லேட்டாக சமையல் செய்த மகள்: அடித்தே கொன்ற தந்தை - ஆத்திரத்தால் அரங்கேறிய கொடூரம்

உடல்நிலை சரியில்லாததால் சில நாட்கள் முகேஷ் ஆட்டோ ஓட்ட செல்லவில்லை. வீட்டிலேயே இருந்துள்ளார்.

உயிரிழந்தவர்

Source : twitter

சமையல் செய்ய லேட்டானதால் மகளை தந்தை அடித்தே கொன்ற சம்பவம் குஜராத்தில் அரங்கேறியுள்ளது. 

குஜராத் மாநிலம் சூரத் நகர், சவுக் பஜார் பகுதியை சேர்ந்தவர் முகேஷ் பர்மர். 40 வயதான இவர் ஆட்டோ ஓட்டும் தொழில் செய்து வந்துள்ளார். இவருக்கு திருமணமாகி 2 மகள்கள் 2 மகன்கள் உள்ளனர். 

இந்நிலையில் உடல்நிலை சரியில்லாததால் சில நாட்கள் முகேஷ் ஆட்டோ ஓட்ட செல்லவில்லை. வீட்டிலேயே இருந்துள்ளார். அவருடன் 18 வயது மகளான ஹெடாலியும் வீட்டில் இருந்துள்ளார். அவரது தாய் வேலைக்கு செல்வதால் மகள் ஹெடாலியிடம் தந்தை முகேஷுக்கு சமைத்து கொடுக்கும் படி கூறிவிட்டு சென்றுள்ளார். 

ஆனால் ஹெடாலி சமையல் செய்யாமல் வேறு வேலைகளை பார்த்துக்கொண்டிருந்ததாக தெரிகிறது. இதனால் கோபப்பட்ட முகேஷ் ஹெடாலியிடம் வாக்குவாதத்தில் ஈடுபட்டுள்ளார். மகள் ஹெடாலியும் பதிலுக்கு பதில் பேசியுள்ளார். இதனால் ஆத்திரமடைந்த தந்தை சமையலறையில் இருந்த குக்கரை எடுத்து ஹெடாலியின் தலையில் பலமாக அடித்துள்ளார். 

இதில் ரத்த வெள்ளத்தில் விழுந்த ஹெடாலி சம்பவ இடத்திலேயே உயிரிழந்தார். தகவலறிந்து வந்த போலீசார் இறந்தவரின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு முகேஷை கைது செய்து விசாரணை மேற்கொண்டு வருகின்றனர்.