TNTET Exam 2026: ஜூலையில் ஆசிரியர் தகுதித் தேர்வு; விண்ணப்பிக்க ரெடியா? தேதி, கட்டணம், தகுதி, தேர்வு முறைகள்..

TNTET Exam 2026: டெட் எனப்படும் ஆசிரியர் தகுதித் தேர்வுக்கு விண்ணப்பிக்கத் தேவையான கட்டணம், தகுதி, தேர்வு முறைகள், முக்கியத் தேதிகள் உள்ளிட்ட விவரங்கள் இதோ!

ஆசிரியர் தேர்வு வாரியம்

Source : சிறப்பு ஏற்பாடு

எல்லோரும் எதிர்பார்த்துக் காத்திருந்த ஆசிரியர் தகுதித் தேர்வு  ஜூலை 4 மற்றும் 5 ஆம் தேதி நடைபெற உள்ளது. இதற்கு பிப்ரவரி 18ஆம் தேதி முதல் விண்ணப்பிக்கலாம். இதற்கு விண்ணப்பிக்க ஏப்ரல் 10ஆம் தேதி கடைசித் தேதி என்றும் ஆசிரியர் தேர்வு வாரியம் தெரிவித்துள்ளது. விண்ணப்பங்களில் திருத்தம் மேற்கொள்ள ஏப்ரல் 11 முதல் 13 வரை அவகாசம் அளிக்கப்பட்டு உள்ளது.

யாரெல்லாம் விண்ணப்பிக்கலாம்?

தேர்வுக்கு விண்ணப்பிக்கும் ஆசிரியர்கள் பணியில் இருக்க வேண்டும். ஆசிரியர்கள் 01.09.25-க்கு முன்பாக இருந்து ஆசிரியர்களாக நியமிக்கப்பட்டு, பணிபுரிந்திருக்க வேண்டும்.

தேர்வு முறை

3 மணி நேரத்துக்கு 150 மதிப்பெண்களுக்கு எம்சிக்யூ அடிப்படையில் ஆசிரியர் தகுதித் தேர்வு ஓஎம்ஆர் முறையில் நடைபெற உள்ளது.

இரண்டு தாள்களும் தலா 150 மதிப்பெண்களுக்கு நடைபெற உள்ளன. முதல் தாள் இடைநிலை ஆசிரியர்கள் மற்றும் தொடக்கப் பள்ளி தலைமை ஆசிரியர் பணி இடங்களுக்கு நடைபெற உள்ளது.

அனைத்து மாவட்டங்களிலும் தேர்வு மையங்கள் அமைக்கப்பட்டு, தேர்வு நடைபெறும் என்று தெரிவிக்க்ப்பட்டு உள்ளது. அண்மையில்தான் ஆசிரியர் தகுதித் தேர்வுக்கான தேர்ச்சி மதிப்பெண்கள் குறைத்து அறிவிக்கப்பட்டது குறிப்பிடத்தக்கது.

தேர்வுக் கட்டணம்

பொதுப் பிரிவினர் – ரூ.600

எஸ்சி, எஸ்டி, மாற்றுத் திறனாளி – ரூ.300

ஒவ்வொரு தாளுக்கும் தனித்தனியாக விண்ணப்பங்கள் சமர்ப்பிக்கப்பட்டு, தனித்தனி விண்ணப்பக் கட்டணம் செலுத்த வேண்டும்.

கூடுதல் விவரங்களை www.trb.tn.gov.in என்ற டிஆர்பி இணையதளத்தில் தெரிந்துகொள்ளலாம். இதுதொடர்பான ஆசிரியர் தேர்வு வாரியத்தின் அறிவிக்கை https://trb.tn.gov.in/admin/pdf/9558657728TET.pdf என்ற இணைப்பில் கொடுக்கப்பட்டு உள்ளது. 

வேறு ஏதேனும் சந்தேகங்கள், குறைகள் இருந்தால் 1800 425 6753 என்ற தொலைபேசி எண்ணையோ அல்லது
trbgrievances@tn.gov.in என்ற இ மெயில் முகவரியையோ அணுகலாம் என்றும் ஆசிரியர் தேர்வு வாரியம் தெரிவித்துள்ளது.