Anna University Result: அண்ணா பல்கலை. செமஸ்டர் தேர்வு முடிவுகள் வெளியானது; எப்படி தெரிந்துகொள்வது?

Anna University Result: அண்ணா பல்கலைக்கழக முதலாமாண்டு பொறியியல் துறை மாணவர்களுக்கு தேர்வு முடிவுகள் வெளியிடப்பட்டுள்ளன.

அண்ணா பல்கலைக்கழகம்

இளநிலை பொறியியல், பி.டெக். படிப்புகளுக்கான முதலாமாண்டு ஏப்ரல்/ மே மாத செமஸ்டர் தேர்வு முடிவுகள் இன்று வெளியாகி உள்ளன. இதை மாணவர்கள் பார்ப்பது எப்படி என்று தெரிந்துகொள்ளலாம். 

மாணவர்கள் https://aucoe.annauniv.edu/ என்ற இணைப்பை க்ளிக் செய்து, தேர்வு முடிவுகளை அறிந்துகொள்ளலாம். 

பருவத் தேர்வு முடிவுகள்:

அண்ணா பல்கலைக்கழகத்தில் பயின்று வரும் முதலாமாண்டு பொறியியல் துறை மாணவர்களுக்கு இந்தாண்டு நடைபெற்ற இளநிலை  முதலாமாண்டு செமஸ்டர் தேர்வு முடிவுகள் வெளியிடப்பட்டுள்ளதாக அண்ணா பல்கலைக்கழகம் அறிவித்துள்ளது. 

அண்ணா பல்கலைக்கழகம்

 

தமிழ்நாட்டிலுள்ள மிகவும் பழமை வாய்ந்த பல்கலைக்கழகங்களில் ஒன்று அண்ணா பல்கலைக்கழகம். பொறியியல் படிப்பிற்கான பல்கலைக்கழகங்களில் முக்கியமானது. இந்தப் பல்கலைக் கழகத்திற்கு கீழ் வரும் கல்லூரிகளில் பல லட்சம் மாணவர்கள் பொறியியல் படிப்புகளை படித்து வருகின்றனர்.

இந்த நிலையில் பொறியியல் முதலாமாண்டு மாணவர்களுக்கு ஏப்ரல் /மே  மாத செமஸ்டர் தேர்வுகள் நடைபெற்றன. அதற்கான தேர்வு முடிவுகளை அண்ணா பல்கலைக்கழகம் தற்போது வெளியிட்டுள்ளது.

செமஸ்டர் தேர்வு முடிவுகளைத் தெரிந்துகொள்வது எப்படி?

https://aucoe.annauniv.edu/regular_result- ஆகிய இரண்டு முகவரிகளை க்ளிக் செய்து, செமஸ்டர் தேர்வு முடிவுகளை தெரிந்து கொள்ளலாம்.

coe1.annauniv.edu/home/என்ற இணைப்பை க்ளிக் செய்ய வேண்டும்.

அதில், மாணவர்களின் லாகின் பகுதியில் பதிவு எண், பிறந்த தேதி மற்றும் Captcha-வைப் பதிவு செய்ய வேண்டும். 

அதன்பிறகு மாணவர்கள் தேர்வு முடிவுகளை அறிந்துகொள்ளலாம்.

பாடத்திட்டம் மாற்றம்

20 ஆண்டுக்குப் பிறகு பொறியியல் மாணவர்களுக்கான பாடத்திட்டம் மாறுவதாக அண்ணா பல்கலைக்கழகம் அண்மையில் அறிவித்தது. இந்த பொறியியல் பாடத்திட்ட மாற்றம் நடப்புக் கல்வியாண்டிலேயே  (2022- 23) அமலாகி உள்ளது. இதற்கான புதிய பாடத்திட்டத்தை அண்ணா பல்கலைக்கழகம் தற்போது வெளியிட்டுள்ளது.

ஆயிரக்கணக்கான பொறியியல் பட்டதாரிகள் வேலையில்லாமல் தவித்து வருகின்றனர். தொழில் நிறுவனங்களின் தேவைக்கு ஏற்ற திறன்களை அவர்கள் கொண்டிருக்காததுதான் முக்கியக் காரணம் என்று கூறப்படுகிறது. இந்த நிலையில் தொழில் துறையினரின் தேவைக்கும் மாணவர்களின் திறனுக்கும் இடையிலான இடைவெளியைக் குறைக்கும் வகையில் புதிய பாடத்திட்டம் அமைகிறது. 

தேவைக்கும் தொழில்நுட்பத்துக்கும் ஏற்ப புதிய பொறியியல் பாடத்திட்டம் உருவாக்கப்பட்டுள்ளது. மாற்றி வடிவமைக்கப்பட்டுள்ள புதிய பாடத்திட்டத்துக்கு அண்ணா பல்கலைக்கழக கல்விக்குழு கூட்டத்தில் ஒப்புதல் பெறப்பட்டதாகவும் தகவல் வெளியாகி உள்ளது

---