாம் என்று தெரிவிக்கப்பட்டுள்ளது. எனினும் அதற்கு உரிய கட்டணத்தைச் செலுத்த வேண்டியது அவசியம்.

இன்று மாலை 6 மணி வரை அவகாசம்

அதாவது 200 ரூபாய் செலுத்த வேண்டும். இதற்கு இன்று மாலை 6 மணி வரை அவகாசம் அளிக்கப்பட்டுள்ளது. கிரெடிட் கார்டு, டெபிட் கார்டு, யுபிஐ, நெட் பேங்க்கிங் மூலம்கட்டணத்தைச் செலுத்த வேண்டும். இந்தத் தொகை திருப்பி அளிக்கப்படாது.

இவர்கள் எழுதிய தேர்வுக்கான விடைக் குறிப்புகள், https://ugcnet.nta.ac.in/ என்ற இணையப் பக்கத்தில் வெளியிடப்பட்டுள்ளன. கட்டணத்தை அளிக்காமல், ஆட்சேபனைகளை என்டிஏ ஏற்றுக்கொள்ளாது’’ என்று தெரிவித்துள்ளது.

விடைக் குறிப்புகளை ஆட்சேபிப்பது எப்படி?

* https://ugcnet.nta.ac.in/ என்ற இணைப்பை க்ளிக் செய்யவும்.

* ஆன்சர் கீ தொடர்பாக Challenge(s) பக்கத்தை க்ளிக் செய்யவும்.

* விண்ணப்ப எண், பிறந்த தேதி, பாதுகாப்பு குறியீட்டு எண் ஆகியவற்றை உள்ளிட்டு, லாகின் செய்ய வேண்டும்.

* 'View Answer Sheet' பக்கத்தை க்ளிக் செய்து, 'Challenge' என்ற பொத்தானை க்ளிக் செய்து, விடைக் குறிப்புகளை ஆட்சேபிக்கலாம்.

* ‘Choose File' என்பதைத் தேர்வு செய்து, ஒரே பிடிஎஃப் கோப்பாகப் பதிவேற்றம் செய்யலாம்.

* தொடர்ந்து ‘Submit and review Claims' என்ற தெரிவை க்ளிக் செய்யவும்.

* சப்மிட் செய்வதற்கு முன்னதாக, ‘Modify your Claims' என்ற பக்கத்தில் மாற்றங்கள் செய்ய வேண்டி இருந்தால் செய்துவிட்டு, ‘Final Submit' கொடுக்கவும்.

* மாற்றங்களை க்ளிக் செய்து, ‘Pay Now' பொத்தானை க்ளிக் செய்து, பணத்தைச் செலுத்தவும்.

கூடுதல் விவரங்களுக்கு: https://ugcnet.nta.ac.in