![ABP Premium](https://cdn.abplive.com/imagebank/Premium-ad-Icon.png)
TNPSC Group 2, 2A Exam: குரூப் 2, 2ஏ தேர்வு தேதி மாற்றமா?- தேர்வர்கள் குழப்பம்; டிஎன்பிஎஸ்சி விளக்கம்
TNPSC Group 2, 2A exam date: அண்மையில் டிஎன்பிஎஸ்சி சார்பில் வெளியான ஆண்டு அட்டவணையில், செப்டம்பர் 28ஆம் தேதி குரூப் 2 தேர்வு வெளியாகும் என்று தெரிவிக்கப்பட்டு இருந்தது.
![TNPSC Group 2, 2A Exam: குரூப் 2, 2ஏ தேர்வு தேதி மாற்றமா?- தேர்வர்கள் குழப்பம்; டிஎன்பிஎஸ்சி விளக்கம் TNPSC Group 2, 2A exam date change 2024 Candidates confused know truth TNPSC Group 2, 2A Exam: குரூப் 2, 2ஏ தேர்வு தேதி மாற்றமா?- தேர்வர்கள் குழப்பம்; டிஎன்பிஎஸ்சி விளக்கம்](https://feeds.abplive.com/onecms/images/uploaded-images/2024/08/17/43f8e873bd3fac7b75ce5b233288b8711723877220890332_original.jpg?impolicy=abp_cdn&imwidth=1200&height=675)
டிஎன்பிஎஸ்சி குரூப் 2, 2ஏ தேர்வு தேதிகளில் மாற்றம் செய்யப்பட்டுள்ளதா இல்லையா என்று தேர்வர்கள் குழம்பி வந்த நிலையில், அதற்கு வாரியம் விளக்கம் அளித்துள்ளது.
2327 காலிப் பணியிடங்கள்
குரூப் 2 தேர்வு மூலம் தமிழ்நாடு அரசில் உள்ள 2030 காலிப் பணியிடங்கள் நிரப்பப்படும் என்று அறிவிக்கப்பட்ட நிலையில், தொடர்ந்து 2327 பணியிடங்களாக அதிகரிக்கப்பட்டது. அதன்படி, குரூப் 2 பிரிவில் 507 இடங்களும், குரூப் 2 ஏ பிரிவில் 1820 பணியிடங்களும் உள்ளன.
தமிழ்நாடு தொழிலாளர் சேவை துறையில் உள்ள உதவி ஆய்வாளர் தொடங்கி, கீழ் நிலை கிளர்க் வரை மொத்தம் 48 பிரிவுகளில் உள்ள பணியிடங்கள் குரூப் 2, 2ஏ தேர்வு மூலம் நிரப்பப்பட உள்ளன.
தேர்வு விவரங்கள்
* முதல்நிலைத் தேர்வு
* முதன்மைத் தேர்வு
* நேர்காணல்
முதல்நிலைத் தேர்வு முறை: ஆஃப்லைன்
நேரம்: 3 மணி நேரம்
பிரிவுகள்:
- பொது தமிழ்/பொது ஆங்கிலம்
- பொது ஆய்வுகள்
- திறன் மற்றும் மன திறன் சோதனை
மொத்த கேள்விகள்: 200
ஒவ்வொரு கேள்விக்கும் 1.5 மதிப்பெண்கள் வழங்கப்படும். மேலும் தவறான பதிலுக்கு மதிப்பெண் குறைக்கப்படாது.
மதிப்பெண்கள்: 300
மொழி: இருமொழி (ஆங்கிலம் மற்றும் தமிழ்)
முதன்மைத் தேர்வு முறை: ஆஃப்லைன்
- நேரம்:
தாள்-I: 1 மணி 30 நிமிடங்கள்
தாள்-II: 3 மணி நேரம்
பிரிவுகள்:
தாள்-I (கட்டாய தமிழ் தகுதி தாள் )
தமிழில் இருந்து ஆங்கிலத்திற்கு மொழிபெயர்ப்பு - ஆங்கிலத்திலிருந்து தமிழுக்கு மொழிபெயர்ப்பு
- துல்லியமான எழுத்து
- புரிதல்
- ஹிண்ட்ஸ் டெவலப்மெண்ட்
- கட்டுரை எழுதுதல் (பொது)
- கடிதம் எழுதுதல் (அதிகாரப்பூர்வ)
- தமிழ் மொழி அறிவு
தாள்-II (பட்டம் தரநிலை) - பொது ஆய்வுகள் (விளக்க வகை)
மொத்த மதிப்பெண்கள்:
தாள்-I: 100 (தகுதி)
தாள்-II: 300
மொழி: இருமொழி (ஆங்கிலம் மற்றும் தமிழ் தாள்-II
இந்த நிலையில் குரூப் 2, 2 ஏ தேர்வுக்கு 7,90,376 பேர் விண்ணப்பித்து இருந்தனர். இவர்களுக்கு செப்டம்பர் 14ஆம் தேதி தேர்வு நடைபெறும் என்று அறிவிக்கப்பட்டு இருந்தது.
செப்டம்பர் 28ஆம் தேதி குரூப் 2 தேர்வு?
எனினும் அண்மையில் டிஎன்பிஎஸ்சி சார்பில் வெளியான ஆண்டு அட்டவணையில், செப்டம்பர் 28ஆம் தேதி குரூப் 2 தேர்வு வெளியாகும் என்று தெரிவிக்கப்பட்டு இருந்தது. இதனால் தேர்வு தள்ளி வைக்கப்பட்டதா என்று தேர்வர்கள் குழம்பினர்.
Combined Civil Services Examination - Group II and IIA Services
— TNPSC (@TNPSC_Office) August 16, 2024
Notification No: 08/2024
Date: 20/06/2024
Date of Examination: 14/09/2024
No. of Vacancies: 2327 pic.twitter.com/xfKH680vOr
விளக்கம் அளித்த டிஎன்பிஎஸ்சி
இந்த நிலையில், ஏற்கெனவே அறிவிக்கப்பட்டபடி, செப்டம்பர் 14ஆம் தேதி குரூப் 2 தேர்வு நடைபெறும் என்று டிஎன்பிஎஸ்சி தனது எக்ஸ் பக்கத்தில் தெரிவித்துள்ளது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)