NEET PG 2026: மருத்துவம் படிக்கணுமா தேர்வர்களே.. 2026 நீட் தேர்வு எப்போது? தேதி அறிவித்த வாரியம்!
NEET PG 2026 Exam Date: நாடு முழுவதும் மருத்துவப் படிப்புகளில் சேர நீட் படிப்பு கட்டாயம் ஆக்கப்பட்ட நிலையில், 2026 தேர்வு தேதிகள் அறிவிக்கப்பட்டுள்ளன.
2026ஆம் ஆண்டுக்கான முதுகலை மருத்துவப் படிப்புத் தேர்வு நடைபெறும் தேதிகளை மருத்துவ அறிவியலுக்கான தேசியத் தேர்வு வாரியம் வெளியிட்டுள்ளது.
தேர்வு தேதிகள் என்ன?
இதன்படி, முதுகலை நீட் தேர்வு 2026ஆம் ஆண்டு ஆகஸ்ட் 30ஆம் தேதி நடைபெற உள்ளது. அதேபோல முதுகலை எம்டிஎஸ் தேர்வு, மே 2ஆம் தேதி நடக்கும் என்று தெரிவிக்கப்பட்டு உள்ளது. இரு தேர்வுகளும் நாடு முழுவதும் கணினி முறையில் நடைபெற உள்ளன.
அதேபோல வாரியம் இண்டர்ன்ஷிப் காலத்துக்கும் அவகாசம் அளித்துள்ளது. இதன்படி எம்டிஎஸ் படிப்புக்கு மே 31, 2026 வரையும் நீட் பிஜி படிப்புக்கு செப்டம்பர் 30ஆம் தேதி வரையும் அவகாசம் அளிக்கப்பட்டுள்ளது. இதுதொடர்பான அறிவிக்கை https://natboard.edu.in/viewNotice.php?NBE=Vmpnd2Y3amF1TXRacVd5ci9pQ3lHUT09 என்ற இணைப்பில் முழுமையாக அளிக்கப்பட்டுள்ளது.
இதில் தேர்வர்களுக்கு சந்தேகங்கள், குழப்பங்கள், கேள்விகள் இருந்தால் https://exam.natboard.edu.in/communication.php?page=main என்ற இணைப்பை க்ளிக் செய்து அறியலாம்.
நாடு முழுவதும் மருத்துவப் படிப்புகளில் சேர நீட் படிப்பு கட்டாயம் ஆக்கப்பட்டுள்ளது குறிப்பிடத்தக்கது. முன்னதாக 2025ஆம் ஆண்டுக்கான நீட் பிஜி தேர்வு கடந்த ஆகஸ்ட் 3ஆம் தேதி நடந்தது.
கூடுதல் தகவல்களுக்கு: natboard.edu.in
Before You Go
Pregnant Woman Attack On Train | ரயிலில் கர்ப்பிணிக்கு கொடூரம்”அந்த சைக்கோவை விடாதீங்க” ஹேமராஜின் பகீர் பின்னணி!
தலைப்பு செய்திகள்
ட்ரெண்டிங் செய்திகள்
