JEE Main Practice Test: மாணவர்களே… அடுத்தடுத்து அசத்தும் கூகுள் ஜெமினி; இனி இலவச JEE Main மாதிரித்தேர்வுகள்; பெறுவது எப்படி?

JEE Main Practice Test Gemini: கல்விக்காக ஜெமினியைப் பயன்படுத்துவதில் உலகிலேயே இந்தியா முதலிடத்தில் இருப்பதாக கூகுள் தெரிவித்துள்ளது.

Written By : க.சே.ரமணி பிரபா தேவி | Updated at : 30 Jan 2026 12:07 PM (IST)

கூகுள்

Source : சிறப்பு ஏற்பாடு

கூகுள் நிறுவனம் பள்ளி முடித்த மாணவர்களுக்கு ஒரு முக்கிய அறிவிப்பை வெளியிட்டுள்ளது. இதன்படி ஜேஇஇ மெயின் தேர்வுக்கு இலவச பயிற்சியை கூகுள் ஜெமினி நிறுவனம் வழங்க உள்ளது.

மத்திய அரசுக் கல்வி நிறுவனங்களில் பொறியியல் படிப்புகளில் சேர நடத்தப்படும் நுழைவுத் தேர்வு ஜேஇஇ தேர்வு. இதற்குத் தயாராகும் இந்திய மாணவர்களுக்கு உதவும் வகையில், தனது செயற்கை நுண்ணறிவுத் தளமான ஜெமினி மூலம், மாணவர்கள் இனி இலவசமாக முழுமையான மாதிரித் தேர்வுகளை எழுதிப் பழகலாம்.

முந்தைய அறிவிப்பு

சமீபத்தில் வெளிநாட்டுக் கல்லூரிகளில் சேர்வதற்கான SAT மாதிரித் தேர்வுகளை கூகுள் அறிமுகப்படுத்தியிருந்தது. அதனைத் தொடர்ந்து, இந்தியா ஏஐ சம்மிட் 2026 நிகழ்ச்சியில், இந்திய மாணவர்களுக்காக Careers360 மற்றும் Physics Wallah ஆகிய நிறுவனங்களுடன் இணைந்து இந்த வசதியை வழங்குவதாக கூகுள் அறிவித்துள்ளது.

இது குறித்து கூகுள் சிஇஓ சுந்தர் பிச்சை தனது எக்ஸ் தளத்தில் கூறும்போது, "காலத்தை பின்னோக்கிக் கொண்டுசெல்ல முடிந்தால் நன்றாக இருக்கும். கடந்த வாரம் SAT மற்றும் இந்த வாரம் JEE மெயின் தேர்வுகள் ஜெமினியில் இலவசமாகக் கிடைப்பது உற்சாகம் அளிக்கிறது" என்று பதிவிட்டுள்ளார்.

சிறப்பம்சங்கள் என்ன?

இந்தத் தேர்வுகள் உண்மையான JEE தேர்வு முறையை ஒத்திருக்கும் வகையில் வடிவமைக்கப்பட்டுள்ளன.
மாணவர்கள் தேர்வு எழுதியவுடன் அவர்களுக்கான முடிவுகள் மற்றும் மதிப்பீடுகள் வழங்கப்படும்.
கேள்விகளை மட்டுமல்லாமல், கடினமான கேள்விகளுக்குப் படிப்படியான விளக்கங்களையும், தீர்வுகளையும் ஜெமினி வழங்கும்.
பல மொழிகளில் இந்த வசதி கிடைப்பதால் அனைத்து மாணவர்களையும் இது எளிதாகச் சென்றடையும்.

இந்தியா முதலிடம்

கல்விக்காக ஜெமினியைப் பயன்படுத்துவதில் உலகிலேயே இந்தியா முதலிடத்தில் இருப்பதாக கூகுள் தெரிவித்துள்ளது. இயற்பியல் மற்றும் அறிவியல் பாடங்களில் சந்தேகங்களைத் தீர்க்கவும், வினாடி வினாக்கள் உருவாக்கவும் இந்திய மாணவர்கள் அதிகளவில் AI தொழில்நுட்பத்தைப் பயன்படுத்துகின்றனர். கடந்த ஒரு மாதத்தில் மட்டும் இந்தியர்கள் லட்சக்கணக்கான கற்றல் குறிப்புகளை உருவாக்கியுள்ளனர்.

கூகுளின் இந்த புதிய முயற்சி, ஐஐடி கனவு காணும் லட்சக்கணக்கான மாணவர்களுக்கு, குறிப்பாகப் பயிற்சி வகுப்புகளுக்குச் செல்ல முடியாதவர்களுக்கு ஒரு வரப்பிரசாதமாக அமையும் என்று எதிர்பார்க்கப்படுகிறது.

மாணவர்கள், https://gemini.google.com/app?android-min-version=301356232&ios-min-version=322.0&is_sa=1&campaign_id=gemini_3_pro_boosting&utm_source=x&utm_medium=paid-social&utm_campaign=gemini_3_pro_boosting&pt=9008&mt=8&ct=gemini_3_pro_boosting என்ற இணைப்பை க்ளிக் செய்து, மாதிரித் தேர்வை எழுதலாம்.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.