Petrol Diesel Price Today : சென்னையில் இன்று பெட்ரோல், டீசல் விலை என்ன தெரியுமா?
சென்னையில் இன்று பெட்ரோல் மற்றும் டீசல் எந்த மாற்றமுமின்றி நேற்றைய விலையிலே தொடர்ந்து விற்கப்படுகிறது.
சென்னையில் நேற்று பெட்ரோல் விலை லிட்டருக்கு 98.96-க்கு விற்கப்பட்டது. டீசல் லிட்டருக்கு ரூபாய் 93.26-க்கு விற்கப்படுகிறது. இந்த நிலையில். சென்னையில் இன்று பெட்ரோல் மற்றும் டீசல் விலை தொடர்ந்து அதே விலையில் விற்கப்படுகிறது. தமிழ்நாடு அரசு பெட்ரோல் மீதான மாநில அரசின் வரியை ரூபாய் 3 குறைக்கப்பட்ட பிறகு, சென்னையில் பெட்ரோல் ரூபாய் 99.08-க்கு விற்கப்பட்டது. டீசல் லிட்டருக்கு ரூபாய் 93.38-க்கு விற்கப்பட்டது. கடந்த ஒன்றரை மாதமாக ரூபாய் 100க்கும் அதிகமாக விற்கப்பட்டு வந்த பெட்ரோல் விலை மாநில அரசின் வரி குறைப்பால் 100க்கும் கீழ் குறைந்தது.
முன்னதாக, சென்னை கலைவாணர் அரங்கத்தில் நடைபெற்ற பட்ஜெட் கூட்டத்தொடரில் நிதிநிலையை தாக்கல் செய்து பேசிய நிதியமைச்சர் பி.டி.ஆர். பழனிவேல் தியாகராஜன் பேசும்போது, இந்தியாவிலே தமிழ்நாட்டில்தான் இருசக்கர வாகனங்கள் அதிகம். பெட்ரோல் விலை உயர ஒன்றிய அரசுதான் காரணம் என்றாலும் மாநில அரசு வரியை குறைக்கிறது. பெட்ரோல் விலை மீதான வரி லிட்டருக்கு ரூபாய் 3 குறைக்கப்படுகிறது. இது உழைக்கும் வர்க்கத்தினருக்கும், நடுத்தர குடும்பத்தினருக்கும் மிகப்பெரிய நிவாரணமாக அமையும். இதனால், ஆண்டுக்கு ரூபாய் 1,160 கோடி வருவாய் இழப்பு ஏற்படும் என்று கூறியிருந்தார்.
ஆனால், பெட்ரோல், டீசல் உள்ளிட்ட எரிபொருட்கள் மீதான சுங்க வரி குறைக்கப்படாது என மத்திய நிதி அமைச்சர் நிர்மலா சீதாராமன் தெரிவித்துள்ளார். இது குறித்து தெரிவித்துள்ள நிர்மலா சீதாராமன், ஐக்கிய முற்போக்கு கூட்டணி அரசால் வெளியிடப்பட்ட எரிபொருள் பத்திரங்களுக்கு இப்போதைய அரசு 5 ஆண்டுகளில் ரூ.70195 கோடி வட்டி செலுத்துள்ளது. 2026-ஆம் ஆண்டுக்குள் மேலும் ரூபாய் 37 ஆயிரம் கோடி வட்டியாக செலுத்த வேண்டியுள்ளதால், எரிபொருள் விலையை குறைக்க இயலவில்லை என்று கூறியிருந்தார்
கடந்த 2014-ஆம் ஆண்டு முதல் மத்திய அரசு பெட்ரோல் மற்றும் டீசல் மீதான வரிகளை கடுமையாக உயர்த்தி வருகிறது. 2014-ஆம் ஆண்டு மே மாதத்தில் லிட்டருக்கு ரூபாய் 9.48-ஆக இருந்த பெட்ரோல் மீதான வரி, 2021 மே மாதத்தில் லிட்டருக்கு ரூபாய் 32.9-ஆக உயர்ந்துள்ளது. மத்திய அரசு பெட்ரோல் மீதான வரியை 216 சதவீதம் அதிகரித்துள்ளது. தமிழ்நாட்டிற்கு மத்திய அரசிடம் இருந்து வரி பங்கானது மற்ற மாநிலங்களைவிட குறைவாக உள்ளது என்பதும் குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
