மேலும் அறிய

Stock Market Today : ஏற்றத்தில் தொடங்கிய இந்திய பங்குச்சந்தை...சென்செக்ஸ் 60 புள்ளிகள் உயர்வு...லாபத்தில் விப்ரோ, டிசிஎஸ் பங்குகள்...!

Share Market : இன்று காலை தொடங்கிய இந்திய பங்குச்சந்தையானது ஏற்றத்துடன் தொடங்கி வர்த்தகமாகி வருகிறது.

Written By : உமா பார்கவி | Updated at : 07 Feb 2023 10:28 AM (IST)

பங்குச்சந்தை

Share Market : இன்று காலை தொடங்கிய இந்திய பங்குச்சந்தையானது ஏற்றத்துடன் தொடங்கி வர்த்தகமாகி வருகிறது.

மும்பை சந்தை குறியீடான சென்செக்ஸ் 76.15 அல்லது 0.11 % புள்ளிகள் உயர்ந்து 60,583.05 ஆகவும், தேசிய பங்குச் சந்தை குறியீடான நிஃப்டி 29.20 அல்லது 0.11% புள்ளிகள் உயர்ந்து 17,793.80 புள்ளிகளாகவும் வர்த்தகமாகி வருகிறது. வாரத்தின் முதல் நாளான நேந்று இந்திய பங்குச்சந்தை சரிவில் தொடங்கியுள்ளது முதலீட்டளார்களை கவலையில் ஆழ்த்தியது. குறிப்பாக நேற்று ஒரே நாளில் வர்த்தக தொடக்கத்தில் சென்செக்ஸ் 100 புள்ளிகள் வரை சரிந்தது.

Sensex rises 76.15 points to 60,583.05 points in early trade; Nifty gains 29.20 points to 17,793.80 points
— Press Trust of India (@PTI_News) February 7, 2023

ஆனால் இன்று பங்குச்சந்தையில் தொடக்க வர்த்தகத்தில் சென்செக்ஸ், நிப்ஃடி புள்ளிகள் உயர்த்துள்ளதால் முதலீட்டாளர்களை சற்று ஆறுதல் அடைந்துள்ளனர்.

லாபம்-நஷ்டம்

அதானி போர்ட்ஸ், எச்சிடிஎஃப்சி, பஜாஜ் பின்சர்வ், பிரிட்டானியா, டிசிஎஸ், விப்ரோ, என்டிபிசி, அல்ட்ரா டெக் சிமெண்ட், லார்சன், கோடக் மகேந்திரா, ரிலையன்ஸ், பிபிசிஎல், கோல் இந்தியா, கிராசிம், ஓஎன்ஜிசி, பாரதி ஏர்டெல் உள்ளிட்ட நிறுவனங்களின் பங்குகள் ஏற்றம் கண்டுள்ளன.

டாடா ஸ்டீல், ஹின்டல்கோ, ஐடிசி, மாருதி சுசிகி, ஹிரோ மோட்டோகோர்ப், அப்போலோ மருத்துவமனை, டாடா மோட்டார்ஸ், சன் பார்மா, யுபிஎல், டெட்டன் கம்பெணி, டெக் மகேந்திரா, டாடா கான்ஸ், எம்எம், சிப்ளா, பஜாஜ் ஆட்டோ, எஸ்பிஐ, கிராசிம், எச்சிஎல் டெக் உள்ளிட்ட நிறுவனங்களின் பங்குகள் சரிவை கண்டுள்ளன.

வட்டி விகிதம் உயருமா?

இந்திய ரிசர்வ் வங்கியானது, பணவீக்கம் குறித்து முக்கிய முடிவுகளை எடுக்க இன்று இரண்டாவது நாளாக ( பிப்.6 முதல் பிப். 8 ) இக்கூட்டம் நடைபெறுகிறது.

மூன்று நாட்கள் நடைபெறும் கூட்டத்தில், பணவீக்கத்தை கட்டுப்படுத்தும் விதமாக இந்திய ரிசர்வ் வங்கியும் வட்டி விகிதத்தை உயர்த்தும் என எதிர்பார்க்கப்படுகிறது. 25 அடிப்படை புள்ளிகள் உயர்த்த வாய்ப்புள்ளதாக பொருளாதார வல்லுநர்கள் கருத்து தெரிவித்து வருகின்றனர். இதனால் ரியல் எஸ்டேட் தொழிலாளர்கள், வங்கியில் வீட்டு கடன் , வாகன கடன் வாங்கியோருக்கு இ.எம்.ஐ செலுத்தும் தொகையானது அதிகரிக்கக்கூடும் எதிர்பார்க்கப்படுகிறது.

இந்நிலையில் பங்குச்சந்தையில் இன்று காலை வர்த்தகத்தில் நிப்ஃடி 18 ஆயிரத்திற்கு கீழ் இருந்தது. இந்த ரிசர்வ் வங்கி கூட்டமும், இந்திய பங்கு சந்தையில் தாக்கத்தை ஏற்படுத்தியுள்ளது.

ரூபாயின் மதிப்பு