CAT 2026: IIM கனவை நனவாக்கலாம்- எம்பிஏ படிப்பில் சேர ஆக.3 முதல் பதிவு, முழு விவரம்!

CAT 2026: இளங்கலை பட்டப் படிப்பின் இறுதி ஆண்டு பயிலும் மாணவர்களும் கேட் நுழைவுத்தேர்வை எழுத தாராளமாக விண்ணப்பிக்கலாம்.

மாணவர்கள் | கோப்புப்படம்

Source : ABPLIVE AI

CAT 2026: இந்தியாவின் முன்னணி மேலாண்மை கல்வி நிறுவனங்களான இந்தியன் இன்ஸ்டிடியூட் ஆஃப் மேனேஜ்மென்ட் எனப்படும் ஐஐஎம் உள்ளிட்ட தலைசிறந்த கல்லூரிகளில் எம்பிஏ முதுகலை வணிக மேலாண்மை படிப்பதற்கு கேட் நுழைவுத்தேர்வு மிகவும் கட்டாயமாகும்.

இந்த ஆண்டுக்கான தேர்விற்கான ஆன்லைன் பதிவு வரும் ஆகஸ்ட் 3ஆம் தேதி முதல் அதிகாரப்பூர்வமாகத் தொடங்குகிறது. இதற்கான முழுமையான தகுதி விவரங்கள் மற்றும் முக்கிய விதிமுறைகள் குறித்த அறிவிப்பு தற்போது வெளியாகியுள்ளது.

இந்த நுழைவுத்தேர்வை எழுத விரும்பும் விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் ஏதேனும் ஒரு பாடப் பிரிவில் இளங்கலை பட்டம் பெற்றிருக்க வேண்டியது மிக அவசியமாகும்.

என்ன மதிப்பெண்?

பொதுப்பிரிவு மற்றும் ஓ.பி.சி பிரிவைச் சேர்ந்த மாணவர்கள் தங்களது இளங்கலை பட்டப்படிப்பில் குறைந்தபட்சம் ஐம்பது சதவீத மதிப்பெண்கள் பெற்றிருக்க வேண்டும். அதே சமயம் எஸ்.சி, எஸ்.டி மற்றும் மாற்றுத்திறனாளி பிரிவைச் சேர்ந்த மாணவர்கள் குறைந்தபட்சம் நாற்பத்தைந்து சதவீத மதிப்பெண்கள் பெற்றிருப்பது கட்டாயமாகும்.

தற்போது இளங்கலை பட்டப்படிப்பின் இறுதி ஆண்டு பயிலும் மாணவர்களும் இந்த நுழைவுத்தேர்வை எழுத தாராளமாக விண்ணப்பிக்கலாம். எனினும், அவர்கள் கல்லூரியில் சேரும்போது தங்களின் இறுதி தேர்ச்சி சான்றிதழைச் சமர்ப்பிக்க வேண்டும்.

வயது வரம்பு என்ன?

சிஏ, சிஎஸ் முடித்தவர்களும் விண்ணப்பிக்கலாம். இந்த தேர்வுக்கு விண்ணப்பிக்க எந்தவிதமான உச்சகட்ட வயது வரம்பும் கிடையாது. இந்த நுழைவுத்தேர்வின் வடிவமைப்பு முழுவதுமாக கணினி வழியிலான தேர்வாக மட்டுமே அமையும்.

இது மொத்தம் மூன்று முக்கிய பிரிவுகளைக் கொண்டிருக்கும். மொழித்திறன், பகுப்பாய்வு திறன் மற்றும் கணிதத் திறன் என மாணவர்களின் திறனைச் சோதிக்கும் வகையில் கேள்விகள் மிகவும் நேர்த்தியாக வடிவமைக்கப்பட்டிருக்கும். ஒவ்வொரு பிரிவுக்கும் குறிப்பிட்ட கால அவகாசம் வழங்கப்படும்.

தேர்வுக்கு விண்ணப்பிப்பதற்கான கட்டண விலை மாணவர்களின் இடஒதுக்கீடு பிரிவுகளுக்கு ஏற்ப மாறுபடும். பொது மற்றும் ஓ.பி.சி பிரிவினருக்கு முழு தொகையும், எஸ்.சி, எஸ்.டி பிரிவினருக்கு சலுகை விலையிலும் கட்டணம் நிர்ணயிக்கப்படும். ஆன்லைன் மூலமாக மட்டுமே இந்த விண்ணப்ப தொகையைச் செலுத்த முடியும். கேட் தேர்வில் எடுக்கப்படும் ஒட்டுமொத்த மதிப்பெண் ரேஞ்ச் அடிப்படையில் மட்டுமே மாணவர்களுக்கு அடுத்த கட்ட நேர்காணலுக்கு அதிகாரப்பூர்வ அழைப்பு விடுக்கப்படும்.

எதற்காக இந்த தேர்வு?

தேர்வில் அதிக பெர்சன்டைல் ரேஞ்ச் பெறும் தகுதியான மாணவர்களுக்கு மட்டுமே இந்தியாவின் முன்னணி கல்லூரிகளில் முன்னுரிமை அடிப்படையில் இடம் கிடைக்கும். இந்த கேட் தேர்வு மதிப்பெண் ரேஞ்ச் முடிவுகள் வெளியான நாளிலிருந்து சரியாக ஒரு வருடத்திற்கு மட்டுமே செல்லுபடியாகும்.

முந்தைய வேலை அனுபவம் இருந்தாலும் நேர்காணலின் போது மாணவர்களுக்குக் கூடுதல் மதிப்பெண்கள் வழங்கப்படும். தகுதியுள்ள அனைத்து மாணவர்களும் அதிகாரப்பூர்வ இணையதளத்தில் ஆகஸ்ட் மூன்றாம் தேதி முதல் தங்களின் முழு விவரங்களை உள்ளிட்டு பதிவு செய்து கொள்ளலாம்.

விண்ணப்பிக்கும்போது தங்களின் உரிய கல்வி ஆவணங்கள், கையொப்பம் மற்றும் புகைப்படங்களை ஸ்கேன் செய்து எவ்வித பிழையின்றி இணையத்தில் பதிவேற்றம் செய்வது மிகவும் அவசியம். தாமதமாக வரும் விண்ணப்பங்கள் கண்டிப்பாக நிராகரிக்கப்படும் என்பதால், கடைசி தேதிக்கு முன்னதாகவே விண்ணப்பித்து முடிப்பது மாணவர்களுக்கு மிகவும் நல்லது. தேர்வுக்கான ஹால்டிக்கெட் பின்னர் ஆன்லைனில் வெளியிடப்படும் என்று தெரிவிக்கப்பட்டுள்ளது.