Petrol Diesel Price: 36 வது நாளாக தொடரும் சோதனை.. இன்றைய பெட்ரோல் டீசல் விலை நிலவரம்..!
இன்றைய பெட்ரோல், டீசல் விலை நிலவரத்தை இதில் தெரிந்துகொள்ளலாம்.
சென்னையில் 36வது நாளாக தொடர்ந்து விலை மாற்றமின்றி பெட்ரோல் டீசல் விலை விற்கப்படுகிறது. அதன்படி இன்று ஒரு லிட்டர் பெட்ரோல் விலை 110.85 ரூபாய்க்கும், டீசல் விலை மாற்றமின்றி 100.94 ரூபாய்க்கும் விற்பனை செய்யப்பட்டு வருகிறது. முன்னதாக, பெட்ரோல், டீசல் விலை லிட்டருக்கு 15 ரூபாய் வரை அதிகரிக்கலாம் என்று நிபுணர்கள் கணித்திருந்தது குறிப்பிடத்தக்கது.
பெட்ரோல் டீசல் விலை உயர காரணம் என்ன?
உள்நாட்டில் பெட்ரோல் டீசல் விலையை பொதுத்துறை எண்ணெய் நிறுவனங்கள் சர்வதேச சந்தை நிலவரத்திற்கு ஏற்ப தினமும் நிர்ணயம் செய்கின்றன. கடந்த ஆண்டு நவம்பர் 3 ஆம் தேதி ஒரு லிட்டர் பெட்ரோல் 106.66 ரூபாய்க்கும் டீசல் 102.59 ரூபாய்க்கும் விற்பனை செய்யப்பட்டது. இதுவே, பெட்ரோல், டீசல் விற்பனையில் அதிகபடச விலையாக இருந்தது.
அன்றைய தினமே பெட்ரோல், டீசல் மீதான கலால் வரி குறைகப்பட்ட நிலையில் நவம்பர் 4 ஆம் தேதி பெட்ரோல் விலை லிட்டருக்கு 5 ரூபாயும், டீசல் 10 ரூபாயும் குறைக்கப்பட்டது. அன்றையை தினம் தமிழகத்தில் லிட்டர் பெட்ரோல் 101.40 ரூபாய்க்கும் டீசல், 91.43 ரூபாய்க்கும் விற்பனை செய்யப்பட்டது. அதன் பின்னர் 5 மாநிலங்களுக்கான தேர்தல் நடைபெற்றதால் பெட்ரோல், டீசல் விலை உயர்த்தப்படாமல் இருந்தது. அங்கு தேர்தல் முடிவடைந்த நிலையில், ரஷ்யா உக்ரைன் போர் வந்தது. அதனைத்தொடர்ந்து கச்சா எண்ணெய் தொடர்ந்து உயர்ந்து வந்ததால் பெட்ரோல் டீசல் விலை தொடர்ந்து உயர்ந்து கொண்டே வந்தது.
இந்தியா தனது எண்ணெய் தேவையில் சுமார் 85 சதவீதத்தை பூர்த்தி செய்ய வெளிநாட்டு கொள்முதலை நம்பியுள்ளது. இது ஆசியாவில் அதிக எண்ணெய் விலைகளால் பாதிக்கப்படக்கூடிய ஒன்றாகும்.எண்ணெய் விலைகள் ஏற்கனவே இந்த ஆண்டு 60 சதவீதத்திற்கும் அதிகமாக உயர்ந்துள்ளன. மேலும் பலவீனமான ரூபாய் மதிப்பு நாட்டின் நிதியைப் பாதிக்கலாம், புதிய பொருளாதார மீட்சியை உயர்த்தலாம் மற்றும் பணவீக்கத்தைத் தூண்டலாம் எனவும் கூறப்பட்டிருந்தது.
முன்னதாக, பெட்ரோல் டீசல் விலையை நான்கு மாதங்களுக்கும் மேலாக சீராக வைத்திருந்து நஷ்டத்தை சமாளிக்க எண்ணெய் நிறுவனங்கள் தயாராகி வருவதால் பெட்ரோல், டீசல் விலை மேலும் உயர வாய்ப்புள்ளது என தெரிவிக்கப்பட்டிருந்தது. அதன்படி 13 ஆண்டுகளில் இல்லாத அளவுக்கு பீப்பாய் ஒன்றுக்கு 140 டாலர் உயர்ந்தது.
2017 ஆம் ஆண்டு முதல், எரிபொருள் விலைகள் சர்வதேச விலைக்கு ஏற்ப தினசரி மாற்றியமைக்கப்படும். எண்ணெய் அமைச்சகத்தின் பெட்ரோலியம் திட்டமிடல் மற்றும் பகுப்பாய்வு செல் (PPAC) தகவல்களின்படி, கடந்த மார்ச் 1ஆம் தேதி இந்தியா வாங்கிய கச்சா எண்ணெய் ஒரு பீப்பாய்க்கு 111 டாலருக்கு மேல் உயர்ந்தது. நான்கு மாதங்களுக்கு முன்பு பெட்ரோல் மற்றும் டீசல் விலைகள் அதிகரிக்காத நேரத்தில் இந்திய கச்சா எண்ணெயின் பீப்பாய் விலை சராசரியாக 81.5 டாலராக ஆக இருந்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
