GATE 2026: முதுகலை பொறியியல் கனவு நனவாக! விண்ணப்பம் எப்போது? முழு விவரம் இதோ!

2026ஆம் ஆண்டுக்கான கேட் தேர்வு பிப்ரவரி மாதம் நடைபெற உள்ளது. இரண்டு ஷிஃப்டுகளாக நடைபெறுவது வழக்கம். 30 பாடங்களுக்கு கேட் தேர்வு நடைபெறுகிறது.

ஐஐடி குவாஹாட்டி

Source : சிறப்பு ஏற்பாடு

முதுகலை பொறியியல் படிப்புகளில் சேர நடத்தப்படும் கேட் தேர்வுக்கு ஆகஸ்ட் 28 முதல் விண்ணப்பப் பதிவு தொடங்க உள்ளது.

2026ஆம் ஆண்டுக்கான முதுகலை பொறியியல் படிப்பு கேட் நுழைவுத் தேர்வுக்கான விண்ணப்பப் பதிவு ஆகஸ்ட் 28ஆம் தேதி தொடங்க உள்ளதாக  ஐஐடி குவாஹாட்டி அழைப்பு விடுத்துள்ளது. ஆர்வமும் தகுதியும் உள்ள தேர்வர்கள் gate2026.iitg.ac.in  என்ற இணைப்பை க்ளிக் செய்து, விண்ணப்பிக்க வேண்டியது முக்கியம்.

ஐஐடி உள்ளிட்ட மத்திய அரசுக் கல்வி நிறுவனங்களில் முதுகலை படிப்புகளில் சேர, GATE எனப்படும் கேட் நுழைவுத் தேர்வு நடத்தப்படுகிறது. இதற்கான விண்ணப்பப் பதிவு ஆகஸ்ட் 28ஆம் தேதி தொடங்க உள்ளது. தேர்வர்கள், செப்டம்பர் 28ஆம் தேதி வரை விண்ணப்பிக்கலாம். தாமதக் கட்டணத்தைச் செலுத்தி அக்டோபர் 9ஆம் தேதி வரை விண்ணப்பிக்கலாம்.

விண்ணப்பிப்பது எப்படி? (GATE 2026 registration)

1. தேர்வர்கள் gate2026.iitg.ac.in என்ற அதிகாரப்பூர்வ வலைத்தளத்தைப் பார்வையிடவும்.
2. முகப்புப் பக்கத்தில் இருக்கும் GATE 2026 பதிவு இணைப்பைக் கிளிக் செய்யவும்.
3. விண்ணப்பதாரர்கள் தங்களைப் பதிவு செய்ய வேண்டிய ஒரு புதிய பக்கம் திறக்கும்.
4. முன்பதிவு முடிந்ததும், கணக்கில் உள்நுழையவும்.
5. விண்ணப்பப் படிவத்தை நிரப்பி விண்ணப்பக் கட்டணத்தைச் செலுத்தவும்.
6. சமர்ப்பி என்பதைக் கிளிக் செய்து உறுதிப்படுத்தல் பக்கத்தைப் பதிவிறக்கவும்.
7. மேலும் தேவைக்கு அதன் அச்சிடப்பட்ட நகலை வைத்துக் கொள்ளலாம்.

தேர்வுக் கட்டணம் எவ்வளவு?

பெண்கள், எஸ்சி, எஸ்டி, மாற்றுத் திறனாளி தேர்வர்கள் – ரூ.1000

தாமதக் கட்டணம் – ரூ.1500

பிற தேர்வர்களுக்கு -  ரூ.2000

தாமதக் கட்டணம்- ரூ.2500

கேட் தேர்வு எப்போது? (GATE 2026 exam)

2026ஆம் ஆண்டுக்கான கேட் தேர்வு பிப்ரவரி மாதம் நடைபெற உள்ளது. இரண்டு ஷிஃப்டுகளாக நடைபெறுவது வழக்கம். 30 பாடங்களுக்கு கேட் தேர்வு நடைபெறுகிறது.

ஒவ்வொரு தாளும் 100 மதிப்பெண்களுக்கு நடைபெறுவது வழக்கம். 2026ஆம் ஆண்டு மார்ச் 19ஆம் தேதி தேர்வு முடிவுகள் வெளியாக உள்ளன. எனினும் இந்தத் தேதிகளில் மாற்றம் இருக்கலாம். 

2026 கேட் தேர்வு குறித்த முழு விவரங்களை https://gate2026.iitg.ac.in/doc/IB/GATE2026-IB-v22082025-1300.pdf என்ற அறிவிக்கையில் பெறலாம்.

தொலைபேசி எண்:  +91 361 258 6500

இ மெயில் முகவரி: helpdesk.gate@iitg.ac.in

கூடுதல் விவரங்களுக்கு: gate2026.iitg.ac.in